Génesis 25:5 - La'qaatqa ñi qota'olec Qota'olec & Qota'olec Novita Na Qomyipi

⁵ Qam so Isaac mashic shi'gue taalec dá'ogue da lesallaxa so Abraham.

Génesis 25:5 Iomraidhean Croise

Génesis 24:35

Ca' ñi qara'gaxala' ỹaatqajam nqouaguegue ñi ña'co', nesallaxanec nqai'en, ỹa'ue ana lalo qagreta, huaca, 'oro, plata, chaqai na lelaatqaipi chaqai na lelaataipi, chaqai na lalo nauaanaxanaxa late'ellipi chaqai na 'ashinyipi.

Génesis 24:36

Chaqai qai'neeta aca loua Sara ỹa'ue quiyim 'ue ca llaalec na' mashic qo'xoỹom. Ca' ñi ña'co' ỹaanem dá'ogue da lesallaxa ñi llaalec.

Génesis 25:4

Ca' so llaalqaipi so Madián chaqaiso so Efa, Efer, Hanoc, Abida chaqai so Elda. Ca' najo ná'ogue na llaalqaipi aso Cetura.

Génesis 26:14

Mashic ỹapaguelec aso lalo qagreta chaqai aso huaca chaqai so lelaatqaipi, vire'ta qaipa'guen queso filisteoipi.

Mateo 11:27

Ñi ita'a ỹomato'ot aỹim ná'ogue nanchaqaina. Ca' qaica cá'maq ỹaatqajam ỹa'den najo llaalec, ta'ta'a ñí'maq leta'a. Chaqai qaica cá'maq ỹaatqajam ỹa'den ñi'maxare, ta'ta'a najo llaalec chaqai ná'maq na llaalec ỹahotaque ỹa'deenaxanaxanegue ñi'maxare.

Mateo 28:18

Co'na'le, ca' so Jesús nqo'neuo' quesaua'maxare, ca 'naaco': —Qanañaañim da iquesaxanaxa quiyim soiquentac ná'ogue na hueeto'ot na piguim chaqai quena 'laua.

Juan 17:2

Ma' qami' 'ỹaañitem na qachaalqui' da lquesaxanaxa quiyim idaanlec ná'ogue na qomyipi, quiyim ỹa'ue da lca'laxa sqaica lqodoc ná'ogue ná'maq 'ỹaañitem.

Juan 3:35

Ma' ñi qota'olec ỹaatqajam ỹauotegue so llaalec, vichiguiño' ỹomato'ot ná'ogue ná'maq lalamqateripi.

Romanos 8:17

Ca' quiyim mashic qomi' llaalqa, ca qai'neeta sovirqau'a quiyim seconaxaguit dá'maq ỹachaxantac ñi'maxare coqomi'. Ca ỹaatqajam ñouanqa'te' so Cristo, no'm chaqaiyi quiyim qare'xoyaxaua nagui so'maxare. Ca ma' ime, ca' ñouanqau'a ma'le da lauaq so'maxare.

Romanos 8:32

Ma' ñi qota'olec se ỹauotegue so lalamaxaret llaalec, ta'ta'a quiyim ỹaañiguit da lelauaxa coqomá'ogue. Ca ¿huose'quet sqai ỹaanema qomi' ná'ogue nanchaqaina quiyim qaralamaxat?

Gálatas 3:29

Ca no'm qamiri lalamaxarete' so Cristo, ca' qamiri lalamaxarete' llaalqa so Abraham. Ca' coñiguit ma'le quiyim ralamaxarichii cá'maq ỹachaxantac ñi qota'a.

Gálatas 4:28

Qamiri ỹaqaỹa', qomi' llaalqa ñi qota'a ỹachaxanta'pe na'le, shinqajam so Isaac.

Colosenses 1:19

Ma' ñi qota'a ỹahotaco' quiyim dá'ogue dá'maq chi no'ueenataxac imaagui so Cristo.

Hebreos 1:2

Qam nagui quenaua pa'aaterec na'xata', ca' retaqauguilo qomi', chicqochigui nqai'en so llaalec. Ñi qota'a chicqochigui nqai'en so llaalec na' ỹo'uet ná'ogue nanchaqaina, ca' chaqaiso só'maq pataxalec quiyim idaanlec ná'ogue na'maxare.