Génesis 25:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca co'na' mashic ỹaatqajam qo'xoỹom, ca' ileu, ỹalauat dá'maq chi lqo'xo. Ca' eec lapoouo queso 'auaxaic leta'allipi.

Génesis 25:8 Iomraidhean Croise

Génesis 15:15

Qam caqami', ca' ma' qami' qo'xoỹom, ca qaigueme rillivi', qam qaicanqaida. Ime, ca lapo'ichiguit ca 'auaxaic qataa'i'llipi.

Génesis 25:17

Ca' so Ismael ỹovito'o' saua ciento treinta y siete ñaxari, ca' ỹovita ca lqodoc aca lqauaxaqui. Ca co'na' ileu, ca lapou'a so 'auaxaic leta'allipi.

Génesis 25:7

Ca' so Abraham ỹovite'o' saua ciento setenta y cinco ñaxari, ca ỹovita ca lqodoc aca lqauaxaqui.

Génesis 35:18

Qam aso'maxare mashic ileuetac, ca' quesó'maq co'uaataxanta lacatoqui', ca ỹanco' Benoni, llaalec da i'xoric, só'maq llaalec, 'eno'm só'maq leta'a ỹanco' leenaxat Benjamín, loqo'm ỹoic llaalec.

Génesis 37:35

Ca sá'ogue so llaalqaipi chaqai so llaallipi ỹahotaque quiyim lo'yigui lauel so'maxare. Qam so'maxare se ỹa'maxaren qaicochaq. Lama'xa noỹenteguelec da na'laxac so llaalec. Ca 'naaco' da la'qaatec: —Ỹim se seshit ñaqate' naua ỹoho ỹasouaxaqui', chi ỹovireto'o' quiyim llapoo'guit queca loma' na lqui'i na leuaxaiquipi.

Génesis 49:29

Ca 'uo' so na'xa'a so Jacob ỹa'uo' da la'qaatec queso llaalqaipi, 'naaco': —Tot qaỹaloq yileu. Ca ma' yileu, yishiñiño' ma'le quiyi hua'ñi yi ita'allipi, quiñi lauac na'ñi yi na'laua so Efrón só'maq hitita le'ec,

Génesis 49:33

Ca co'na' so Jacob ỹomat da laqataxac queso llaalqaipi, ca' liỹa nenanñi queso lomala'. Ca ileu.

Génesis 50:13

Ca' ỹodootegue da Canaán, ca' ishiñiñi queso lauac quiyi 'laua Macpela, yí'maq rishiujnaxano' na'le so Abraham queso Efrón, só'maq hitita le'ec, ỹauaaque nishinqa' na lauo' laseripi. Yijo 'laua chaqai ñi lauac pa'ỹa'gue da lqodoigue quiyi Mamre.

Job 5:26

Ỹovira'a nqai'en qami' cá'maq ỹaatqajam qachaaxa'e' quiyim qami' qo'xoỹom, 'ec aca la ỹiita.

Números 20:24

—Ñi Aarón mashic ỹovita yi lqodoc aca lqauaxaqui, ca se inoxona'a yí'maq 'laua saanem na Israel llaalqaipi, ma' hua'ñi na' ne'paxanec so huaxaỹaq quiyi Meriba, ca' qamiri sqai pacqajanchigui dá'maq shinac.

Hechos 12:23

Ca' quiyi, ca novi' so chicqashiguim qota'a lelaatec, ỹo'uet quiyim ralola so Herodes, ma' pa'aalec da lecaic ñi qota'olec; ca' ileu, qaichiqueta quena ñilo'.

Hechos 13:36

Qam llic ma' so David cochiỹa so lauo' co'na' ỹo'uet da la'qaatec ñi qota'olec. Qam co'na' ileu, ca qailla'ñi yi hua'ñi so leta'allipi, ca' so loshicmaxa na'laañi.

Hechos 5:10

Ca' quiyi, ca chaqa'ma' huaañi aso'maxare, ca ileu quiyi reloqota'ñi so Pedro. Ca' novirero saua ne'naqa, ca' iuaneterelec ileu, ca lotqai qaỹodouec, qaishinñi, qaỹauaxaỹaxante'e' yi loua.

Hechos 5:5

Ca co'na' 'xaỹa dajo so Ananías, ca huaañi, ca' chaqa'ma' ileu. Ca sá'ogue só'maq mashic ỹa'den dajo, ỹaatqajam 'xoic da lqolonaxa.

Jueces 2:10

Ca' qai'neeta ileu so llaalqaipi so Israel só'maq naloxouaripi so Josué. Ca' chaqaida 'neeto' na'le quiyim so dalaxaic ne'qaañi qomyipi qaica ca ỹa'den ñi qara'gaxala' chaqai ná'maq lqouagaxa queso Israel llaalqaipi.