Génesis 30:2 - La'qaatqa ñi qota'olec Qota'olec & Qota'olec Novita Na Qomyipi

² Qam so Jacob ro'ỹo' aso'maxare, ca 'naaco': —¿Qa' ỹimo' qota'olec? Ma' ñi'maxare ñí'maq se ỹo'uet ca qachaalqui'.

Génesis 30:2 Iomraidhean Croise

Génesis 16:2

Ca 'naapego' so loua Abram: —'Anta, ñi qara'gaxala' se ỹo'uet ca ỹaalec. Qam ñi'xoresene'tot qami' quiyim quirepegue' añi ỹa'a Agar, sha'apiguito' 'ue ma'le ca ỹaalec chicqotougui añi'maxare. Ca' so Abram saachiguit da la'qaatec aso Sarai.

Génesis 20:18

Ma' sauaxato' aso Sara, ca ñi qara'gaxala' ỹo'uet quiyim qaca aca ishit co'o quesó'maq 'aallipi neeta'ñi yi la'a' so Abimelec.

Génesis 25:21

Ca' so Isaac nqouagaxainot ñi qara'gaxala', rashiilaxanlec aso Rebeca, ma' aso'maxare qaica ca llaalec. Ca' ñi qara'gaxala' 'xaỹa so nqouagaxainaxac, ca' 'man nqai'en aso Rebeca.

Génesis 29:31

Ca co'na' ñi qara'gaxala' iuana quiyim so Jacob se nqo'ta aso Lea, ca ỹo'uet quiyim aso'maxare 'ue so llaalqaipi, qam aso Raquel se co'o nqai'en.

Génesis 31:36

Ca' so Jacob ro'o' na'le, ca 'naaco' queso Labán: —¿Negue' cá'maq ỹo'maxaset? ¿Negue' cá'maq ỹasauaxaset, ma' ỹaatqajam yocañi'sac?

Génesis 50:19

Qam so José 'naaco' quesaua'maxare: —Totaxan ro'chii. Ma' ỹim se ñpa'xanlec da lo'ueenataxanaxac ñi qota'olec.

2 Reyes 5:7

Ca co'na' so nashi quiyi Israel retaqalec aso nelaata, ca nasectaqta'ahi saua loho queda nqui'ic. Ca 'naaco': —Ca ¿ỹimo' ná'maq ỹim qota'olec quiyim ỹaanec da nca'laxa chaqai quiyim ỹacona da chaalataxac quiyim cajo nelata ỹim na ỹale quiyim ñataren na le'ne' na loshicmaxa? ¡Ỹaatqajam 'ajñita, ca' 'yiiñii ma'le quiyim ỹahotaque ca lligo queca ño'ueenataxac quiyim yiloquin!

Salmos 127:3

Na qochaalqaipi mashic ne'qaañi ỹaatqajam chalego loyac lqouagaxanaxat ñi qara'gaxala'.

Éxodo 32:19

Ca co'na' so Moisés paguec sqoỹoqaque nqai'en so co'matqa', ca iuane'ta so huaqui llaalec chaqai ca rasotaxaripi, ca' ỹaatqajam ro'o. Ca nenaqaiño' saua lo'qoota'alo qari, ca ropoqoguilo nqai'ne' quena lahi aso quemaralec qa' ladocai.

Mateo 5:22

Qam ỹim shinac caqamiri, canchaqaica quiyim ro'ỹa ca lqaỹa, ca' ca'maxare qaỹa'ue ca nouaxanaxaset. Chaqai cá'maq ishiuen ca lqaỹa, ca' qaỹauega'a ná'maq nashillipi ỹo'ueetegueñi na leloxoỹaxaquipi, ca' qaimit. Chaqai cá'maq 'naac sqaica ỹa'den ca lqaỹa, ca' ca'maxare hueetalec ca lichic quiyim taañigui nqohin ca norec, cá'maq hua'ñi quiyim ñi qota'a ỹo'uet ca nouaxanaxaset na hualoxonyipi.

Marcos 3:5

Co'na'le, ca so Jesús ro'oogui na' ỹamataugui so qomyipi. Ca' 'ue da lachicoxo, ma' saua'maxare se na'xaỹaxane'. Ca 'naapego' só'maq ỹale: —Ỹeguec nqai'ñi' na rqai'laxachi'. Ca' ỹeguec nqai'en da lqai'laxat, ca chaqa'ma' imeuec.

Lucas 1:42

Ca' aso'maxare ỹaatqajam nelamaxaren 'ne'teco': —Ñi qota'olec ỹaanem qami' da lqouagaxa, ca' sqai 'ñiite'm ná'ogue na liỹa 'aallipi. Chaqai ca qachaalqui' ỹaanem da lqouagaxa.

Efesios 4:26

Chaqai no'm 'ue ca ro'o, qam se ỹa'ue ca lasauaxaset; chaqai cajo lonogoxonaxac sqai queugui nqai'en cá'ogue ca na'xa'a.

1 Samuel 1:5

Qam aso Ana paguec loyac na ỹaanem, ma' paguec lqo'itqate, 'eno'm ñi qara'gaxala' se co'o nqai'en aso'maxare.