Génesis 3:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ca co'na' ime naqata'a so ỹale, ca pa'xanda'gue da lqodoigue quiyi nanaxanqa' saua lelaatqa piguim lase', chaqai so lecat ỹaviquetaugui yá'ogue ỹaqaletentac, qaiyi qaica ỹovira'a adá'maq qo'paq chicqaugui da nca'laxa.

Génesis 3:24 Iomraidhean Croise

Génesis 3:23

Ca' vichiguiño' ñi qara'gaxala' qota'olec naqata'a so ỹale, ca'e nqai'en yi nanaxanqa' huaugui yi 'laua leenaxat Edén. Ca' ỹo'uet nqai'en na 'laua ná'maq chicqaugui na'le so'maxare co'na' qaỹo'uet.

Génesis 4:1

Ca' so ỹale mashic viguit aso loua Eva, ca 'man aso'maxare, ca 'uo' so llaalec Caín. Ca 'naaco': —Mashic 'ue ñi ỹaalec ỹale; nañaañim ñi qara'gaxala'.

Génesis 4:14

Nagui, ca' yo'yirauec quenajo seuetalec 'laua, ca chaqa shiqueteguelec na 'laua qaica ca ỹa'a', qoỹoqo'ta qami' caỹim, sqaica ca ñco'matqa'. Ca' canchaqaica iuanejlec aỹim, ca' yalauat ma'le.

Salmos 104:4

Na nonot chaqaina na ra'qaataxanqajanqui', chaqai relaataxahi' naua norqa lauaxa'.

Éxodo 25:2

—'Ñirapega ma'le na Israel llaalqaipi quiyim nodou'a aỹim na lachitaxanataxanaxat. Ca ná'ogue lapoon na lame ỹaatqajam qaica ca huapigui na lauel quiyim ỹa'ue ca lame caỹim.

Ezequiel 31:11

Vichiguiño' ỹim se yqo'ta, ca' saxanegue quiyim qoỹoiquentac queca ỹoqa'a nashi, ca ca'maxare qa'viỹa'gue sauaxat da leualoxonqaishic.

Números 22:23

Ca co'na' aso 'ashina iuane'ta so nelaatec chicqashiguim quena lavinñi so nayic, lo'qoota'a so lecat, ca' ỹoxouec queso nayic, ca quelec so no'ueenaxa. Qam so Balaam ỹouaxan, ma' ỹahotaque pila'a nqai'en so nayic.

Juan 14:6

Ca' so Jesús 'naaco': —Ỹim ná'maq ỹim nayic, chaqai aỹim lliqueta, chaqai qai'neeta ỹim nca'laxa. Ỹim qaỹimeta ñigo, ca ishit qaỹovira'a ñi qota'a.

Hebreos 1:7

Qam dá'maq 'neeto' na'le quena piguim laseripi, ca' ñi qota'a 'naaco': Ñi'maxare ỹo'uet na lelaatqaipi piguim laseripi 'ec nqai'en na nonot, chaqai na lo'ueenataxanqajanqaipi 'ec nqai'en na norec lauaq.

1 Samuel 4:4

Ca' so llaalqaipi so Israel ỹa'ue so ilata yi Silo quiyim qanodori' aso lahi' saua laqataxaco ñi qota'olec, ñí'maq qaica lqalanec, ñí'maq neetalgoto saua dos nadenqatqa piguim lase' 'vii laua'. Ca' so Ofni chaqai so Finees, sauá'maq llaalqa so Elí, liỹa' quetegue aso lahi' saua laqataxaco ñi qota'olec.