Génesis 3:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca' so ỹale chaqai aso loua 'xairaque ñi qara'gaxala' qota'olec ỹouoxontac yi lanaxanqa' hueetaugui so nonot 'oom queso avit. Ca' saua'maxare nqañoxoterapeguem, tarougui yi qo'paxasat quiyi nanaxanqa'.

Génesis 3:8 Iomraidhean Croise

Génesis 18:33

Ca co'na' ñi qara'gaxala' ỹomat quiyim retaqata'pegue' so Abraham, ca' ca'e yí'maq hueete'e. Ca' so Abraham pilougui so lauo' na'daañi.

Génesis 3:10

Ca' so ỹale 'naaco': —Sa'xaỹaque qami' quiyim huoxoñi'sac na nanaxanqa'. Qam yo'chi, ma' sentauec. Ca vichiguiño' ñqañoxojñi.

Job 38:1

Ca' ñi qota'olec netaxaỹa'ña so Job, hueetaugui so nonot lodegaxat, 'naaco':

Jonás 1:3

Qam so Jonás se na'xaỹaxan, ta'ta'a quiyim ỹahotaque 'eetapeguem ñi qara'gaxala' qota'olec. Ca' quepegue' yi ñigaxasom leenaxat Jope. Ca' quiyi, ca' natenejlec aso qom lahi' huaxaỹaqse mashic sham taigue da na'a' lodegaxat Tarsis. Ca so'maxare ishiueten aso renotaxaqui, ca' renoto, huotaque taigue da Tarsis.

Romanos 2:15

Ma' chi ichoxot da no'ueenataxac quiyim da naqataxaquipi naneretalec añi le'taxanata. Ma' quedá'maq chi la'deenataxanaxac, ca re'oq nqai'en dajo, ca dá'maq chi la'deenataxanaxac ichoxot ma'le quiyim pataxañi, loqo'm ro'ootaxanlec

Deuteronomio 23:14

Ma' ñi ra'gaxalari qota'olec ỹalequetauguilo qamiri quena nco'matqari, quepaqataxanteguelgoto qamiri, chaqai ỹo'uet quiyim qadoxoñiguii ca npa'guenaxauahi. Ca' vichiguiño' cá'maq nco'matqari ỹaatqajam co'teeta nqai'ñii, qaiyi ñi qota'olec qaica ca iuana se no'uen queca'maxare, ma' no'me', ca' noỹootec caqamiri.

Hebreos 4:13

Qaica quet cá'maq ishit nañoxotetegueñi quiñi qota'a quená'maq lo'ueenatqaipi ñi'maxare. Ma' ná'ogue na'maxare re'qoota chaqai ỹanetec nqai'en ñí'maq ra'iitalec na'maxare, ñí'maq 'ue ca na'xa'a, ca ñachaataxau'a quiyim sa'xataq ca qaro'ueenataxanaxac.

Apocalipsis 6:15

Chaqai na nashillipi quena 'laua nañoxojñi quenaua lauaco chaqai quena qa' quena quemaralec ladocai, liỹaatac ná'maq leta'allipi, na nesallaxanqaipi, na lashillipi na nouaataxanaq, ná'maq quesaxanaxaiquipi, chaqai ná'ogue ná'maq na'aquipi chaqai ná'maq se na'aquipi.