Génesis 28:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca' chaqaido' da 'neeta na' so Isaac ilategue so Jacob da Padan-aram. Ca' so Jacob ỹovito' ca la'a' so Labán só'maq llaalec so arameo le'ec leenaxat Betuel, lqaỹa aso Rebeca, late'e' saua Jacob chaqai so Esaú.

Génesis 28:5 Iomraidhean Croise

Génesis 22:23

Ca' sojo Betuel chaqaiso só'maq leta'a aso Rebeca. 'Enaua nauá'maq ocho llaalqa so Milca queso Nacor, lqaỹa so Abraham.

Génesis 24:54

Ca na' ime, ca so'maxare chaqai saua nauegaxaua' qui'ỹe' chaqai ne'te' chaqai la'qarañi queso pe. Ca na' nete'e na' ne'laxashiguim, ca' so nelaatec 'naaco': —Yayaxañiuec, ñaq sopil queca la'a' ca ña'co'.

Génesis 25:20

So Isaac ỹovito'o' saua cuarenta ñaxari co'na' o'ñiguit aso Rebeca só'maq llaale so Betuel chaqai lqaỹa so Labán, sauá'maq arameo nera'ñi yi Padan-aram.

Génesis 27:43

Vichiguiño' qami' ỹaalec, na'xaỹaxañiriua'; chaqa'ma' 'iichi' quet 'itegue da Harán, ca na'ñi ca ỹaqaỹa Labán.

Génesis 28:2

Mo'e', 'itegue da Padan-aram yí'maq na'ñi ca qapichi' Betuel. Ca' vite roua'e' quecaua llaale ca neteesqochi' Labán.

Génesis 29:1

Ca' lotqai eec so Jacob, quepegue' yi na'laua na lqodoigueseripi.

Génesis 29:12

Ca co'na' so Jacob ỹa'xat quiyim so'maxare llaalec aso Rebeca chaqai leteesec so Labán, ca' aso Raquel queho ne'guenta ra'qaataxana so leta'a.

Génesis 31:24

Qam queso pe ñi qota'olec nachaxana so Labán só'maq arameo le'ec queso le'guemataxac. Ca 'naaco': —Ñaq na'xaỹaxañi', 'neeto' sqai 'maxachira'gue ca 'xachi' ma'le quiñi Jacob.

Génesis 35:27

Ca' so Jacob quepegue' so leta'a Isaac ra'ajnaxana quiyi Mamre yí'maq na'a' leenaxato' quen qai'neeta da Arba, loqo'm Hebrón. Yi nera'ño' quen saua Abraham chaqai so Isaac.

Deuteronomio 26:5

Ca ma'le, ca' qami' taxahi' 'qaachigui qami' ñi qara'gaxala'. Ca 'ñiracsa': Saua 'auaxaqa ita'al sqo vito'olqai' arameo lase' chaqai huoxoiquipi, ca' chi ỹovireta'a na'le yi Egipto. Ca' quiyi, ca na'ñi, chi ỹovireta'a quiyim nqo'neuec, ca' 'xoic, ca 'ue da lquesaxanaxa.