Génesis 26:28 - La'qaatqa ñi qota'olec Qota'olec & Qota'olec Novita Na Qomyipi

²⁸ Ca saua'maxare 'neraco': —Seuanaxa quiyim ñi qara'gaxala' liỹaatac qami', ca 'ue da qana'deenaxac quiyim ña'deenaxa'e' qami'. Ca dá'maq qana'deenaxac ma'le 'neetasa':

Génesis 26:28 Iomraidhean Croise

Génesis 24:3

Ca' 'ỹaañitem ca ra'qaachiqui' ñi qara'gaxala', ñí'maq qota'olec quena piguim chaqai quena 'laua, quiyim sqai ỹaxanegue ñi ỹaalec Isaac ỹa'ue aca loua na'ñi najo 'laua Canaán.

Génesis 24:41

Ta'ta'a quiyim na iuo' laseripi sqai ỹaanec aca nequetegaxai, ca no'ueente'uegue ma'le qami' queda 'ỹaañirec ra'qaachiqui' nallichiralta'.

Génesis 31:44

Vichiguiño' na'itquena qami', sahoqe ca qana'maqataxac cá'maq i'taxajñi quiyim shi'gue ña'maxataxata'.

Génesis 39:3

So na'co' retan quiyim so José na'deeta'guit ñi qara'gaxala', vichiguiño' quecá'maq ỹo'uet so José, qam ỹa'maqachiguiñi.

Génesis 39:5

Ca' quecá'maq na'xa'o' na' so Potifar pataxalec so José quiyim reloxoỹa'a yi la'a' chaqai ná'ogue na louenqaipi, ca' ñi qara'gaxala' nqo'naxatec da lqouagaxa quiyi la'a' chaqai quena looỹac no'ueenaxa.

Isaías 60:14

Na llaalqaipi ná'maq 'xoic lqa'viic caqami' nacpegue' qami', ca' neneequesenta, ná'ogue ná'maq se nqo'ta qami', nacpegue' qami', ca' ỹa'chi'iñi naua le'cootal queca loqoisa'ñi, chaqai ỹamata'gue qami' Sión, la'a' ñí'maq co'teeta qara'gaxala' qota'olec quena Israel.

Isaías 61:6

Chaqai qaỹamata'guelo qamiri ma'le netaxaỹaxanqajanqa quiyim qaretaxaỹa'pegue' ñi qara'gaxala', lelaatqa ñi qota'olec coqomi'. Ca coñiguit ma'le da lesallaxa na liỹa ỹoqa'a qomyipi, ca' no'viichiigui ná'maq no'uen looỹac na'maxare.

Isaías 61:9

Na llaalqaipi ỹaatqajam choxoraic quena ỹoreta'oguit qomyipi; ná'ogue ná'maq iuana chaqa'ma' ỹa'den quiyim ñi qara'gaxala' no'ueenaxat da no'ueenataxac.

Romanos 8:31

Ca ¿nega'ỹo' ca shinqac quedajo? No'm ñi qota'a ro'ootaxanlgoto qomi', ca ¿negue' queto' ca ishit quiyim npa'guenta'to qomi'?

1 Corintios 14:25

Ca ná'maq hueetagui añi le'taxanata re'oq. Ime, ca' ishit ỹa'yi'iñi naua le'cootal quiyim imaqachintac ñi qota'a, chaqai ỹa'xatetac quiyim ỹaatqajam llic ỹalequetauguilo qamiri ñi'maxare.

Hebreos 13:5

Chaqai 'neeto' pacqajñiỹauec aca plata; ta'ta'a quiyim netooñita'gue cá'maq 'ue caqamiri. Ma' ñi qota'a 'naaco' quen: “Se iuanapega quiyim ñoỹootec caqami', chaqai se salachi'sac.”

Hebreos 6:16

Na qomyipi quena' i'taxajñi da la'qaatec, ca' 'ue na ỹiguelec quená'maq paguec lecaic quena'maxare. Chaqai no'm ỹaanec ca la'qaatec, ca' qai'taxajñi ca qaipacqajanchigui. Ca' qaica quet cá'maq liỹa qaỹa'xat.

Josué 3:7

Ca co'na'le, ca' ñi qara'gaxala' 'naaco' queso Josué: —Taachi'ñi quenajo na'xa'a, ca' so'uet quiyim naua'que na'xata' nqo'neetauec paguec qaremaqachiñi' quena Israel llaalqaipi, qaiyi na'maxare iuana ma'le quiyim qami' iỹaatac, 'nejem dá'maq shintari' na'le queso Moisés.

1 Samuel 11:1

Ca' so Nahas só'maq lashi so Amón llaalqaipi quepegue' yi na'a' Jabes huaugui yi 'laua Galaad. Ca na'maxajñi nqai'en so nalliripi, ma' ỹahotaque nalauate'e' yi'maxare. Qam so na'ñi yi Jabes 'naaco' queso'maxare: —'Maxaraic quiyim 'ue ca qana'maqataxac, ma' qomi' ñañaanqot qami' ma'le.