Génesis 3:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Chaqai 'naaco' caso 'aalo: —Ñoquiigaxatec nagui da re'xoriqui' ma' ỹovita quiyim 'ue ca qachaalqui', chaqai ỹaatqajam 'xoic da nqui'ic ma' co'i'. Qam qami' pacqajñirauec da roua'e' chaqai da'maxare ỹoiquentac aqami'.

Génesis 3:16 Iomraidhean Croise

Génesis 4:7

Quetqai 'viichi'saco' ca ỹa'maqachiguiñi, ca' nedaañichirishiguim quet. Qam ma' sqai 'viichi', ca yí'maq rasauaxashichi' nauaantaque cá'maq la'maqa' quiyim qami' loxonec. Qam qami' quet ná'maq qadoxonqui' quet da'maxare.

Ester 1:20

Ca' cajo ra'qaachiqui', ca qaỹa'deenaxanaxanegue ná'ogue ná'maq 'ue na reloqota'a qomyipi, qaiyi ná'ogue ana 'aallipi na'xaỹaxana na louaaripi canchaqaica 'neetari' ca no'ueenataxac, 'xorai loqo'm nesallaxana.

Isaías 53:11

Ma' ime'uegue dá'ogue dá'maq le'xoric, ca' iuana ma'le aca ncoỹeraxanaxaqui, ca ỹa'maqachigui lauel ma'le ma' ỹa'den. Só'maq qamaxaraic lelaatec ñi qara'gaxala' 'xoic ma'le na ỹosouec qomyipi, ma' i'xat na leualoxonqaishic.

Juan 16:21

Quena' ana 'aalo sham co'o, ca ỹaatqajam rachitata, ma' ỹovirelec ca laloqo' da nqui'ic. Qam quena' ime ne'qaañi ca noctoqui', ca' coua'e dá'maq nqui'ic, ma' paguec da netoonaxac quiyim ne'qaañi ca noctoqui' quena 'laua.

1 Corintios 11:3

Ma' sahotaque 'yiiñita quiyim so Cristo chaqaiso so lqahic na ỹale, chaqai ca ỹale chaqaica ca lqahic aca loua, ca' ñi qota'a chaqaiñi ñi lqahic so Cristo.

1 Corintios 14:34

Na 'aallipi se ishit retaqa quena' ỹalequetaho quena lapoxoc ná'maq mashic icoñiguit da na'qaatec, ma' se qaỹa'maxaren. Ta'ta'a quiyim na'xaỹaxanta, ma' 'nerac dajo yaua naneresañi laqataxaco ñi qota'a.

1 Corintios 7:4

Chaqai aca 'aalo mashic 'on, ca tot lalamaxat na chi loshicmaxa, ta'ta'a cá'maq loua cá'maq lalamaxaret. Ca 'nejem ca ỹale qai'neeta tot lalamaxat ca chi loshicmaxa, ta'ta'a acá'maq loua cá'maq lalamaxaret.

Colosenses 3:18

Qamiri 'aallipi ma' mashic o'ñii, ca ỹaatqajam na'xaỹaxañii'ta ca rouahi, ma' chaqaida dajo dá'maq no'ueenataxac cá'maq mashic huelec so qara'gaxala'.

1 Tesalonicenses 5:3

Ma' na qomyipi 'ne'teguesa' da la'qaatec: “Quená'ogue sqaicanqaida chaqai sqaica ca qaỹouetaque”, ca' novita ma'le ca nouaxanaxaset chalego lecaic chi ne'laqataxanto, 'nejem ca nqui'ic caca 'aalo quiyim ỹovita ca laloqo' quiyim co'o. Ca' qaica ca qohit.

1 Timoteo 2:13

Ma' ñi qota'a 'au ỹo'uet so Adán. Ca co'na' ime, ca ỹo'uet aso Eva.

1 Timoteo 2:15

Qam aca 'aalo nca'leuec no'm netela'a da lco'oxoc quiyim queetalec da lpi'ỹaxac chaqai da le'xorenataxanaxa, chaqai quiyim co'taxateta da nachaalataxac, chaqai netelalta'.

Tito 2:5

quiyim ỹaatqajam na'maxateta, chaqai co'teeta, chaqai cochiỹa ca lomashaxac, qouagaxanqachaqai, na'xaỹaxane'ta ca loua, qaiyi qaica ca se no'uen na'qaataxac taalec nqohin da la'qaatec ñi qota'a.