Génesis 27:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca ma'le, ca 'viichi' ca reuolqui', lo'daxaraic nqai'ñi', ma' 'yiiñi' ñaman. Ca nodo'iro', sa'ic ma'le. Ca ma'le, ca saañiraxarom da iqouagaxa tomaq saqa' yileu.

Génesis 27:4 Iomraidhean Croise

Génesis 14:19

Ime, ca' ỹaanem da no'uen llicyaxac so Abram, 'naaco': Ỹaanem qami' ca no'uen qayicyaxaqui' ñí'maq qaica 'nejem qota'olec, lo'ueenatec na piguim chaqai na 'laua;

Génesis 24:60

Ca' qoỹaanec da no'uen na'qaatec caso Rebeca, qohinaco': Qami' qarqaỹoole, ¡qami' late'e ma'le ca 'xoic qomyipi sqaica ishit naloqochin! ¡Chaqai ca qachaalaxai'pi loxonec ma'le na na'aateripi npa'guenaxauaipi!

Génesis 27:14

Ca' so Jacob eec, que'ogalo saua quetarolqai'. Ime, ca nodoora'alo aso late'e. Ca aso'maxare ỹo'uet so leuosec ỹaatqajam lo'daxaraic nqai'en só'maq nishiitaque so Isaac.

Génesis 27:17

Ca' ỹaanem so leuolec chaqai so lo'ueenatec pan.

Génesis 27:19

—Qa'sqai aỹim ná'maq ỹi qachaalqui' Esaú —'naaco' so Jacob—. Shi'gue so'uet dá'maq 'ñiisapega. Qouaquiric, ne'laxachirishiguim, nqa'aamiriñi, qui'i' quená'maq ỹoxonec isecỹac la'at. Ca nañaañi' ca rqouagaxa'e'.

Génesis 27:23

Ca' ỹaatqajam se no'uenegue, ma' 'xoic na laue naua lqai'laqate', 'neete'm naua lqai'laqate' so lqaỹa Esaú. Qam co'na' sham ỹaanem da lqouagaxa,

Génesis 27:25

Co'na'le, ca 'naaco' so leta'a: —Ỹaalcolec, niỹoqoirishiguim na reuolqui', qaiyi sa'ic na la'at cá'maq qadoxonqui', ca' saanem qami' ma'le da iqouagaxa. Ca' so Jacob ỹaanem so loq so leta'a chaqai ỹodou'a so lataxa. Ca' que'e chaqai ne'et so Isaac.

Génesis 27:27

Ca co'na' nqo'neuo so Jacob quiyim nqo'goq, ca' so Isaac ncoỹaxanalo saua loho. Co'na'le, ca' ỹaanem da lqouagaxa, 'naaco': Ajá'a, chaqaina na ỹaalec lahita dajo. 'Ec na lahita ca no'ueenaxa, taalec nqai'en ca lqouagaxa ñi qara'gaxala'.

Génesis 27:31

Ca so'maxare qai'neeta ỹo'ueeto' so leuolec lo'daxaraic. Ca' ỹodou'a so leta'a, ca 'naaco': —Ne'laxachirishiguim, itaa'i'. Qui'i' quena loxonec na qachaalqui', ca' nañaañi' ca rqouagaxa'e'.

Génesis 27:5

Qam aso Rebeca na'xaỹaxantaho' co'na' so Isaac 'neetapega so Esaú. Ca co'na' tauec so'maxare quena no'ueenaxa reparaxanlec so leta'a.

Génesis 27:7

“Paraxañi', ca ma' 'ue ca qadoxonqui', ca 'viichi' ca reuolqui' lo'daxaraic. Ca ma' ime sa'ic, ca' saañiraxarom ma'le da iqouagaxa qara'deenta ñi qara'gaxala', tomaq saqa' yileu.”

Génesis 27:9

Quirepegue' ca qoloipi, ca nodo'iro caua dos quetaq llaalqolqai' 'uegaxasa'. Ma'le, ca' so'uet iuolec quená'maq naman ñi qataa'i'.

Génesis 28:3

Ca' ñi qota'olec ñí'maq sqaica lqalanec nqouaguegue qami', chaqai ỹo'uet quiyim 'xoic ca qachaalaxai'pi, qaiyi chicqochigui qami' ca 'xoic ỹoreta'oguit qomyipi.

Génesis 48:9

—Nauajo nauá'maq ỹaalqa nañaane' na'le ñi qota'olec quena Egipto —'naaco' so José. Co'na'le, ca 'naaco' so leta'a: —Qouaquiric, liỹa nqo'naxachiro caỹim, qaiyi saanema da no'uen llicyaxague'.

Génesis 49:28

Ca' 'ena ná'maq ne'qaipi quesaua doce llaalqa so Israel, ca' dajo dá'maq la'qaatco' na'le so leta'a queso llaalqaipi na' ỹaanem da no'uen llicyaxac.

Lucas 2:34

Ca so Simeón ỹaanem da no'uen la'qaatec so noctoqui'. Ime, ca 'naapega aso María só'maq late'e so Jesús, 'naaco': —'Ajñi', ná'taq noctoqui' tai'a ma'le quiyim 'xoic ca huaañi nqai'en chaqai ca nachaalataxanñi quena Israel llaalqaipi. Na'maxare chaqaina na netanec quiyim ỹaatqajam 'xoic ma'le ca sqai huelec,

Lucas 24:51

Ca co'na' mashic ỹaanema da lqouagaxa saua'maxare, ca' ca'ahi, ca qaỹaueguegue da piguim.

Hebreos 11:20

Ca' so Isaac qai'neeta 'uo' da lpi'ỹaxac, ca so'maxare ỹaanema da no'uen llicyaxague' saua llaalqa Jacob chaqai so Esaú.