Génesis 28:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Chaqaiyi yi'maxare 'uo' na'le so 'auaxaic na'a' leenaxato' Luz, qam so Jacob ỹoỹooto'o' da leenaxat, ỹanco' Betel, loqo'm qota'olec la'a'.

Génesis 28:19 Iomraidhean Croise

Génesis 12:8

Ca co'na' ime, ca' quepegue' so qoỹoqoshi'megue 'laua pa'ỹa'gue da lqodoigue quiyi na'a' leenaxat Betel, ca ỹa'yiño' so la'a' na'daañi. Ca yi na'a' Betel pa'aata'gue da lauashiguim nqai'en so'maxare, chaqai pa'aata'gue nqai'en da lqodoigue yi na'a' Hai. Ca' quiyi, ca' so Abram liỹa no'xonshiguim aso lcopatoxonaxalate, ca' nqouagaxain quiichigui nqai'en da leenaxat ñi qara'gaxala'.

Génesis 28:11

Ca co'na' 'ue yi ỹovita 'laua, ca la'qa'ño', ma' mashic inoxonño' aso ra'aasa. Ca' 'uo' so qa' icona quiyi'maxare, ca' na'xana'a, ca' nenanñi, laq.

Génesis 31:13

Ỹim ná'maq ỹim qota'olec nachaxana qami' na'le quiyi Betel. Ca' yí hua'ñi na' cochirelec ca qa' queca aceite, ca' 'ỹaañirec da ra'qaachiqui'. Nagui, ca' raqamqai' ne'laxachirishiguim, oquire'e na ñi'sa'ñi, pillita ca 'laua ne'xaỹoqsoqochi'.

Génesis 35:1

Ñi qota'olec 'naaco' na'le queso Jacob: —Ne'laxachirishiguim, ca' qui', ca ñira'ño' ma'le yi Betel. Ca' quiyi ma'le, ca' no'xoñirishiguim aca ncopatoxonaxalate quiyim ỹovita nqouagaxaiñitot ñi qota'olec ñí'maq nauanchiguit na' 'iichisa'piguit ca rqaỹa'e' Esaú.

Génesis 35:14

Ca so'maxare icono' so qa', ca ỹalamaxajñi, letanec quiyí'maq hua'ño' na' retaqata'pegue' ñi qota'olec. Ca co'na' ime, ca' so'maxare ỹocorelec queso aceite chaqai so lataxa.

Génesis 35:15

Ca' sojo 'laua ỹanegue leenaxat Betel, loqo'm qota'olec la'a'.

Génesis 35:6

Ca' so Jacob chaqai sá'ogue so nalliripi liỹaatac ỹovijta yi Luz, yí'maq na'a' qai'neeta leenaxat Betel, huaugui yi 'laua Canaán.

Génesis 35:7

Ca na'le, ca' ỹo'uet aca lcopatoxonaxalate quiyim nqouagaxain. Ime, ca' ỹanegue sojo 'laua leenaxat El-Betel, loqo'm la'a' yí ñi qota'olec. Ma' na' 'eetapeguem so lqaỹa, ca' qanachaxano' na'le quiñi qota'olec quiyi'maxare.

Génesis 48:3

Ca 'naaco' queso José: —Ñi qota'olec ñí'maq sqaica lqalanec nachaxana ỹim na'le quiyi na'a' Luz huaugui yi 'laua Canaán. Ca' nañaañim da no'uen la'qaatec.

1 Reyes 12:29

Ca co'na'le, ca 'óna so ỹana'ñi yi Betel chaqai so liỹa ỹana'ñi yi Dan.

2 Reyes 2:2

Ca' so Elías 'naaco' queso Eliseo: —Qovire'e quenajo, ma' ñi qara'gaxala' yilategue da Betel. Qam so Eliseo 'naaco' queso'maxare: —Saanot da ỹa'qaatec ñi qara'gaxala' chaqai qami' quiyim se ñodaqajñiterec qaqamite'. Ca que', niỹareta'pe taategue da Betel.

1 Samuel 10:3

Ca ma' liỹa quiita, ca' ma' viriỹa ada qo'paq encina na'ñi yi Tabor, ca nachiñiỹa'guita ma'le caua tres ỹale' taira'gue da Betel quiyim nqouagaxaintot ñi qota'olec. Ca 'óna i'xatete' caua tres queta', chaqai ca liỹa, ca i'xatete' caua tres paañi', chaqai ca liỹa, ca' i'xateta aca liỹoxoso loshicmaxa no'qaachigui quena lataxa.

1 Samuel 7:16

Ca naua'que naua ñaxari taata'pegue da Betel, Gilgal chaqai yi Mizpa, qaiyi ỹa'maxajñi ná'ogue ná'maq 'neeta'pegue na Israel llaalqaipi ná'maq neetalgoto naua 'lauari.