Génesis 26:3 - La'qaatqa ñi qota'olec Qota'olec & Qota'olec Novita Na Qomyipi

³ Qam nagui ñaqai ñi'salec najo 'laua. Ca' ỹim iỹaatac qami' chaqai yqouaquiraxaric, ma' qami' chaqai na qachaalaxai'pi saanem ma'le najo 'laua. Ca' sepacqajanchigui dá'maq ỹa'qaatec na'le queso qataa'i' Abraham.

Génesis 26:3 Iomraidhean Croise

Génesis 12:7

Ca' quiyi, ca' ñi qara'gaxala' nachaxano' so'maxare. Ca 'naaco': Najo 'laua ná'maq saanem ma'le na qachaalaxai'pi. Co'na'le, ca' so Abram no'xonshiguim aso ncopatoxonaxalate, ca nqouagaxainot ñi qara'gaxala', ma' chaqaiyi hua'ño' co'na' qanachaxana.

Génesis 13:15

Ná'ogue najo 'laua 'ajñisac ỹim saanem aqami', ca chaqa'ma' ralamaxarichi' chaqai ca qachaalaxai'pi.

Génesis 13:17

¡Ne'laxachirishiguim!, huoxoñi' quirelec najo 'laua da ladoqueta chaqai da leca'gue, ma' ỹim saañiraxarom ma'le.

Génesis 15:18

Ca' chaqaiso so na'xa'a, ca' ñi qara'gaxala' ỹo'uet so na'maqataxac queso Abram. Ca 'naaco': —Najo 'laua saanem ma'le ca qachaalaxai'pi chicqochi'ñi aso lachiugue quiyi Egipto, ca ỹovireta'a aso lachiugue late'ogue', leenaxat Eufrates.

Génesis 17:19

Ca' ñi qota'olec 'naaco' queso'maxare: —Qalaxam mashic shinac quiyim añi Sara 'ue ma'le ca llaalec, ca' ỹañitegue ma'le leenaxat Isaac, loqo'm raỹaleguere. Ca' queca'maxare, ca' se'taxajñi ma'le da ña'maqataxac. Ca sqaica lqodoc nqaishin ño'qoochiguiñi queca llaalqaipi.

Génesis 17:8

Ca' qami' chaqai ca qachaalaxai'pi saanem ma'le ná'ogue najo 'laua Canaán ná'maq ñi'salec nagui. Ca' ỹaatqajam ralamaxarichii ra'aari, ca ỹim ná'maq ỹim qota'olec ma'le caqamiri.

Génesis 20:1

Ca' so Abraham ca'o' na'le yí'maq neeta'ñi, ca' nqo'na yi 'laua leenaxat Néguev. Ca' naugui yi na'a' leenaxat Gerar, hueetañiguilo naua lavinñi' yaua Cades chaqai yi Shur.

Génesis 25:11

Ca co'na' mashic tot qaica so Abraham, ca' ñi qota'olec nqouaguegue so Isaac na' neeta'ñi yi seeque'ta yi na'ñi aso ni'ỹa leenaxat Ñí'maq nca'leetauec chaqai iuañiua'.

Génesis 26:12

Ca danaxano' na'le queso ñaaxa so Isaac queso 'laua, ca' chalego loyac na' lapoon so lanec ala, ma' ñi qara'gaxala' no'ueenaxat so lanec.

Génesis 26:14

Mashic ỹapaguelec aso lalo qagreta chaqai aso huaca chaqai so lelaatqaipi, vire'ta qaipa'guen queso filisteoipi.

Génesis 26:24

Ca' queso pe, ca qanachaxana so'maxare quiñi qara'gaxala'. Ca 'naaco': Ỹim ná'maq ỹim qota'olec queso qataa'i' Abraham. Qaica ro'chiraque; ma' qami' iỹaatac. Ma' chicqochigui nqaishin so ilaatec Abraham, ca 'xoic da iqouagaxa ma'le caqami', chaqai 'xoic nqaishin ca qachaalaxai'pi.

Génesis 28:13

Qai'neeta iuano' ñi qara'gaxala' nachaatetañi reloqotalec so'maxare. Ca 'naaco' quen: —Ỹim ná'maq ỹim na'gaxala', ỹim qota'olec queso qapichi' Abraham, chaqai so qataa'i' Isaac. Qami' chaqai na qachaalaxai'pi saanem ma'le najo 'laua ná'maq vi'sa'ñi.

Génesis 28:15

Ca' ỹim iỹaatac qami' scochi'sapegaxaua' quecanchaqai 'itegue, chaqai yapilaxata qami' ma'le najo 'laua. Se salachi'sac chaqai somachichigui dá'maq sachaxantac quiyim saanem qami'.

Génesis 31:3

Co'na'le, ca' ñi qara'gaxala' 'naaco' queso Jacob: —Pillitegue da la'aate' caua qata'alli' yí'maq neeta'ñi yi qauochi' laseripi, ca' ỹim iỹaatac ma'le qami'.

Génesis 35:12

Chaqai na 'laua saanem na'le so Abraham chaqai so Isaac, qai'neeta saanem qami' ma'le, ca ma' imeuo qami', ca lotqai saanem na qachaalaxai'pi.

Génesis 39:2

Qam ñi qara'gaxala' liỹaatac so José, ca' sqaica canchaqaica na' ñaqai hueeta'ñi yi la'a' so na'co' Egipto le'ec.

Génesis 39:21

qaiyiita ñi qara'gaxala' na'deeta'guit so José, ichoxotetac da lqouagaxa. Ca ỹo'uet quiyim qanqo'ta queso lashi añi ncoñiitaxanaxaqui.

Génesis 48:21

Ime, ca 'naaco' queso José: —Ỹim mashic ỹovita quiyim yileu. Qam ñi qota'olec no'ueena'guita qamiri, chaqai ỹopilaxatalo qamiri ma'le yi na'laua so 'auaxaic qareta'allipi.

Génesis 50:24

Ca 'uo' so na'xa'a, ca so José 'naaco' queso lqaỹaripi: —Tot qaỹaloq yileu. Qam ñi qota'olec rotauañii ma'le, naqata'alo qamiri ma'le quenajo 'laua, ca i'xate' qamiri ma'le quiyi 'laua ỹachaxan na'le, ỹahotaque ỹaanema saua qarapiri Abraham, Isaac chaqai so qareta'a Jacob.

Salmos 32:8

Ñi ỹa'gaxala' 'naac: Ỹim sa'ajantac qami'. Chaqai 'ue ma'le ca sapaxaguiñitegue, ỹaatqajam sapaxaguinta qami', sachaxan ma'le ca nayic quiitetegue.

Éxodo 2:24

Ca na'xaỹaxana da rashiilaxantaque, ma' no'ueena'co' da na'maqataxaco' na'le queso Abraham, Isaac chaqai so Jacob.

Éxodo 3:12

Ca ñi qota'olec 'naaco' queso'maxare: —Ñauequeta'pegue' qami' ma'le. Ca' dajo dá'maq retanqui' quiyim chaqaỹim selachi': Ma' naqachira'a quiyi Egipto yi ỹalamaxareteripi, ca qamiá'ogue nqouagaxaiñiỹot aỹim ma'le canajo qa' ladocai.

Isaías 43:2

No'm quiriñigui ca huaxaỹaq, ỹim iỹaatac qami', loqo'm quiyim paquira'ta aca lachiugue, sqai homirac; loqo'm quiyim quiichiriñigui ca norec, qam se raviqui', qaica ca 'negue na lauaq caqami'.

Isaías 43:5

Totaxan ro'chi'i', ma' ỹim iỹaatac qami'. Chicqo'tegue da lqodoigue chaqai da lauashiguim yapilaxat ma'le na qauochi', ma' sahotaque llapoonta'.

Números 23:19

Ñi qota'olec mesqai 'nejem ca chaqai qom, ma' ca qom 'ue ca lqodoc: ñi'maxare se na'majan chaqai se ỹadalaxat ca la'deenataxanaxac. Ma' ñi'maxare quena' 'ue da 'naac, ca' ỹo'uet. Chaqai quena' 'ue da ỹaanec la'qaatec, ca' ipacqajanchigui.

Deuteronomio 34:4

Ca' ñi qara'gaxala' 'naaco' queso'maxare: —Najo ná'maq 'laua ñallitalta' na' sachaxantac queso Abraham, Isaac chaqai so Jacob quiyim saanem ma'le na llaalqaipi. Ca' ỹim sahotaque quiyim huañita quiyim ỹaatqajam 'ajñisac, 'eno'm sqai noxoñira'a ma'le yi'maxare.

Filipenses 4:9

Chaqai ỹaatqajam 'viichii ná'ogue ná'maq sapaxaguinque qamiri, chaqai ná'maq ỹaqataxaquipi saanema qamiri, quená'maq 'xaichigui caỹim, chaqai ná'maq huañichigui so'uet; ca 'viichii. Ca' ñi qota'a ñí'maq chicqo'ot da na'maxa ỹalequetauguilo qamiri ma'le.

Hebreos 11:9

Ca ma' 'uo' da lpi'ỹaxac so Abraham, ca' ỹovira'a neetalec só'maq 'laua qaỹachaxantapega quiñi qota'a, qam 'ec se lalamaxaret nqai'en ca 'laua neetalec. Ma' so'maxare neetaugui so na'daañi 'imcoqui'. Chaqai chaqaida 'neeto'o' na'le so Isaac chaqai so Jacob, ma' saua'maxare qai'neete' iconchiguit só'maq qaỹachaxantac.

Hebreos 6:17

Vichiguiño' ñi qota'a nanecalta' co'na' i'taxajñi da ỹachaxantac, ma' ỹahotaque re'qoota nqai'en quená'maq icoñiguit ma'le cá'maq lalamaxaret qaỹachaxantac, ca ñi'maxare ỹahotaque quiyim ipaquichigui nqai'en cá'maq ỹachaxantac, se ỹadalaxat ca la'qaatec.