Génesis 29:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Ca' na' richiguiñi queso liỹa na'xa'a, ca' so Jacob ỹa'den quiyim so'maxare lapaata'ñi' aso Lea. Ca 'naaco' queso Labán: —¿Negue' cá'maq 'neeto' dá'maq 'ñitetegue aỹim? ¿Mesqai so'ueenataxanot qami' sahinteguelec ada Raquel? Ca' ¿chi'neco' ma' yayiñi'?

Génesis 29:25 Iomraidhean Croise

Génesis 12:18

Ca' so Faraón relaataxane'oga so Abram, ca 'naaco' queso'maxare: —¿Chi'neco' ma' 'ñitetegue dajo caỹim? ¿Chi'neco' ma' sqai 'ñirac quiyim roua'e' añi 'aalo?

Génesis 20:9

Co'na' ime, ca' so nashi Abimelec roỹaxane'oga so Abraham. Ca 'naaco': —¡'Ajñi' dá'maq 'ñiteteguelo qomi'! ¿Negue' cá'maq se ỹa'maxañi shine'tegue qami', quiyim taalec nqai'ñi' aỹim chaqai ná'ogue na ñalliripi da chalego lecaic nasauaxaset?

Génesis 26:10

Ca 'naaco' so Abimelec: —¿Chi'neco' ma' 'ñitetegue dajo coqomi'? Mashic saqa'leca cocho'qui', ca' 'ue ca lapa'ñi' añi roua'e' coqomi', ca qami' vite queta'le ca qarasauaxaset.

Génesis 29:16

So Labán 'vio' saua dos llaale: asó'maq 'auaxai llaale leenaxat Lea, ca' aso lano'o leenaxato' Raquel.

Génesis 29:24

Chaqai qai'neeta so Labán ỹaanem aso Lea aso lelaata leenaxat Zilpa, qaiyi cochiỹa aso'maxare.

Génesis 29:26

Ca' so Labán 'naaco' queso'maxare: —Qomi' quenajo se qaranatec dajo quiyim saanaxauec 'au 'on quet acá'maq na'aasa cacá'maq ỹi.

Génesis 31:26

Co'na'le, ca 'naapego' so Jacob: —¿Negue' ca 'neeta dá'maq 'viichi'? ¿Chi'negue ma' yayiñi'? ¡Ne'xachi'o' naua ỹaale, 'ñiisa'que caua noxona na'a!

Génesis 31:7

Qam ñi'maxare chi yayintac chaqai ỹadalaxat añi ỹauegue. Qam qaiyiita ñi qota'olec sqai ỹaxanegue quiyim ỹo'uet ca se ỹa'maxañi caỹim.

Mateo 7:12

Ca' vichiguiño' qamiri 'viichii cá'maq viitaque quiyim qohine'teguelo qamiri quena qomyipi, ma' chaqaida dá'maq lelaataxanaxac na laqataxaquipi so Moisés chaqai naua lerecse' so letaxaỹaxanqajanqaipi ñi qota'a.

Mateo 7:2

Ma' ñi qota'olec imite' qamiri, qam naloqojñi'chiguit cá'maq 'ñii'tegue ca rimiitaxanaxaguii queca riỹahi, ca cá'maq 'ñii'tegue quiyim naloqochiñii ca ỹopilaqtejelgoto qamiri.

Juan 21:17

Ca lotqai liỹa renataxan, 'naaco': —Qami' Shimoñi', qami' llaalec so Jonás, ¿rqo'chiriua'? Ca ỹaatqajam 'ue da lachicoxo so Pedro, ma' mashic tres qainat quiyim nqo'ta so'maxare. Ca 'naaco': —Qami' ỹa'gaxala', qami' ná'ogue 'yiiñi'. Qami' 'yiiñi' quiyim yqo'chiraxaua'. Ca' so Jesús 'naaco': —Cha'regue cochi'ta ana iloipi qagretaipi.

1 Corintios 3:13

Qam ca lo'ueenataxanaxac quiñi 'óna ma'le re'oq ma' ỹovita ca pa'aatec na'xa'a. Ma' queca na'xa'a novi' ma'le ca norec, ca' cajo norec ỹavigaxat ná'maq ỹoreta'oguit no'ueenataxanaxat. Ca' quiyi, ca hua'ñi, ca re'oq cá'maq lo'ueenatec quiñi 'óna.

Apocalipsis 3:19

Ma' ỹim setaxaỹa'a chaqai salamaxat ca no'ueenataxac cá'maq yqo'ta. Ca' na'ñaxachi'o' chaqai netacocha'e'.

Rut 4:11

So qo'xoiquipi chaqai sá'ogue só'maq ỹalequetaho 'naaco': —Ajá'a, qomi' seuanqachigui. Ca' ¡ñi qara'gaxala' quiyim ỹo'uet cacajo 'aalo inoxona'a ca ra'aachi', 'nejem nqai'en aso Raquel chaqai aso Lea sauá'maq sachigoxosoxouguilo qomá'ogue qomi' llaalqaipi so Israel! Chaqai qami' ỹaatqajam qami' choxoraic chaqai ỹaataxaraic quena qara'a' Efrata, da liỹa leenaxat Belén.

1 Samuel 28:12

Ca' aso 'aalo chaqa'ma' iuañi'chiguit so Samuel, ca' ỹaualaq. Ime, ca 'naaco' queso Saúl: —¿Chi'negue ma' yayiñi'? ¡Ma' chaqaiqami' ná'maq qami' Saúl!