Génesis 28:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca' so Jacob eec, chicqochi'ñi yi Beerseba, que'tegue so nayic taỹa'gue da Harán.

Génesis 28:10 Iomraidhean Croise

Génesis 11:31

Co'na'le, ca' so Taré ca'e yi Ur na'ñi yi caldeo laseripi. Ca' quepegue' yi 'laua Canaán, ỹauec so llaalec Abram, chaqai so laual Lot, chaqai aso late Sarai. Qam co'na' ỹovijta yi na'a' Harán, ca' chaqa'ma' nera'ñi.

Génesis 12:4

Ca' so Abram ipaquichigui nqai'en dá'maq qohinapega quiñi qara'gaxala'. Ca' ca'e yi 'laua neetalec, ca' quepegue' yi 'laua Canaán na' ỹovite' setenta y cinco niñaxari.

Génesis 12:5

Ca' liỹaatec aso loua Sarai chaqai so leteesec leenaxat Lot. Chaqai qai'neeta i'xat sá'ogue so louenqaipi chaqai so la'aquipi ỹachigoxota'ñi yi Harán. Ca co'na' ỹovita yi Canaán,

Génesis 26:23

Ca' quiyi, ca' so Isaac eec, taigue da Beerseba.

Génesis 27:43

Vichiguiño' qami' ỹaalec, na'xaỹaxañiriua'; chaqa'ma' 'iichi' quet 'itegue da Harán, ca na'ñi ca ỹaqaỹa Labán.

Génesis 29:4

Ca' so Jacob inato' so neloxoỹaripi: —¿Negue' cá'maq ñiỹa'gue? Ca saua'maxare 'neraco': —Senqa'ñi yi Harán.

Génesis 32:10

Ỹaatqajam sqa saiguit quet quiyim 'ue quet ca rqouagaxa'e' caỹim, chaqai quiyim paquiterelgoto naua ra'qaataxahi' quedá'maq 'ñi'sa'gue aỹim. Ma' ỹim na' ñapacta najo lachiugue leenaxat Jordán, qaica ca liỹa i'ỹaac, qanaata ana ỹashilete. Qam nagui sovirqata'a quiyim dos naua qalapooqote'.

Génesis 35:1

Ñi qota'olec 'naaco' na'le queso Jacob: —Ne'laxachirishiguim, ca' qui', ca ñira'ño' ma'le yi Betel. Ca' quiyi ma'le, ca' no'xoñirishiguim aca ncopatoxonaxalate quiyim ỹovita nqouagaxaiñitot ñi qota'olec ñí'maq nauanchiguit na' 'iichisa'piguit ca rqaỹa'e' Esaú.

Génesis 35:7

Ca na'le, ca' ỹo'uet aca lcopatoxonaxalate quiyim nqouagaxain. Ime, ca' ỹanegue sojo 'laua leenaxat El-Betel, loqo'm la'a' yí ñi qota'olec. Ma' na' 'eetapeguem so lqaỹa, ca' qanachaxano' na'le quiñi qota'olec quiyi'maxare.

Génesis 46:1

Co'na'le, ca' so Israel na'maxajñi quiyim eec i'xat sá'ogue só'maq hueeto'ot. Ca co'na' ỹovita yi Beerseba, ca' ỹa'ue so lachitaxanataxanaxat ỹavigaxat, ca ỹaanot ñi qota'olec queso leta'a Isaac.

Hechos 25:13

Ca mashic 'vio' saua na'xata', ca so nashi Agripa chaqai aso loua Berenice taategue da Cesarea, riquinaxanta so Festo.

Hechos 7:2

Ca so'maxare 'naaco': —Ỹaqaỹarolqa chaqai qamiri ita'alolqa, ñaq na'xaỹaxañiua'. Ñí'maq chalego lecaic qota'olec coqomi' na' nachaxana so 'auaxaic qareta'a Abraham co'na' neeta'ñi yi 'laua Mesopotamia, co'na' saqa' lachi, quepegue' yi 'laua Harán.