Génesis 26:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca co'na' so qomyipi na'ñi yi'maxare inato' negue' cá'maq 'neeta so'maxare caso Rebeca. Ca' so Isaac 'uo' da lqolonaxa quiyim 'naac loua, ca 'naaco' quiyim lqaỹa. Ma' ỹaatqajam lo'yaxana aso Rebeca, ca so'maxare 'neetapiguio' lauel quiyim qaỹalauat sougui aso loua.

Génesis 26:7 Iomraidhean Croise

Génesis 12:11

Ca co'na' shim ỹovita yi Egipto, ca' so Abram 'naaco' caso loua Sarai: 'Ajñi', ỹim ỹaatqajam sa'deenta quiyim qami' ỹaatqajam lo'yaxana 'aalo.

Génesis 12:13

Ca qouaquiric, 'ñiraco' quiyim qami' ỹaqaỹa, qaiyi sqaican qohinegue aỹim, ca' se qayalauat sasougui qami'.

Génesis 12:15

Qai'neeta qaiuano' queso lotauaripi so Faraón, nashi quiyi Egipto. Qai'neeta qara'qaataxana so Faraón quiyim aso 'aalo ỹaatqajam lo'yaxana. Ca qaỹauega'a yi la'a' so Faraón.

Génesis 20:11

Ca' so Abraham 'naaco': —Ỹim shintapega quiyim na qomyipi quenajo sqaica ca 'negue nqai'en ñi qota'olec, chaqai shintapega quiyim qayalauat queta'le sasougui añi ỹoua.

Génesis 20:2

Ca co'na' neeta'anyi, ca 'naaco' quen quiyim lqaỹa aso loua Sara. Ca co'na'le, ca' so Abimelec, nashi quiyi Gerar, relaataxane'oga quiyim qanauego aso Sara, ma' ỹahotaque quiyim loua.

Génesis 20:5

Ma' chaqaiñi ñí'maq Abraham ñí'maq 'naac quiyim lqaỹa añi 'aalo, chaqai añi'maxare qai'neeta 'naac lqaỹa ñi'maxare. Ca' chaqaida dá'maq 'neeta quiyim seuelec, ca' qaica ca so'uet se ỹa'maxañi.

Génesis 24:16

Ỹaatqajam lo'yaxano' aso Rebeca, chaqai qai'neeta saqa' iuanapega ca ỹale. Ỹoviraxasom cañi ni'ỹa, no'xataxachigui aso nehoma 'laua, ca' mashic pilta.

Génesis 26:6

Ca' so Isaac na'ño' yi Gerar.

Génesis 26:8

Ca 'vio' saua na'xata' neeta'ñi yi 'laua, ca 'uo' so na'xa'a so Abimelec ra'iitauco' cañi nqote ñi lauo'. Ca iuane'to' so Isaac qa'aalta'pegue ineequesentac aso loua Rebeca.

Génesis 29:17

Aso Lea lo'yaxanqa nqote', qam aso Raquel ỹaatqajam sá'ogue lo'yaxana.

Mateo 10:28

Ca se ro'chiỹa cá'maq ishit ỹalauat na noshicmaxa, qam se ishit ỹalauat yi pa'aauo chaalataxac. Ta'ta'a quiyim ro'chiỹa ñi qota'olec ñí'maq ishit ỹalauat na qaroshicmaxa chaqai so qara'al inaxañigui ca norec navicqatqa' na hualoxonyipi.

Efesios 5:25

Chaqai cá'maq ỹale mashic 'on, ca' ỹaatqajam i'xoren aca loua, ca 'nejem so Cristo ỹaatqajam i'xoren ná'maq mashic icoñiguit da na'qaatec, ca' ỹaanec da nachaalataxac ileualec na'maxare.

Colosenses 3:9

Se na'majñiỹot ca liỹa, ma' shi'gue ỹochihe'oga dá'maq 'auaxaic no'ueenataxaguii chaqai quená'maq shi'gue quen 'viichitac.