Génesis 25:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' so llaalqaipi so Abraham quesaua liỹa' loua' na' ñaq nca'leetauec so'maxare, ca' chi ỹa'ue na lame quiñi 'óna. Ca' so llaalqaipi ca'e nqai'en yí'maq neeta'ñi so llaalec Isaac, ilata yi 'laua pa'a'gue da lqodoigue.

Génesis 25:6 Iomraidhean Croise

Génesis 16:3

Ca só'maq Sarai ỹaanem aso Agar Egipto lase quiyim leloxoỹaxaua queso Abram, co'na' mashic ỹovi' diez ñaxari neesa'ñi yi Canaán.

Génesis 21:14

Ca' queso liỹa na'xa'a na' ñaq nete'etam, ca' so Abraham ỹaanem so pan aso Agar chaqai aso liỹoxoso no'qaatagui queso huaxaỹaq. Ca' illaalgoto naua lallaaco chaqai ỹaanem so llaalec Ismael. Ca' ỹo'daauec aso'maxare. Ca' eec aso'maxare, se ỹa'den ca taigue. Ca' chi namaqategueri' quiyi 'laua qaica qom quiyi 'laua Beerseba.

Génesis 25:1

So Abraham 'uo' aso dalaxai loua leenaxat Cetura.

Génesis 29:1

Ca' lotqai eec so Jacob, quepegue' yi na'laua na lqodoigueseripi.

Génesis 30:4

Ca' chaqaido' 'neeta aso Raquel na' ỹaanem so Jacob aso lelaata Bilha quiyim leloxoỹaxanata. Ca' so Jacob lapa'ñi' aso Bilha.

Génesis 30:9

Ca co'na' aso Lea ỹa'den mashic tot co'o, ca' icona aso lelaata Zilpa, ca' ỹaanem so Jacob quiyim leloxoỹaxanata.

Génesis 32:22

Ca' chaqaiso so pe, ca' so Jacob ne'laxashiguim, ca ỹauegue' saua dos loua', chaqai saua dos lelaata, chaqai saua once llaalqa. Ca' ỹapacta nqai'en aso lachiugue leenaxat Jaboc,

Génesis 35:22

Ca co'na' ñaqai neetalec yijo 'laua so Israel. Ca 'uo' so na'xa'a co'na' so Rubén lapa'ñi' aso Bilha só'maq leloxoỹaxanata so leta'a. Ca co'na' ỹa'den so'maxare, ca' ỹaatqajam ro'o. Ca' saua llaalqa so Jacob ỹovite' doce.

Job 1:1

Quiyi 'laua leenaxat Uz 'uo' so ỹale leenaxat Job. So'maxare ỹaatqajam qaica ca se ỹa'maxañi queda no'ueenataxac, chaqai 'maxataxaraic, chaqai ỹaatqajam quejlec ñi qota'olec, chaqai netelañi quiyim ỹo'uet ca se ỹa'maxañi queca liỹa.

Job 1:3

chaqai siete mil aso lalo qagreta, chaqai tres mil aso nauaanaxanaxa late'e, chaqai mil so ledaxaqui ñii'lola, chaqai quinientos aso 'ashina, chaqai qai'neeta 'xoic so la'aquipi. So'maxare ỹaatqajam paguec nesallaxanec queda lqodoigue.

Mateo 5:45

Qaiyi ỹaatqajam qamiri llaalqa ñi qota'a ñí'maq viilec neeta'gue da piguim. Ma' ñi'maxare coỹarelec nqai'en añi lo'ueenata ra'aasa ná'maq hualoxonyipi chaqai ná'maq huagaxaraiquipi, chaqai nela' na ỹaxat taalec nqai'en ná'maq no'uen chaqai ná'maq se no'uen da no'ueenataxac.

Hechos 14:17

Qam ñaqaiyiita da nachaxanaxac ñi'maxare, quedá'maq no'uen lo'ueenataxanaxac, quena' ỹa'ue na ỹaxat, chaqai lo'yaxanec nqai'en na laỹaxac na nanecsec, chaqai sqoue nqai'en ca qonoq, ca' qomi' ñitoonqatac.

Jueces 6:3

Ma' co'quena' na Israel llaalqaipi 'ue na lanecsec, na Madián llaalqaipi, na Amalec llaalqaipi, chaqai na qomyipi chicqa'gue da lqodoigue, nacpegue' quiyim nalauate'e'.