Génesis 3:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Chaqai 'naaco' quesó'maq ỹale: —Sauaxat ma' na'xaỹaxañiteto' ada roua'e' co'na' 'qui' aca la ada qo'paq dá'maq shinac quiyim sqa 'qui', ca nagui na 'laua huaalec na se no'uen sauaxat qami'. Ỹaatqajam 'ue da na'ñaaqataxaqui' quiyim 'ueenataxañi', ca' qaigueme 'ue ca qanoqe' quenaua'que naua na'xata' queda nachaalataxaqui'.

Génesis 3:17 Iomraidhean Croise

Génesis 3:11

Co'na'le, ca' qainato' quiñi qota'olec: —¿Nega'ỹo' cá'maq 'naapega qami' quiyim ñi'sauec? ¿Peeta'a 'qui' aca la ada qo'paq dá'maq shinac quiyim sqa 'qui'?

Génesis 3:18

Na 'laua ma'le ñaxajlec ná'ogue ana ỹoreta'oguit le chaqai ana cotague. Ca 'qui' ma'le ana la ana qo'paq 'oochise.

Génesis 3:6

Ca' aso 'aalo iuana quiyim aso qo'paq chalego loyac. Ca 'uo' da lishoxo quiyim ỹa'ic, qaiyi 'ue ca la'deenec. Ca' naqato' na'le aso la, ca' ỹa'ic, ca' ỹaanem qai'neeta so loua. Ca so'maxare ỹa'ic.

Génesis 5:29

ca ỹanco' leenaxat Noé. Ma' 'naaco': Ñi qara'gaxala' huaalec nqai'en da se no'uen na 'laua. Ca' ỹaatqajam resalli nqai'en da qaro'ueenataxanaxac quiyim so'ueetaq na 'laua. Qam najo noctoqui' ỹo'uet ma'le quiyim ñco'mataxauec.

Génesis 8:21

Ca co'na' ỹovitot ñi qara'gaxala' da lo'daxa na lahita. Ca 'naaco': —Nagui, ca' tot qaica ma' liỹa quet so'uet ca se ỹa'maxañi sauaxat na qom, ma' naqueta'ogue' na qomyipi quiyim qaica ca liỹa la'deenataxanaxac, qaidaata dá'maq se no'uen. Chaqai tot nilliviñi nqaishin, totqai shine'tegue nagui.

Job 14:1

Ca ỹale chicqaugui ana 'aalo, ca'maxare se ladoc da nachaalataxac, chaqai 'xoic na taalec le'xoric.

Salmos 127:2

Qaica quet cá'maq 'negue quiyim na'xa'alom ro'ueenataxantac ca qom, chaqai quiyim chalego lesoochi qaiyi 'ue aca lauegue lqui'ỹaxaqui, ma' ñi qota'olec ỹaanem ca loq quena' laqatam ná'maq nqo'ta ñi'maxare.

Eclesiastés 2:11

Ime, ca' sa'ajan dá'maq chi ỹo'ueenataxanaxac, chaqai dá'maq idaxac na' so'ueetetac. Ca na'le, ca' yitan quiyim ná'ogue qaica quet cá'maq 'negue, 'ec sahotaque iconecsec na nonot, chaqai quiyim qaica quet cá'maq 'negue quenajo 'laua.

Eclesiastés 2:17

Vire'ta se yqo'ta dá'maq chi ñachaalataxac, ma' ná'ogue ná'maq qaỹo'uet quenajo 'laua ná'ogue se no'uen caỹim. Ỹaatqajam ná'ogue qaica quet cá'maq 'negue, ¡'ec qaỹahotaque neconecsec na nonot!

Eclesiastés 5:17

Chaqai dá'maq liỹa paguec la'aaxa, quiyim dá'ogue da nachaalataxac hueetaugui na napalaxa, chaqai 'xoic da ledaxac, nqui'ic chaqai da lauelgaxanaxac.

Mateo 22:12

Ca so'maxare 'naapego': “Qam qami' ¿chi'neco' ma' nenoxoñiro, ma' sqai ñi'sañi caua noho 'ueetaxaqui' quiyim qaỹalequetau'a ca shilaq?” Qam so'maxare i'maqatam.

Mateo 25:45

Ca' ca nashi 'naac ma'le: “Ỹaatqajam llic da shinac caqamiri, quená'ogue ná'maq sqo 'viichii quena qomyipi quená'maq 'ec sqaica ca 'negue, qai'neeta caỹim sqo 'viichii.”

Lucas 19:22

Ca só'maq nashi 'naaco': “Qami' nelaatec se no'uen, quedá'maq chi ra'qaachiqui', ca' chaqaida da sachigoxochichigui ca nouaxanaxashichi' quiyim sa'ue. Qami' mashic 'yiiñi' quiyim ỹim pagaxalaic quiyim secona cá'maq se ỹalamaxaret, chaqai ñaqat ana la cá'maq sqai ỹanecsec.

Juan 16:33

Dá'ogue dajo shinac caqamiri, qaiyi 'ue ca ra'maxahi quiyim na'yiitau'a ỹim. 'Ue da re'xoriguii ma'le quena viitalec 'laua. Qam 'neeto' reualliñi, ma' ỹim mashic shi'gue ỹoxonec da 'ueenataxac hueetalec na 'laua.

Romanos 3:19

Sa'deenaq quiyim dá'ogue dá'maq ỹa'xat so naqataxaquipi chicqo'ot so Moisés, ỹa'xat, qam 'naapega ná'maq hueeto'ot so naqataxaquipi, qaiyi ná'ogue i'maxañi, qaica retaqa, ca' qaiyi ná'ogue na qomyipi hueeto'ot quiyim 'ue ca 'neeta ma' ñi qota'a imit ná'ogue na nasauaxaset.

Hebreos 6:8

Qam no'm quecajo 'laua ñaxat ana le chaqai ana peue, ca' qaica ca 'negue. Ca tai'a quiyim qaỹa'ue ca nouaxanaxaset quiñi qota'a, chaqai ma' ime, ca' qaỹavigaxat.