Génesis 26:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ma' so Abraham na'xaỹaxanchiua' ipacqajanchiguilo naua ilaataxanaxaco, ỹaqataxaco chaqai naua ỹapaxaguinataxanaxaco.

Génesis 26:5 Iomraidhean Croise

Génesis 12:4

Ca' so Abram ipaquichigui nqai'en dá'maq qohinapega quiñi qara'gaxala'. Ca' ca'e yi 'laua neetalec, ca' quepegue' yi 'laua Canaán na' ỹovite' setenta y cinco niñaxari.

Génesis 17:23

Ca' chaqaiso sojo na'xa'a, ca' so Abraham ỹa'ue so netanec na loshicmaxa so llaalec Ismael; chaqai qai'neeta ỹo'uet na netanec na loshicmaxa sá'ogue so lelaatqaipi só'maq ne'xaỹa'ñi yi la'a', chaqai ná'maq lishiujnaxanqateripi qomyipi. Chaqai sá'ogue só'maq ỹalliripi ro'ueenataxantac neeta'ñi yi la'a' qaỹa'ue na netanec na loshicmaxa, ma' chaqaido' dá'maq lelaataxanaxac na'le ñi qota'olec.

Génesis 18:19

Ma' ỹim ica'acsec na'maxare, qaiyi 'naapega ca llaalqaipi chaqai ca lauaripi quiyim huelec da ỹapaxaguinataxanaxac, chaqai quiyim ỹo'uet ná'ogue ná'maq ỹa'maqachiguiñi chaqai da no'uen ñicyaxac, qaiyi sepacqajanchigui ná'ogue ná'maq shinac na'le.

Génesis 22:16

Ca 'naaco' queso'maxare: —Ñí'maq qara'gaxala' 'naac: Ma' qami' 'viichi' dajo, chaqai quiyim se rauochitegue caỹim ñi 'oonoqui' qachaalqui', ca' nagui saanec da ỹa'qaatec ñallitalta',

Génesis 22:18

Chaqai ná'ogue na ỹoreta'oguit qomyipi hueetalec ana 'laua 'xoic ma'le ca la'maxa, chicqochigui nqaishin ma'le ca'maxare, ma' na'xaỹaxanchiriua'.

Génesis 26:6

Ca' so Isaac na'ño' yi Gerar.

Mateo 5:19

Vichiguiño' quecá'maq se ỹo'uet canchaqaica quená'maq naneretañi quena naqataxaquipi, 'eno'm cá'maq 'ec paguec cocho'qui', ca rapaxaguinataxanegue quiyim chaqaida 'ne'tegue nqai'en na qom, ca' ca'maxare qai'neeta qohinta'gue ca paguec cocho'qui' ma' qoyiuetaugui da lo'ueenataxanaxac ñi qota'a neeta'gue da piguim ma' ỹoiquentac ná'ogue najo. Qam cá'maq na'xaỹaxane'ta chaqai ỹapaxaguinegue ca liỹa quiyim chaqaida 'ne'tegue ca qohinta'gue, ca lodegaxat ma'le queda lo'ueenataxanaxac ñi qota'a neeta'gue da piguim ma' ỹoiquentac ná'ogue najo.

Mateo 7:24

Ca' chaqaida 'neeta quecá'maq 'xaỹa aỹim, ca' ỹo'uet dá'maq ỹa'qaatec, ca 'nejem nqaishin ca qom 'deenaxanqachaqaic quiyim ỹanejlec ca qa' quiyim ỹa'yiñi ca lauo'.

1 Corintios 15:58

Ca' vichiguiño' qamiri ñauochaxaua' ỹaqaỹa', sqaico' ca nqovilliguiỹaque, ỹaatqajam quiito'ot 'viichitac da lo'ueenataxanaxac so qara'gaxala'. Ma' qamiri 'yiiñita da ro'ueenataxanaxaguii quiyim 'ueenataxañitacot so'maxare, ma'le ỹaatqajam 'ue ca 'negue.

Gálatas 5:6

Chaqai no'm ña'daqatau'a so Cristo Jesús, ca' qaica quet cá'maq 'negue ca qom quiyim 'ue ca netanec na loshicmaxa, loqo'm sqaica. Qam dá'maq paguec 'ue ca 'negue quiyim 'ue ca qarpi'ỹaxac, chaqai quiyim dajo qarpi'ỹaxac ỹo'uet quiyim ñi'xorenaqta'.

Hebreos 11:8

Ma' 'uo' da lpi'ỹaxac so Abraham, ca na'xaỹaxanto' na' qaroỹaxana quiñi qota'a, ca' eec quepegue' cá'maq shim qoỹaanem quiyim lalamaxaret quiñi qota'a. Ca'e yí'maq neetalec 'laua, qam se ỹa'den cá'maq taỹa'gue.

Santiago 2:21

Ma' ñi qota'a 'naapega quiyim ỹaatqajam lo'yaxanec ỹale so 'auaxaic qareta'a Abraham quedá'maq ỹo'uet na' inaxalec ada ncopatoxonaxalate so llaalec Isaac ỹauaaque lachitaxanataxanaxat.