Génesis 26:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca danaxano' na'le queso ñaaxa so Isaac queso 'laua, ca' chalego loyac na' lapoon so lanec ala, ma' ñi qara'gaxala' no'ueenaxat so lanec.

Génesis 26:12 Iomraidhean Croise

Génesis 24:1

Ca co'na' mashic qo'xoỹom so Abraham, ca' ñi qara'gaxala' ỹaatqajam 'xoic da lqouagaxa quená'ogue na re'qoochigui.

Génesis 24:35

Ca' ñi qara'gaxala' ỹaatqajam nqouaguegue ñi ña'co', nesallaxanec nqai'en, ỹa'ue ana lalo qagreta, huaca, 'oro, plata, chaqai na lelaatqaipi chaqai na lelaataipi, chaqai na lalo nauaanaxanaxa late'ellipi chaqai na 'ashinyipi.

Génesis 25:11

Ca co'na' mashic tot qaica so Abraham, ca' ñi qota'olec nqouaguegue so Isaac na' neeta'ñi yi seeque'ta yi na'ñi aso ni'ỹa leenaxat Ñí'maq nca'leetauec chaqai iuañiua'.

Génesis 26:29

quiyim qami' sqo 'viichi' ca se no'uen coqomi', ma' qomi' sqaica ca shinaxague caqami', chaqai se yilaxasqatapega qami' na' ca'e nqaishinaq qami' yi qana'laua, chaqai nagui ñi qara'gaxala' 'ue da lqouagaxa caqami'.

Génesis 26:3

Qam nagui ñaqai ñi'salec najo 'laua. Ca' ỹim iỹaatac qami' chaqai yqouaquiraxaric, ma' qami' chaqai na qachaalaxai'pi saanem ma'le najo 'laua. Ca' sepacqajanchigui dá'maq ỹa'qaatec na'le queso qataa'i' Abraham.

Génesis 30:30

Ma' sqo vito'olli' caua qalohi' na' saqa' ñovi', chaqai quiyim chaqa'ma' nqo'neuec na' ñovi', ca ñi qara'gaxala' nqouaguegue qami', qam ¿laquio' chi so'ueenataxanlgoto nauá'maq ỹalamaxarete' ỹaalqa?

Job 42:12

Ca' ñi qota'olec nqouaguegue so Job quesaua co'uaataxante' niñaxari, ca' paguec so ỹaanem queca 'auaxaic. Vire'ta na' ỹovi' catorce mil aso lalo qagreta, seis mil aso nauaanaxanaxa late'e, dos mil ñii'lolaipi, chaqai mil aso 'ashina,

Salmos 67:6

Na nanecsec quena 'laua 'ue na la; ¡ñi qota'olec no'ueenaxate' qomi'!

Mateo 13:23

Qam aso nanecse ala tajlec yi lo'yaxanec 'laua, ca chaqaina ná'maq ỹa'maxate'tegue da na'xaỹaxanaxac chaqai ỹa'den da leloxoỹaxac, ca' lo'yaxanec da laỹaxac quiyim qanaqat. Chaqai 'ue ná'maq 'nejem aso nanecse ỹovi' cien ana la cañi 'oono'lli', chaqai 'ue na liỹa 'nejem aso ỹovi' sesenta ana la, loqo'm 'nejem asó'maq ỹovi' treinta ana la.

Mateo 13:8

Qam aso liỹa lanecse tajlec yí'maq lo'yaxanec 'laua. Ca na' ñaxat, ca' lo'yaxanec da laỹaxac. 'Ue ana ỹovi' cien ana la cañi 'óna, chaqai 'ue ana ỹovi' sesenta, chaqai 'ue ana ỹovi' treinta ana la na' qanaqat.

Marcos 4:8

Ca' aso liỹa nanecse tajlec yi lo'yaxanec 'laua, ca' aso'maxare ỹaatqajam lo'yaxanec da llaqtaxac. Ca 'uo' ana ỹovi' treinta ala añi 'oono'lli', chaqai 'uo' ana ỹovi' sesenta, chaqai 'ue ana ỹovi' cien.

1 Corintios 3:6

Aỹim na'le sanñi da no'ueenataxanaxac, ca' na'le lotqai anac so Apolos, ca ỹocorelec, qam ñí'maq qota'a maq ỹo'uet da lañaqtaxac.