Génesis 27:28 - La'qaatqa ñi qota'olec Qota'olec & Qota'olec Novita Na Qomyipi

²⁸ Ñi qota'olec ỹaanem qami' ma'le ca ỹaxat chicqo'ot na piguim, chaqai da no'uen laỹaxac ca qadañicshiqui' quena 'laua, 'xoic ca ỹaanem qami' trigo chaqai 'xoic ca lataxa.

Génesis 27:28 Iomraidhean Croise

Génesis 27:37

Ca' so Isaac 'naaco' queso'maxare: —'Anta, mashic saanem so Jacob quiyim so'maxare ỹapacauec caqami', chaqai saanem quiyim lelaatqaipi ná'ogue na lauo' laseripi, chaqai sahotaque quiyim 'xoic ma'le ca trigo chaqai ca lataxa queso'maxare. Ca ¿negue' queto' cá'maq shinta'gue caqami' nagui, ỹaalcolec?

Génesis 27:39

Ca 'naaco' so Isaac queso'maxare: Qoỹoqo'ta ma'le cá'maq ñi'sa'ñi quecá'maq no'uen 'laua chaqai quena ỹaxat chicqashiguim quena piguim.

Génesis 45:18

Ca' nauegue' ca leta'a' chaqai ca llaalqaipi. Ỹim saanem ma'le na paguec loyac quena Egipto. Ca ỹa'gue' ná'maq paguec loyac nanecsec quenajo 'laua.

Génesis 49:20

Ca' da Aser qaica ca louenaxanaxa ma'le quena na'ic; da'maxare ỹaan ma'le ca na'ic 'nejem na loq na nashillipi.

Génesis 49:25

¡ña'aachic quiñí'maq qota'olec quena qataa'i', ñí'maq rotauañi'sac ma'le; ñi qota'olec qaica ca lqalanec, ñi'maxare no'ueenaxat ma'le ca qayicyaxaqui'! ¡Quecá'maq lqouagaxanaxat chicqo'ot na piguim! ¡Queca lqouagaxanaxat chicqa'ñi ca lauajñi aca huaaxai! ¡Dá'maq nqouagaxa queca nco'oxoc chaqai quiyim qarillipegue aca nate'e!

2 Samuel 1:21

¡Qaiyi totqai taalgoto qamiri ca ỹaxat chaqai aca 'ỹa', qamiri qa' ladocaipi quiyi Gilboa, ma' yi hua'ñi da nelauaxa! Chaqai hua'ñi na' qaico'viguilo aso lquepaqataxanqate cana lotogue na nalauataxairipi. Chaqaiyi hua'ñi na' pal so lqashilegaxa aso lquepaqataxanqate so Saúl.

1 Reyes 17:1

So letaxaỹaxaqui ñi qota'olec leenaxat Elías, na'ñi yi na'a' Tisbe, huaugui yi 'laua Galaad, 'naaco' queso nashi Acab: —¡Ñallitalta' quiñi qara'gaxala', ñí'maq qota'olec queso Israel, ñí'maq so'ueenataxantacot, quiyim quenauajo ñaxari sqaica ca ỹaxat chaqai aca 'ỹa', toco' ma' ỹovita quiyim 'ue ca sa'xat!

1 Reyes 5:11

Ca' so Salomón ilata so Hiram so na'ic qaiyi aloq só'maq neetaugui ñi lauo' lodegaxat: ila' cuatro millones cuatrocientos mil kilo quena trigo, chaqai cuatro mil cuatrocientos litros na aceite nodaachiguiñi oliva li'i. Ca quena' ỹovirec yi ñaaxa, ca lotqai ila' so Salomón queso Hiram.

Salmos 104:15

ca loq, qaiyi 'ue ca lquesaxanaxa, chaqai 'uva li'i, qaiyi netoon da nachaalataxac, ca ỹo'uet quiyim nenoqouec na lashic 'ec na'meentapigui ca 'aceite.

Salmos 36:8

Chaqai ỹaatqajam ná'ogue ỹa'maqachiguiñi ma' 'xoic na na'ic queca ra'aachi'; chaqai ne'teetapigui na le'ec aso no'uen lachiugue,

Isaías 45:8

Ỹim chicqashiguim nqaishin ca ỹauegaxanaxac, 'nejem ana 'ỹa' chicqashiguim quena piguim chaqai ỹaxat quena naueguelec, ca' na 'laua icoñiguit ma'le; ca' da laỹaxac nca'laxa, ca' quena lahi, ca' ñaxat aca lenoỹaxai da na'maxa.

Joel 2:19

ca 'naac: So'uet ma'le quiyim 'ue caqamiri ca trigo, ca lataxa chaqai ca aceite, chi ỹovireta'a nqaishin ra'maxaichiguiñi; ca tot liỹa sa'maxaren quiyim ri'ñiitac na qomyipi sqai huelec aỹim.

Números 13:20

Ỹaatqajam 'ajñita ca 'laua quiyim canchaqaica qoỹanñi ñaxashiguim, loqo'm 'e', chaqai no'm 'ue ana qo'paq, loqo'm qaca. Qaica ro'chiỹaque, chaqai 'uo' ca nodohi la ca nanecsec huelec cajo 'laua. Ca co'na' qailate' saua'maxare viichigui yi laloqo' quena' qanaqat ana 'auaxai la ana 'uva.

Romanos 11:17

Ca 'uo' ná'maq judioipi 'ec lasote aso nanecse leenaxat olivo mashic shi'gue qaichaxauec. Ca quiyí'maq chicqochi'ñi, ca' qaỹa'deuo qami', ma' qami' 'ñiisari'o' na'le aca olivo hueuec. Ca shichi' nouañirau'alo saua lpa'yii chaqai da lca'laxa aso nanecse olivo.

Hebreos 11:20

Ca' so Isaac qai'neeta 'uo' da lpi'ỹaxac, ca so'maxare ỹaanema da no'uen llicyaxague' saua llaalqa Jacob chaqai so Esaú.