Génesis 3:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Ỹaatqajam nenoqoichiriñi 'ueenataxañi'sac, ca' qaigueme naviqui' ca qanoqe', chi ỹovireta'a ma' pillirougui na 'laua ná'maq chicqoiraugui na' qaro'viichi'. Ma' qami' 'laua na'le, ca' ñigui 'laua qami' ma'le.

Génesis 3:19 Iomraidhean Croise

Génesis 18:27

Qam so Abraham liỹa 'naac: —Chi yi'xoriñi'sac quiyim 'ue da liỹa sa'xat caqami', ma' ỹaatqajam qami' qota'olec, ca' ỹim chaqaỹim qom.

Génesis 2:7

Co'na'le, ca' ñi qara'gaxala' qota'olec ỹo'xono' so qom ỹachigoxotaugui na 'laua. Ime, ca' pe'teu'guelo naua limiaqa lauaco, ca' ỹaanem da lca'laxa. Ca' so qom 'ue da lca'laxa.

Génesis 23:4

—'Eno'm ỹoqa'a ca sachicqa'gue quiyim salequetauguilo qamiri, qam ỹim sahotaque miiñiỹot aỹim ca 'laua quiyim loma' ayi ỹasauaxana, qaiyi seshinñi ayi ỹoua tot qaca.

Génesis 3:18

Na 'laua ma'le ñaxajlec ná'ogue ana ỹoreta'oguit le chaqai ana cotague. Ca 'qui' ma'le ana la ana qo'paq 'oochise.

Génesis 5:5

Ca' queda, ca' quesá'ogo' ỹovi' novecientos treinta ñaxari quiyim nca'leetauec. Ca co'na' ỹovite' sauajo ñaxari, ca' ileu.

Job 1:21

Ca 'naaco': —Sentauec na' ñovita na 'laua, ca' chaqaida shintari' ma' shique'e. Ñi qara'gaxala' nañaañim ná'ogue ná'maq ỹouenqaipi. Ca ñi'maxare icona liỹa ná'ogue. ¡Ca' da leenaxat ñi qara'gaxala' chaqaidaata 'neetari' qaimaqachintac!

Job 19:26

'Eno'm nateta'ñiguit na ỹa'at, qam ỹim seuana ma'le ñi qota'olec.

Job 4:19

¡Huose'quet quena chaqai qom ma' paguec qaica ca lquesaxanaxa, 'ec ca 'imec 'laua qaỹa'yiñi queca lamoxoiqa', ca ca'maxare ishit qaipataxañi, 'ec ca pit hueetaugui ca nooỹac!

Salmos 103:14

ma' ñi'maxare ỹa'deenta cá'maq ỹachigoxotauguilo qomi' na' qaro'uet: ñi'maxare ỹa'deenta quiyim sachigoxosqaugui na 'laua.

Salmos 104:23

Ca' eec na qom ro'ueenataxan, ca ro'ueenataxantac, chi ỹovireta'a inoxonñi añi ra'aasa.

Salmos 104:29

no'm 'xochiriñi na qashiiqui', ca na'maxare no'chi; ca no'm huootaxañira'gue na lacat, ca' ileu, ca' lotqai pilligui quiyim 'laua.

Salmos 127:2

Qaica quet cá'maq 'negue quiyim na'xa'alom ro'ueenataxantac ca qom, chaqai quiyim chalego lesoochi qaiyi 'ue aca lauegue lqui'ỹaxaqui, ma' ñi qota'olec ỹaanem ca loq quena' laqatam ná'maq nqo'ta ñi'maxare.

Salmos 22:15

Rashivichigui na ỹap 'ec ca nehoma lahi nqateleguesec; ñi ỹo'legaxanaxat mashic ronaỹo'ot na ñoquiaq. ¡Yilli'sa'guit na namoxoỹaxa 'ec yileu!

Salmos 22:29

Qaiñiita 'yiỹoto naua re'cootallii, ca nqouagaxainot ná'ogue ná'maq qaica ca ỹouen, ná'ogue ná'maq pilougui ma'le na 'laua, ma' qaica quet cá'maq chi nanoiquentac nca'leetauec.

Salmos 90:3

Chaqai 'viichi' quiyim ca qom pilougui na 'laua quena' 'ñirac: Qomyipi, pilliugui na 'laua.

Eclesiastés 1:13

Ca' ỹaatqajam ñomatalta' quiyim sa'ajan chaqai ñapaxaguina queda chi ỹa'deenaxanaxa ná'ogue ná'maq qaỹo'ueetetac quena 'laua. Ca' ¡chalego lecaic dá'maq ñi qota'olec illaalec na ỹalliripi, qaiyi nemanachit nqai'en na qomyipi!

Eclesiastés 1:3

¿Nega'ỹo' cá'maq naqat ca ỹale quiyim paguelec ca lo'ueenataxanaxac quenajo 'laua?

Eclesiastés 12:7

Ca ma' ime dajo, ca ná'maq chicqaugui na 'laua pilougui na 'laua, ca ñí'maq na'al pilot ñi qota'olec ñí'maq ỹañigui na'le.

Eclesiastés 3:20

chaqai cá'ogue cá'maq taỹa'gue; ma' chicqaugui na 'laua, ca ná'ogue pilougui ma'le na 'laua.

Eclesiastés 5:15

Ca dá'maq 'neetari' na' novi' quena 'laua, ca chaqaida 'neetari' ma' eec. Ma' na' ne'qaañi neetauec, chaqai qaica cá'maq i'xat quená'maq chicqaugui da lo'ueenataxanaxac.

1 Corintios 15:47

So 'auaxaic qom qaỹachigoxotaugui na 'laua, ca so'maxare 'lauasec. Qam só'maq co'uaataxanta qom, só'maq qara'gaxala', so'maxare chicqo'ot na piguim.

Efesios 4:28

Cá'maq rocachitaco' quen, ca' 'maxaraic ỹaxanñi da locataxac; ta'ta'a quiyim ro'ueenataxan, qaiyi ishit ỹotauan cá'maq 'ue ca louenaxanaxa.

1 Tesalonicenses 2:9

Qamiri qarqaỹa', no'viñita'gue quiyim ỹaatqajam 'ue da qaro'ueenataxanaxac chaqai ña'ñaxataq, ma' sahoqotaque quiyim ñauegaq ca qarepetaxanaxat. So'ueenataxanqatac quenaua na'xatari chaqai naua piri, ma' sahoqotaque quiyim qaica ca nesallaxantegueto qomi' na' senqatauguilo qamiri sa'xatqatac da la'qaatec ñi qota'a.

2 Tesalonicenses 3:10

Ma' na' seuqatauguilo qamiri, saanaxauec da qara'qaatec quiyim shinqac: ¿Qa' que'o' cá'maq se ro'ueenataxan?

Hebreos 9:27

Ca' chaqai 'nejem quiyim ná'ogue na qom 'oonoqui' ileu, ime, ca nauaanaque ca na'xa'a quiyim qanimit ná'ogue najo,