Génesis 3:23 - La'qaatqa ñi qota'olec Qota'olec & Qota'olec Novita Na Qomyipi

²³ Ca' vichiguiño' ñi qara'gaxala' qota'olec naqata'a so ỹale, ca'e nqai'en yi nanaxanqa' huaugui yi 'laua leenaxat Edén. Ca' ỹo'uet nqai'en na 'laua ná'maq chicqaugui na'le so'maxare co'na' qaỹo'uet.

Génesis 3:23 Iomraidhean Croise

Génesis 2:5

ca saqa'laca aca ñaxat qo'paq chaqai na 'uaqapi, ma' ñi qara'gaxala' qota'olec saqa' ỹo'uet ca ỹaxat taalec ana 'laua, chaqai saqa'leca ca ro'ueenataxanlec.

Génesis 2:7

Co'na'le, ca' ñi qara'gaxala' qota'olec ỹo'xono' so qom ỹachigoxotaugui na 'laua. Ime, ca' pe'teu'guelo naua limiaqa lauaco, ca' ỹaanem da lca'laxa. Ca' so qom 'ue da lca'laxa.

Génesis 2:8

Ca na' ime, ca ñi qara'gaxala' qota'olec ỹo'ueeto' so lanaxanqa', illaalec yi 'laua leenaxat Edén, pa'ỹa'gue da lqodoigue. Ime, ca' ỹanalec só'maq lo'ueenatec qom.

Génesis 3:19

Ỹaatqajam nenoqoichiriñi 'ueenataxañi'sac, ca' qaigueme naviqui' ca qanoqe', chi ỹovireta'a ma' pillirougui na 'laua ná'maq chicqoiraugui na' qaro'viichi'. Ma' qami' 'laua na'le, ca' ñigui 'laua qami' ma'le.

Génesis 3:22

Ca 'naaco': Ca' nagui da ỹale 'nejme' qomi', ma' ỹa'den ca lo'yaxanec chaqai ca se no'uen. Qaiyi se naqat na la ada qo'paq chicqaugui da nca'laxa, ca ỹa'ic, ca' sqaica lqodoc da nachaalataxac.

Génesis 3:24

Ca co'na' ime naqata'a so ỹale, ca pa'xanda'gue da lqodoigue quiyi nanaxanqa' saua lelaatqa piguim lase', chaqai so lecat ỹaviquetaugui yá'ogue ỹaqaletentac, qaiyi qaica ỹovira'a adá'maq qo'paq chicqaugui da nca'laxa.

Génesis 4:12

Ca 'eno'm 'viichi'sac na 'laua, qam tot qaca ma'le aca la. Ca chaqai huoxoñi'sac ma'le ana 'laua qaica ca ra'aachi', chaqai qaica ma' shichi' quet quiyim nco'machirec.

Génesis 4:2

Ime, ca' lotqai 'ue so liỹa llaalec leenaxat Abel, lqaỹa so Caín. So Abel ỹalamqajlec quiyim neloxoỹaq cana qagreta, chaqai so Caín ỹalamqajlec da lo'ueenataxanaxac danaxantac, ỹanteguelec na 'laua.

Génesis 9:20

So Noé ro'ueenataxantac quena 'laua, ca chaqaiso' só'maq 'auaxaic ỹanñi ana 'úva.

Eclesiastés 5:9

Ca' ¡dajo qohinac nqo'neuec da lesallaxa ca 'laua qoyintalec, chaqai ca nashi paguec quelola na no'ueenaxa!