Génesis 29:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ So Labán 'vio' saua dos llaale: asó'maq 'auaxai llaale leenaxat Lea, ca' aso lano'o leenaxato' Raquel.

Génesis 29:16 Iomraidhean Croise

Génesis 29:15

Ca co'na' mashic ỹovirerec sauajo na'xata', ca' so Labán 'naaco' queso'maxare: —Se ỹa'maxañi quiyim chaqai 'ueenataxañi'sac quiyim qami' iteesec, qam qaca aca ravigui'i'. Ca' ỹaxañiraque ỹote' acá'maq nishivichi'i'.

Génesis 29:17

Aso Lea lo'yaxanqa nqote', qam aso Raquel ỹaatqajam sá'ogue lo'yaxana.

Génesis 30:19

Co'na' ime, ca' lotqai liỹa co'on so Jacob aso Lea, ca' ỹovite' seis saua llaalqa.

Génesis 31:4

Ca' so Jacob roỹaxana'a aso Raquel chaqai aso Lea quiyim querepegue' quiyi no'ueenaxa yí'maq neeta'ñi aso lalo qagretaipi.

Génesis 33:2

Ca' ỹa'auaxansauec saua la'a chaqai so llaalqaipioqui'. Ime, ca' lotqai aso Lea chaqai so llaalqaipioqui'. Ca' co'uaataxanta nqai'en aso Raquel chaqai so llaalec José.

Génesis 35:23

Ca sauá'maq llaalqo' caso Lea, saua Rubén só'maq ỹi llaalec, ime, ca' so Simeón, Leví, Judá, Isacar chaqai so Zabulón.

Génesis 46:15

Ca' najo na llaalqaipio' so Jacob caso Lea co'na' ñaqai neeta'ñi yi Padan-aram, chaqai aso llaale Dina. Ca sá'ogue so llaalqaipi, ima'ta' ỹale chaqai ana 'aalo, ỹovi' treinta y tres so qomyipi.

Génesis 49:31

Yí'maq qaishiñi'ñi na'le so Abraham chaqai aso loua Sara, chaqai so Isaac chaqai aso loua Rebeca. Chaqai qai'neeta seshiñi'ñi na'le aso ỹoua Lea.

Rut 4:11

So qo'xoiquipi chaqai sá'ogue só'maq ỹalequetaho 'naaco': —Ajá'a, qomi' seuanqachigui. Ca' ¡ñi qara'gaxala' quiyim ỹo'uet cacajo 'aalo inoxona'a ca ra'aachi', 'nejem nqai'en aso Raquel chaqai aso Lea sauá'maq sachigoxosoxouguilo qomá'ogue qomi' llaalqaipi so Israel! Chaqai qami' ỹaatqajam qami' choxoraic chaqai ỹaataxaraic quena qara'a' Efrata, da liỹa leenaxat Belén.