Génesis 28:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca' ỹim iỹaatac qami' scochi'sapegaxaua' quecanchaqai 'itegue, chaqai yapilaxata qami' ma'le najo 'laua. Se salachi'sac chaqai somachichigui dá'maq sachaxantac quiyim saanem qami'.

Génesis 28:15 Iomraidhean Croise

Génesis 21:20

Ca' ñi qota'olec ỹotauantac so ne'nec, ca so'maxare nqo'neetashiguim da llaqtaxac quiyi neetalec 'laua qaica qom leenaxat Parán. Ca' chi ỹovireta'a quiyim ỹaatqajam 'ichqaic quena' rahinaxana ana no'xoso. Ca co'na' ncopa, ca' aso late'e ỹo'naxañiguit aso 'aalo Egipto lase.

Génesis 26:24

Ca' queso pe, ca qanachaxana so'maxare quiñi qara'gaxala'. Ca 'naaco': Ỹim ná'maq ỹim qota'olec queso qataa'i' Abraham. Qaica ro'chiraque; ma' qami' iỹaatac. Ma' chicqochigui nqaishin so ilaatec Abraham, ca 'xoic da iqouagaxa ma'le caqami', chaqai 'xoic nqaishin ca qachaalaxai'pi.

Génesis 26:3

Qam nagui ñaqai ñi'salec najo 'laua. Ca' ỹim iỹaatac qami' chaqai yqouaquiraxaric, ma' qami' chaqai na qachaalaxai'pi saanem ma'le najo 'laua. Ca' sepacqajanchigui dá'maq ỹa'qaatec na'le queso qataa'i' Abraham.

Génesis 30:25

Ca' aso Raquel co'na' ime ne'qaañi so llaalec José, ca' so Jacob 'naaco' queso Labán: —Ñaq yashiñiterec quiyim sopil quecá'maq ỹalamaxaret ỹa'a'.

Génesis 31:13

Ỹim ná'maq ỹim qota'olec nachaxana qami' na'le quiyi Betel. Ca' yí hua'ñi na' cochirelec ca qa' queca aceite, ca' 'ỹaañirec da ra'qaachiqui'. Nagui, ca' raqamqai' ne'laxachirishiguim, oquire'e na ñi'sa'ñi, pillita ca 'laua ne'xaỹoqsoqochi'.

Génesis 31:3

Co'na'le, ca' ñi qara'gaxala' 'naaco' queso Jacob: —Pillitegue da la'aate' caua qata'alli' yí'maq neeta'ñi yi qauochi' laseripi, ca' ỹim iỹaatac ma'le qami'.

Génesis 31:5

Ca 'naapegalo': —Yitan quiyim ñi qataa'i totqai 'ne'tegue aỹim cá'maq quesom. Qam ñi qota'olec quecá'maq ita'a se yayaxanec sqo ỹoxe'oga.

Génesis 32:9

Ca na' ime, ca' nqouagaxain, 'naaco': —Qami' ỹa'gaxala', qami' qota'olec queso ỹapi' Abraham chaqai ca ita'a Isaac, ma' 'ñirapiguiỹa' quiyim yapila na ña'laua chaqai na iuo' laseripi, chaqai quiyim 'ñirac no'ueenaxachi' ca ỹicyaxac.

Génesis 35:3

Se ñaỹaloxonaq quiyim saxague da Betel, ma' queda ma'le, ca' so'uet aca icopatoxonaxalate quiyim ñqouagaxainot ñi qota'olec ñí'maq yotauan na' yiuocqotac chaqai ycoỹaretegueñi quecá'maq seueta'gue.

Génesis 39:2

Qam ñi qara'gaxala' liỹaatac so José, ca' sqaica canchaqaica na' ñaqai hueeta'ñi yi la'a' so na'co' Egipto le'ec.

Génesis 39:21

qaiyiita ñi qara'gaxala' na'deeta'guit so José, ichoxotetac da lqouagaxa. Ca ỹo'uet quiyim qanqo'ta queso lashi añi ncoñiitaxanaxaqui.

Génesis 46:4

Ỹim ñauequeta'pegue' qami' nagui quiyim 'itegue da Egipto, chaqai chaqaỹim ñaqata'a ma'le na qachaalaxai'pi quiyi'maxare. Chaqai ma' ỹovita ca lqodoc aca rqauaxagui'i', ca' ñi José hueetau'e ma'le na rahi'i'.

Génesis 48:16

ñí'maq qota'olec lelaatec piguim le'ec, ñí'maq ro'ootaxanteguelec aỹim quená'ogue na se no'uen, ñi'maxare no'ueenaxat ca llicyaxague' nauajo ñaaqolqa. Chaqai quiyim chicqochiguilo naua'maxare quiyim se qaicoua'e da ỹeenaxat chaqai da leenaxat so ỹapi' Abraham chaqai so ita'a Isaac. Chaqai quiyim 'xoic ca llaalqaipi naua'maxare quena 'laua.

Génesis 48:21

Ime, ca 'naaco' queso José: —Ỹim mashic ỹovita quiyim yileu. Qam ñi qota'olec no'ueena'guita qamiri, chaqai ỹopilaxatalo qamiri ma'le yi na'laua so 'auaxaic qareta'allipi.

1 Reyes 8:57

Ca' nagui ma' ñi qara'gaxala' qota'olec ỹalequetauguilo qomi', 'neetari' dá'maq 'neetari'o' na'le queso 'auaxaic qareta'allipi, ca' totqai ca'ahi qomi' chaqai se qaralat.

Salmos 46:11

¡Ñi qara'gaxala' ñí'maq qaica ca lqalanec ỹalequetauguilo qomi'! ¡Ñi qota'olec queso Jacob chaqaiñi ñi quepaqataxanteguelgoto qomi'!

Salmos 46:7

¡Ñi qara'gaxala' ñí'maq qaica ca lqalanec ỹalequetauguilo qomi'! ¡Ñi qota'olec queso Jacob chaqaiñi ñi quepaqataxanteguelgoto qomi'!

Salmos 91:11

ma' ñi'maxare ila' ma'le na lelaatqaipi piguim laseripi, ca na'maxare reloqota'a qami' quecanchaqai vi'sa'gue.

Éxodo 3:12

Ca ñi qota'olec 'naaco' queso'maxare: —Ñauequeta'pegue' qami' ma'le. Ca' dajo dá'maq retanqui' quiyim chaqaỹim selachi': Ma' naqachira'a quiyi Egipto yi ỹalamaxareteripi, ca qamiá'ogue nqouagaxaiñiỹot aỹim ma'le canajo qa' ladocai.

Isaías 41:10

Totaxan ro'chi'i', ma' qami' iỹaatac; se ro'chi'i', ma' ỹim qota'olec caqami'. Ỹim sa'ue ca rquesaxanaxa'e', ỹim sotauañi', ỹim ñolliitañi qami' queda iqai'laxat huegaxanaxai.

Isaías 43:2

No'm quiriñigui ca huaxaỹaq, ỹim iỹaatac qami', loqo'm quiyim paquira'ta aca lachiugue, sqai homirac; loqo'm quiyim quiichiriñigui ca norec, qam se raviqui', qaica ca 'negue na lauaq caqami'.

Isaías 7:14

Hua', cha'regue chaqaiñi ñí'maq qara'gaxala' ỹo'uet ma'le ca retanqui': Añi nequetegaxai mashic 'man, chaqai 'ue ma'le ca llaalec, ca ỹanegue ma'le quiyim leenaxat Emanuel. (Ca' dajo 'naac: Ñi qota'olec ỹalequetauguilo qomi'.)

Jeremías 1:19

Yi'maxare nco'ỹa'e' qami' ma'le, qam sqaica lovi', ma' ỹim seuetau'e rahi'i' ma'le, squepaqataxanlec qami' ma'le. Ỹim na'gaxala' qota'olec, saanec da ỹa'qaatec.

Números 23:19

Ñi qota'olec mesqai 'nejem ca chaqai qom, ma' ca qom 'ue ca lqodoc: ñi'maxare se na'majan chaqai se ỹadalaxat ca la'deenataxanaxac. Ma' ñi'maxare quena' 'ue da 'naac, ca' ỹo'uet. Chaqai quena' 'ue da ỹaanec la'qaatec, ca' ipacqajanchigui.

Números 6:24

Ñi qara'gaxala' ỹaanem qami' ca no'uen qayicyaxaqui' chaqai quepaqataxanlec qami';

Mateo 18:20

Ma' cá'maq hueesa'ñi caua dos loqo'm tres lapoosagui da ỹeenaxat, ca' ỹim seuetañiguilo lavilliñi' caua'maxare.

Mateo 24:35

Na piguim chaqai na 'laua imero ma'le, qam naua ỹa'qaatqa sqaica ma' se ipaguiguilo quet.

Mateo 28:20

Chaqai paxaguiñigue quiyim huelec ná'ogue ná'maq sapaxaguinguelo qamiri. Chaqai 'yiiñita quiyim ỹim salequetauguilo qamiri quenaua'que naua na'xata', chi ỹovireta'a ca nqodoc. Ajá'a, ca' chaqaida 'neeta dajo.

Deuteronomio 31:6

Ca' 'ñaxachiguilo naua qavilyi, totaxan ro'chii, chaqai se ro'daxachiuec ma' loxoita'guit ca npa'guenaxauahi. Ma' ñí'maq na'gaxala' ñí'maq qota'olec caqamiri ỹalequetauguilo qamiri, se ralachii, chaqai se ro'ueenaxachitañi.

Deuteronomio 31:8

Ca ñí'maq qara'gaxala' chaqaiñi ñí'maq 'auetauec ma'le caqami' chaqai riỹa'isac, se ralachi' chaqai se loỹoote'oga qami'. Ca' vichiguiño' totaxan ro'chi'i' chaqai se ileuetapigui qavilli'. (31.9—33.29 Qaretaqalec so nelaataxanaxaquipi. Dauá'maq co'uaataxante' lapaxaguinataxanaxac so Moisés. So Moisés iuana yi 'laua qaỹachaxantac. So Moisés no'ueenaxat da la'qaatec queso llaalqaipi so Israel.)

Deuteronomio 7:9

Ca' vichiguiño' ñaqai 'yiiñi'a ñi qara'gaxala', ñí'maq qota'olec caqamiri, quiyim chaqaiñi ñí'maq ỹaatqajam ỹoiquentac ná'ogue chaqai ỹaatqajam ipacqajanchigui cá'maq na'deenaxac queso 'au qareta'allipi, ca chi ỹovireta'alo qomi' quená'maq nqo'ta ñi'maxare chaqai ipacqajanchigui da lelaataxanaxac.

1 Timoteo 4:8

Ma' dá'maq lpa'ataxaric na qaroshicmaxa 'ue da 'negue, qam qailligueme'. Qam no'm ỹaatqajam qoyiquejlec ñi qota'a, ca' ỹaatqajam 'ue da 'negue. Ma' ỹaatqajam chicqaugui da 'aachicyaxac queda qanachaalataxac nagui, chaqai quecá'maq chaalataxac ñaqa naata.

Josué 1:5

Qaica ca ishit quiyim loxonec qami' quiyim ñaq rca'lli'sauec, ca ỹim iỹaatac qami' ma'le dá'maq shinta'gue na'le queso Moisés. Se salachi'sac chaqai qaica ma' shique'e quet qami'.

Judas 1:1

Ỹim Judas, ỹim la'ac so Jesucristo, chaqai ỹaqaỹa so Jacobo. Shiriñi anajo ilaata quená'maq loỹaxanqateripi chaqai ỹoỹoote'oga ñi qota'olec quiyim ỹauaaque lalamaxareteripi, ná'maq qaicochiitapega ma' na'deetau'a so Jesucristo.

Jueces 6:16

Ca' ñi qara'gaxala' 'naaco' queso'maxare: —Qami' shichi' 'viichi' dajo, ma' qami' iỹaatac ma'le. Ca' qadoxonqui' ma'le na Madián llaalqaipi 'ec ca 'oonoqui' qom nqai'ñi'.