Génesis 29:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Ca' so Jacob ma' mashic nqo'ta aso Raquel, ca 'naaco': —Ỹim so'ueenataxanot qami' quenaua siete ñaxari cañi qachaalli'i' na'aasa Raquel.

Génesis 29:18 Iomraidhean Croise

Génesis 24:67

Co'na'le ime, ca' so Isaac ỹauego aso Rebeca quiñi lauo' na'daañi aso shi'gue sou late'e Sara. Ca chaqa'ma' loua aso'maxare. Ca' so Isaac ỹaatqajam nqo'ta aso Rebeca. Ca' quiyi, ca' pal da lachicoxo viichigui na' sou aso late'e.

Génesis 29:19

Co'na'le, ca' so Labán 'naaco': —Paguec la'maxa quiyim saanem qami' quiyim saanem quet ca ỹoqa'a ca chicqa'gue. 'Ueenataxañitot aỹim.

Génesis 29:20

Ca' so Jacob ro'ueenataxan ỹahinlec aso Raquel quesaua siete ñaxari. Ca queso'maxare 'ec sqo vite', ma' paguec da lqo'iichi caso'maxare.

Génesis 29:30

Ca' so Jacob o'ñiguit qai'neeta aso Raquel, ca' paguec nqo'ta caso Lea, 'eno'm liỹa ro'ueenataxanot so Labán quecaua liỹa' siete ñaxari.

Génesis 30:26

Nañaañirec na ỹaalqaipi chaqai naua ỹoua', ma' chaqaidaua dá'maq 'em so'ueenataxantacot qami'. Ca' yayaxañirac ñaqa shic sopil, ma' qami' 'yiiñite' dá'maq 'neeta quiyim so'ueenataxantacot qami'.

Génesis 31:41

Veinte ñaxari senta'ñi yi ra'aachi', ca nauajo nauá'maq sovirau'alo: so'ueenataxantac catorce ñaxari sahinteguelgoto naua dos qachaalli'; ca' quena qalo'e', ca' seis ñaxari so'ueenataxantacot aqami'; qam chita'gue quen lotqai dalaxachi' aca ñishiuete.

Génesis 34:12

'Eno'chaqai paguec lecaic aca ỹaxañiỹaque, chaqai 'xoic ca ỹame, qam qaiyiita saan ma'le. Qam 'xañiỹac quiyim so'ñiguit ada nequetegaxai.

Oseas 3:2

Ca na'le, ca' seshiujnaxana aso 'aalo sauaaque ỹoua, ca' yi seshiueten na'le ỹovi' quince ỹamirolli' plata chaqai aso nahirenaxanaxaqui trescientos treinta litro no'qaata nqaishin cana cebada.