Génesis 28:3 - La'qaatqa ñi qota'olec Qota'olec & Qota'olec Novita Na Qomyipi

³ Ca' ñi qota'olec ñí'maq sqaica lqalanec nqouaguegue qami', chaqai ỹo'uet quiyim 'xoic ca qachaalaxai'pi, qaiyi chicqochigui qami' ca 'xoic ỹoreta'oguit qomyipi.

Génesis 28:3 Iomraidhean Croise

Génesis 1:28

Ca' ỹaanouguilo da no'uen la'qaatec, 'naaco': 'Xoic, ỹaatqajam 'xoic nqai'ñii ca qachaalguii; no'xataxachijlec na 'laua chaqai 'viiquiñitac; chaqai 'viiquiñitac na nalliñipi chaqai na ỹoipi, chaqai ná'ogue na iseripi nqai'queetegueri'.

Génesis 13:16

Ỹim ỹaatqajam 'xoic nqaishin ca'maxare, 'nejem na lamoxoỹaxa na 'laua. Ca 'nejem quiyim se qaishit qanaloqochin na namoxoỹaxa, ca' qai'neeta se qaishit qanaloqochin ma'le ca qachaalaxai'pi.

Génesis 17:20

Chaqai quiñi Ismael ñí'maq sa'xaỹa'pegue caqami', ca' qai'neeta yqouaguegue. Ca' ỹim so'uet quiyim 'xoic ca llaalqaipi chaqai quiyim nqo'neuec ca llaalqaipi. Ca' ñi Ismael leta'a ma'le caua doce 'xoic lecaic nashillipi, chaqai chicqochigui nqaishin ca ỹaatqajam 'xoic qomyipi.

Génesis 24:60

Ca' qoỹaanec da no'uen na'qaatec caso Rebeca, qohinaco': Qami' qarqaỹoole, ¡qami' late'e ma'le ca 'xoic qomyipi sqaica ishit naloqochin! ¡Chaqai ca qachaalaxai'pi loxonec ma'le na na'aateripi npa'guenaxauaipi!

Génesis 26:24

Ca' queso pe, ca qanachaxana so'maxare quiñi qara'gaxala'. Ca 'naaco': Ỹim ná'maq ỹim qota'olec queso qataa'i' Abraham. Qaica ro'chiraque; ma' qami' iỹaatac. Ma' chicqochigui nqaishin so ilaatec Abraham, ca 'xoic da iqouagaxa ma'le caqami', chaqai 'xoic nqaishin ca qachaalaxai'pi.

Génesis 26:4

Ca' ỹaatqajam 'xoic nqaishin ma'le ca qachaalaxai'pi 'ec ana huaqajñi quena piguim, ca' saanem ma'le ná'ogue najo 'laua. Chaqai ná'ogue na ỹoreta'oguit qomyipi quena 'laua 'ue ma'le ca la'maxa chicqochigui ma'le ca qachaalaxai'pi.

Génesis 27:33

Ca' so Isaac ỹaatqajam 'uo' da le'laxa. Ca co'na' retaqa, ca i'loxola'ueque naua la'qaatqa: —Ca ¿nega'ỹo' só'maq eeco' reparaxan, ca nodouo so anoq? Ỹim sa'ic sá'ogue na' saqa' novichiro, ca' saanem da iqouagaxa. Ca' nagui so'maxare no'ueeno'ot da qouagaxa.

Génesis 35:11

ca 'naaco' queso'maxare: Ỹim ná'maq ỹim qota'olec sqaica lqalanec; 'xoic ma'le ca qachaalaxai'pi chaqai ca qauachi'ipi. Qami' chicqochigui ma'le ca 'xoic ỹoreta'oguit qomyipi, ca' queca qachaalaxai'pi 'ue ma'le ca chicqaugui nashillipi.

Génesis 41:52

Ca' so dalaxaic llaalec, ca ỹanegue leenaxat Efraín, loqo'm paguelec ana ỹaxataxai, ma' 'naaco': Ñi qota'olec ỹo'uet quiyim 'ue na ỹaalqaipi quena 'laua hua'ñi na 'xoic da ñqa'viic.

Génesis 43:14

Ca' ñi qota'olec ñí'maq sqaica lqalanec ỹo'uet quiyim qare'xoriñii ma'le, qaiyi qaỹosouec ca liỹa rqaỹahi chaqai ñi Benjamín. Chaqai caỹim, no'm taachigui quiyim qaica ca ỹaalec, ca' ¡chaqaida qaica ca ỹaalec!

Génesis 48:3

Ca 'naaco' queso José: —Ñi qota'olec ñí'maq sqaica lqalanec nachaxana ỹim na'le quiyi na'a' Luz huaugui yi 'laua Canaán. Ca' nañaañim da no'uen la'qaatec.

Génesis 48:4

Ca da la'qaatec 'neetasa': “Aỹim saanem ma'le qami' ca 'xoic qachaalaxai'pi. Ca' cajo qachaalaxai'pi chicqaugui ca ỹoreta'oguit qomyipi. Chaqai cajo qachaalaxai'pi saanem quiyim lalamaxaret ma'le najo 'laua, qaica ca rouootaxana'gue.”

Génesis 49:25

¡ña'aachic quiñí'maq qota'olec quena qataa'i', ñí'maq rotauañi'sac ma'le; ñi qota'olec qaica ca lqalanec, ñi'maxare no'ueenaxat ma'le ca qayicyaxaqui'! ¡Quecá'maq lqouagaxanaxat chicqo'ot na piguim! ¡Queca lqouagaxanaxat chicqa'ñi ca lauajñi aca huaaxai! ¡Dá'maq nqouagaxa queca nco'oxoc chaqai quiyim qarillipegue aca nate'e!

Génesis 9:1

Ñi qota'olec ỹaaneco' da no'uen la'qaatec queso Noé chaqai quesaua llaalqa, 'naaco': —Ỹaatqajam 'xoico' nqai'ñii ca qachaalguii, no'xataxachijlco' na 'laua.

Salmos 127:1

No'm ñi qara'gaxala' se no'xonshiguim ca no'ueenaxanaxaqui, ca ná'maq qomyipi ro'ueenataxantac qaica quet cá'maq 'negue; no'm ñi qara'gaxala' se ro'ootaxanteguelec ca na'a' lodegaxat, ca' qaica quet cá'maq 'negue quiyim reloqota'a na neloxoỹaripi.

Salmos 127:3

Na qochaalqaipi mashic ne'qaañi ỹaatqajam chalego loyac lqouagaxanaxat ñi qara'gaxala'.

Éxodo 1:7

Qam só'maq Israel llaalqaipi co'o, ca ỹaatqajam 'xoic na llaalqaipi noquiiquetauec, vire'to' na' 'ue da lquesaxanaxa. Ca sham yá'ogue yi 'laua no'xalec quena'maxare.

2 Corintios 6:18

qaiyi ỹaatqajam ỹim qataa'i. Chaqai qamiri, ca' qamiri ỹaalqaipi chaqai ỹaallipi, 'naac ñí'maq qara'gaxala' ñí'maq sqaica ca lqalanec.

Apocalipsis 21:22

Qam sqaica ca seuana no'ueenaxanaxaqui queso na'a', ma' ñi qara'gaxala' ñí'maq qota'olec sqaica lqalanec, chaqaiñi ñí'maq 'ec lo'ueenaxanaxaqui, chaqai qai'neeta so 'ec qagreta llaalec.

Rut 2:4

Ca nachinchiquio' novirec so Booz, chicqau'a yi Belén, ca iquino' so naqataxanyipi. —¡Ñi qara'gaxala' liỹareta'pe qamiri! Ca' so naqataxanyipi 'naaco': —¡Ñi qara'gaxala' ỹaanem qami' ca no'uen qayicyaxaqui'!