Génesis 26:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Ca' queso pe, ca qanachaxana so'maxare quiñi qara'gaxala'. Ca 'naaco': Ỹim ná'maq ỹim qota'olec queso qataa'i' Abraham. Qaica ro'chiraque; ma' qami' iỹaatac. Ma' chicqochigui nqaishin so ilaatec Abraham, ca 'xoic da iqouagaxa ma'le caqami', chaqai 'xoic nqaishin ca qachaalaxai'pi.

Génesis 26:24 Iomraidhean Croise

Génesis 13:16

Ỹim ỹaatqajam 'xoic nqaishin ca'maxare, 'nejem na lamoxoỹaxa na 'laua. Ca 'nejem quiyim se qaishit qanaloqochin na namoxoỹaxa, ca' qai'neeta se qaishit qanaloqochin ma'le ca qachaalaxai'pi.

Génesis 15:1

Ca co'na' ime dajo, ca' ñi qara'gaxala' retaxaỹa'pegue' so Abram, viichigui nqai'en so leuanaxanaxac. Ca 'naaco': —Qaica ro'chi'raque, Abram, ma' ỹim squepaqataxanteguelec qami'. Ỹaatqajam 'xoic lecaic ma'le aca nishivichi'i'.

Génesis 17:7

Dá'maq ña'maqataxac caqami' chaqai quecá'ogue ca qachaalaxai'pi ma'le quiyim chaqai 'neetari' ỹim qota'olec caqami' chaqai ỹim nqota'olec cá'maq qachaalaxai'pi.

Génesis 17:8

Ca' qami' chaqai ca qachaalaxai'pi saanem ma'le ná'ogue najo 'laua Canaán ná'maq ñi'salec nagui. Ca' ỹaatqajam ralamaxarichii ra'aari, ca ỹim ná'maq ỹim qota'olec ma'le caqamiri.

Génesis 21:17

Qam ñi qota'olec 'qaatapego' so noctoqui' na' noỹentac. Ca ñi'maxare nela' so lelaatec piguim le'ec, ca so'maxare roỹaxano' aso Agar, ca 'naaco': —Agar, ¿negue' ca 'ñi'sa'pegue? Totaxan ro'chi'i', ma' ñi qota'olec 'qaatapega da noỹenaxac yi noctoqui' quiyí'maq hueeta'ñi.

Génesis 22:17

ỹaatqajam 'xoic ca iqouagaxa caqami' ma'le. Chaqai 'xoic nqaishin ma'le ca qachaalaxai'pi, 'nejem ana huaqajñi hueeto'ot na piguim; chaqai 'nejem na lo'uaxanaxa hueeto'oto naua lahil ana lachiugue. Chaqai ca'maxare sqaica lovi' nqai'en na npa'guenaxauaripi.

Génesis 22:19

Ca' so Abraham pila yí'maq hueesa'ñi caua lelaatqa. Ime, ca saua'que taategue da Beerseba yí'maq na'ño' na'le so Abraham.

Génesis 24:12

Co'na'le, ca' nqouagaxain, 'naaco': —Qami' ỹa'gaxala' ma' qami' qota'olec quiñi ña'co' Abraham, no'ueenaxachi' ca ỹicyaxac, choxochite' ca rqouagaxa'e' quiñi ña'co'.

Génesis 28:13

Qai'neeta iuano' ñi qara'gaxala' nachaatetañi reloqotalec so'maxare. Ca 'naaco' quen: —Ỹim ná'maq ỹim na'gaxala', ỹim qota'olec queso qapichi' Abraham, chaqai so qataa'i' Isaac. Qami' chaqai na qachaalaxai'pi saanem ma'le najo 'laua ná'maq vi'sa'ñi.

Génesis 28:15

Ca' ỹim iỹaatac qami' scochi'sapegaxaua' quecanchaqai 'itegue, chaqai yapilaxata qami' ma'le najo 'laua. Se salachi'sac chaqai somachichigui dá'maq sachaxantac quiyim saanem qami'.

Génesis 28:3

Ca' ñi qota'olec ñí'maq sqaica lqalanec nqouaguegue qami', chaqai ỹo'uet quiyim 'xoic ca qachaalaxai'pi, qaiyi chicqochigui qami' ca 'xoic ỹoreta'oguit qomyipi.

Génesis 30:27

Qam so Labán 'naaco' queso'maxare: —Qouaquiric, ro'viiñirañi, chaqai 'ñi'sari' ñiiso'ot aỹim, ma' mashic senataxanteguelec qami', ca' sa'den quiyim ñi qara'gaxala' 'ue da lqouagaxa caỹim chicqochigui qami'.

Génesis 31:5

Ca 'naapegalo': —Yitan quiyim ñi qataa'i totqai 'ne'tegue aỹim cá'maq quesom. Qam ñi qota'olec quecá'maq ita'a se yayaxanec sqo ỹoxe'oga.

Génesis 39:2

Qam ñi qara'gaxala' liỹaatac so José, ca' sqaica canchaqaica na' ñaqai hueeta'ñi yi la'a' so na'co' Egipto le'ec.

Génesis 39:3

So na'co' retan quiyim so José na'deeta'guit ñi qara'gaxala', vichiguiño' quecá'maq ỹo'uet so José, qam ỹa'maqachiguiñi.

Génesis 46:1

Co'na'le, ca' so Israel na'maxajñi quiyim eec i'xat sá'ogue só'maq hueeto'ot. Ca co'na' ỹovita yi Beerseba, ca' ỹa'ue so lachitaxanataxanaxat ỹavigaxat, ca ỹaanot ñi qota'olec queso leta'a Isaac.

1 Reyes 17:13

Ca' so Elías 'naaco': —Qaica ro'chi'raque. Ta'ta'a quiyim 'viichi' dá'maq 'ñirac. Qam 'auaxañi' ratoxochi' aca cocho'lli' raqaulata'e', ca' nodo'irec. Ca ma' ime, ca 'viichi' aca liỹa, ca nouañise'e' ca qachaalqui'.

Éxodo 14:13

Qam so Moisés 'naaco' queso qomyipi: —Sqaica ro'chiỹaque queda 'ñiitari'. Chaqaida 'ñiitari', ca' 'ajñii cá'maq lo'ueenataxanaxac ñi qara'gaxala' quiyim nca'laxaterec qamiri, ma' tot qaica ma' liỹa quet huañiỹa ná'maq daañita'guit nagui Egipto laseripi.

Éxodo 3:6

Ca lotqai liỹo' 'naac: —Chaqaỹim ná'maq ỹim qota'olec quesó'maq 'auaxaic qata'i'llipi. Aỹim qota'olec quesaua qapirilli' Abraham, Isaac chaqai so Jacob. Ca' so Moisés ỹapoquio' na lashic, ma' no'cho' quiyim ra'ỹo'ot ñi qota'olec.

Isaías 41:10

Totaxan ro'chi'i', ma' qami' iỹaatac; se ro'chi'i', ma' ỹim qota'olec caqami'. Ỹim sa'ue ca rquesaxanaxa'e', ỹim sotauañi', ỹim ñolliitañi qami' queda iqai'laxat huegaxanaxai.

Mateo 22:32

“Chaqaỹim ná'maq ỹim qota'olec queso Abraham, Isaac chaqai so Jacob.” Ma' ñi qota'olec mese qota'olec quena leuaxaiquipi, ta'ta'a ná'maq nca'leetauec.

Lucas 12:32

Totaxan ro'chii, ma' qamiri 'ñiita acá'maq ỹalamqate iloxoiqatecse qagreta. Qamiri sqo vite', qam ñi qata'ahi ỹaatqajam ỹa'maxarente' qamiri quiyim nouañiỹau'a da lo'ueenataxanaxac ma' ỹoiquentac ná'ogue najo.

Hechos 7:32

“Ỹim ná'maq ỹim qota'olec quesaua 'auaxaqa qata'alli' Abraham, Isaac, chaqai so Jacob.” Ca' so Moisés ỹaatqajam i'loxolqachit da lqolonaxa, ca' se ishit ra'ỹa'a.

Deuteronomio 31:6

Ca' 'ñaxachiguilo naua qavilyi, totaxan ro'chii, chaqai se ro'daxachiuec ma' loxoita'guit ca npa'guenaxauahi. Ma' ñí'maq na'gaxala' ñí'maq qota'olec caqamiri ỹalequetauguilo qamiri, se ralachii, chaqai se ro'ueenaxachitañi.

Hebreos 11:16

Qam so'maxare ñaq ipaquetaque cá'maq ỹaatqajam lo'yaxanec lalamaxaret 'laua, cá'maq na'a' hueeta'gue da piguim. Vichiguiño' ñi qota'a se nayiloxonlec quiyim qaỹamata'gue qota'olec quesaua'maxare, ma' ñi'maxare shi'gue ỹaqatqajantari' ca na'a' lodegaxat ỹauaaque la'a' so'maxare.

Hebreos 13:6

Ca' vichiguiño' se qaro'chaalec quiyim shinqac: Ñi qara'gaxala' chaqaiñi ñí'maq yotauan, ca sqaica ca yo'cha'a quena qom quecá'maq shim 'ne'tegue aỹim.

Apocalipsis 1:17

Ca na' seuana, ca' seuañi, 'ec yileu. Qam so'maxare ỹashil-lec aỹim, ỹahote'e da loic. Ca 'naapiguiỹa': —Totaxan ro'chi'i'. Ỹim na' ỹim 'auaxaic, chaqai aỹim ná'maq spa'aatec.

Rut 3:11

Totaxan ro'chi'i', qami' ỹaalole, ma' ná'ogue na qomyipi ỹa'den quiyim qami' 'maxataxarai. Vichiguiño' ỹim so'uet dá'maq 'ñirac.