Génesis 3:4 - La'qaatqa ñi qota'olec Qota'olec & Qota'olec Novita Na Qomyipi

⁴ Qam so nanaic 'naaco' caso 'aalo: —La'maachic. Se rillivii.

Génesis 3:4 Iomraidhean Croise

Génesis 3:13

Co'na'le, ca' ñi qara'gaxala' qota'olec inato' aso 'aalo: —¿Chi'neco' ma' 'viichi' dajo? Ca' aso'maxare 'naaco': —So nanaic só'maq yayin, ca' sa'ic aca la ada qo'paq.

Génesis 3:3

Qam aca la ada qo'paq neetañigui na lavinñi na nanaxanqa', 'naac ñi qota'olec quiyim se sa'guinaq chaqai se seconaxagui aca la dajo qo'paq. Ma' no'm shinqa'tegue dajo, ca' qareleu.

2 Reyes 1:16

Ca 'naaco': —Da la'qaatec ñi qara'gaxala' 'neetasa': Ma' mashic vite ca relaachiqui' quiyim renataxana ñi Baal-zebub, ñí'maq qohinac qota'olec quiyi Ecrón, ta'ta'a quiyim 'eco' sqaica qota'olec nqai'ñi' quena Israel quiyim qainat, vichiguiño' nagui, ca' tot ne'laxachirishiguim quena romalachi', ma' rillivi'.

2 Reyes 1:4

Chaqai 'ñirapega qai'neeta quiyim ỹim na'gaxala' da ỹa'qaatec quiñi Ocozías 'neetasa' quiyim totqai ñishiguim ma'le queca lomala', ta'ta'a quiyim ileu. Ca' so Elías eec, ca' ỹo'uet dajo.

2 Reyes 1:6

Ca' so qomyipi 'naaco': —'Ue so qom ỹanaxatoxoguit, ca 'naac coqomi' quiyim yapilaxa cá'maq nashi qarela', ca' shinqapega da 'naac ñi qara'gaxala', 'neetasa': ¿Qaico' ca qota'olec quena Israel quiyim qami' laataxañita quiyim qainat ca nashiilec nqolac Baal-zebub, cá'maq qohinac qota'olec quiyi Ecrón? Ca' quedajo 'viichi', ca' tot ne'laxachirishiguim quena romalachi', ta'ta'a quiyim rillivi'.

Juan 8:44

Ỹaatqajam qamiri lalamaxarete' llaalqa so na'ỹaapec, ma' viitaque 'viichii dá'maq ỹahotaque so'maxare. So na'ỹaapec ỹaatqajam lauataxanaxai, chicqotañi na' llaqai chita'gue qaỹo'uet na 'laua. Se ỹauanapega ỹouen da lliqueta, chaqai se ỹa'xat ca lliqueta. Quena' ỹa'xate' naua la'maachico, retaqa, qam chi na'xateteguelta'. Ma' so'maxare ỹaatqajam 'maatqaic, chaqai chaqaiso só'maq leta'a na na'maachic.

2 Corintios 11:3

Qam quedá'maq 'ne'teco' na'le da lco'ỹaxaric so nanaic na' ỹachiguiñi aso Eva, ca 'eco' 'ue da ỹoqolonaxa ma' sqoue quiyim 'ue ca ỹachi'iñi qamiri qai'neeta. Ca ỹashaxanec da ra'deenataxanaxaguii, ca ỹoỹoote'ogalo qamiri quiyim sqai viilec so Cristo.

2 Corintios 2:11

qaiyi so na'ỹaapec qaica ca lligo coqomi', ma' sa'deenqachiguilo naua'que naua lco'ỹaxarico.

1 Timoteo 2:14

Ca mesqai so Adán só'maq qaỹayin. Qasoota aso Eva qaỹayin. Ca co'na' qaỹayin, ca' 'uo' da lasauaxaset.