Génesis 29:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Pacqajñichiriguilo viraqchiterec naua siete na'xata' ro'naxaquichi' cada Lea. Ca ma'le, ca' saanqairaxarom añi Raquel qai'neeta, no'm 'ỹaañirec ca ra'qaachiqui' quiyim 'ueenataxañitot aỹim quecaua liỹa' siete ñaxari.

Génesis 29:27 Iomraidhean Croise

Génesis 29:20

Ca' so Jacob ro'ueenataxan ỹahinlec aso Raquel quesaua siete ñaxari. Ca queso'maxare 'ec sqo vite', ma' paguec da lqo'iichi caso'maxare.

Génesis 29:26

Ca' so Labán 'naaco' queso'maxare: —Qomi' quenajo se qaranatec dajo quiyim saanaxauec 'au 'on quet acá'maq na'aasa cacá'maq ỹi.

Génesis 29:28

Ca' so Jacob saachiguit da na'qaatec. Ca co'na' ime'ueque saua siete na'xata' lo'naxaqui' caso Lea, ca' so Labán ỹaanem aso Raquel quiyim loua.

Génesis 31:41

Veinte ñaxari senta'ñi yi ra'aachi', ca nauajo nauá'maq sovirau'alo: so'ueenataxantac catorce ñaxari sahinteguelgoto naua dos qachaalli'; ca' quena qalo'e', ca' seis ñaxari so'ueenataxantacot aqami'; qam chita'gue quen lotqai dalaxachi' aca ñishiuete.

Malaquías 2:15

Ca ¿mesqai qaiñiito' ñi qota'olec ñí'maq lo'ueenatec na roshicmaxa'e' chaqai na ra'alli'? Ca ñí'maq qota'olec ỹahotaque quiyim 'ỹaañitot ca qachaalquenaxanaxaqui'. Ca' ¡qamiri cochiiỹa dá'maq nachaalataxaguii, ca 'neeto' sqai pacqajñigui cá'maq ra'qaachiguii na' ñaqai qami' ne'nec caca roua'e'!

1 Timoteo 6:10

Ma' dá'maq nqo'iichi cana re'qoochigui plata, ca 'eco' lpa'a' ná'ogue ná'maq ỹaleque'ejta' se no'uen. Ma' mashic 'ue ná'maq imelec da lqo'itaxanqachic cana'maxare, ca' ỹaxanñi da lpi'ỹaxac, ca ỹovirau'a quiyim 'xoic na le'xoric quedá'maq chi nachaalataxac.