Génesis 27:46 - La'qaatqa ñi qota'olec Qota'olec & Qota'olec Novita Na Qomyipi

⁴⁶ Co'na' ime, ca' aso Rebeca 'naaco' queso Isaac: —Mashic tot yalo'guit da shinta sauaxate' nauajo hitita lase quenauá'maq o'ñiguita ñi Esaú. Ca no'm ñi Jacob 'ue aca loua quena hitita lasellipi 'neete'm yauajo quená'maq na'ñi najo Canaán, ca' paguec la'maxa quiyim yileu.

Génesis 27:46 Iomraidhean Croise

Génesis 24:3

Ca' 'ỹaañitem ca ra'qaachiqui' ñi qara'gaxala', ñí'maq qota'olec quena piguim chaqai quena 'laua, quiyim sqai ỹaxanegue ñi ỹaalec Isaac ỹa'ue aca loua na'ñi najo 'laua Canaán.

Génesis 28:8

Ca quedo' na'le, ca' so Esaú ỹa'deene' saua leta'al se nqo'deta ana 'aalo na'ñi yi Canaán.

1 Reyes 19:4

Ime, ca' eec queetalec yi 'laua qaica qom. Ca queeto' 'óna na'xa'a, vire'to' na' nqa'xanñi ne'tot aca qo'paqo'lli'. Ca chalego' da lishoxo quiyim ileu. Ca 'naaco': —¡Liyi dajo, qami' ỹa'gaxala'! ¡Lqodoc nqai'ñi' ana ỹaqauaxaqui, ma' sqai paguec ỹim 'maxaraic quesaua ita'al!

Job 14:13

Saxanchi' yayoxochiriñi queca loma' na lqui'i na leuaxaiquipi, toco' ma' ime'uegue ca qavilli', chaqai vite ca raloqojonqui' quiyim o'lliinchira'a ỹim.

Job 7:16

Ma' mashic tot yalo'guit. Ca se sa'maxaren quiyim queeta yca'leetauec. Yayaxañisac, ma' da ñachaalataxac 'ec quiyim qanauec ca nacat.

Jonás 4:3

Vichiguiño', qami' ỹa'gaxala', nagui ñi'xoresene'tot qami' quiyim coñita da ñachaalataxac. Ma' paguec la'maxa quiyim yileu, sqai 'nejem quiyim yca'leetauec.

Jonás 4:9

Qam ñi qota'olec 'naaco' queso'maxare: —¿'Ñiisapego' ỹa'maqachiguiñi quiyim 'ohi', ma' ỹaso aso ropillichi'i' noueela? —¡Pacaco' ỹa'maqachiguiñi nqaishin! —'naaco' so Jonás—. ¡Ca ỹim sahotaque quiyim yileu paguelec na iuel!