Génesis 25:30 - La'qaatqa ñi qota'olec Qota'olec & Qota'olec Novita Na Qomyipi

³⁰ Ca 'naaco' queso Jacob: —Qouaquiric, vite ca noq quena reuooshqui' toc, ma' yalauat na iqopaaxa. (Vichiguiño' so Esaú qai'neeta qaỹa'den quiyim qohinac Edom, loqo'm toc.)

Génesis 25:30 Iomraidhean Croise

Génesis 25:29

Ca 'uo' so na'xa'a reuosetaco' so Jacob, co'na' noviro so Esaú ỹaatqajam isot, chicqauec quena no'ueenaxa.

Génesis 25:31

Ca' so Jacob 'naaco': —'Au taỹa'guit nqai'ñi' caỹim dá'maq nesallaxa qaỹaqatqajantari' caqami', ma' qami' 'auaxaic ñaalec.

Génesis 32:3

Ca' so Jacob ỹa'vio' saua lelaatqa quiyim querepegue' yi 'laua Seir, da liỹa leenaxat Edom, quiyim ỹa'ue la'xaỹaxac so Esaú quiyim sham novi' so lanoq.

Génesis 32:4

Ca 'ne'teco'yi da la'qaatec: —'Ñiỹapego' ma'le ca ỹopiichi Esaú: Na rqaỹa'e' Jacob ỹahotaque quiyim 'xoriñi', vichiguiño' nela' da la'qaatec 'naacsa': Aỹim sento'ot ñi qaneteesqo' Labán saua'que saua ñaxari.

Génesis 36:1

Ca' 'ena na llaalqaipi so Esaú, na'aamataxat da Edom.

Génesis 36:19

Ca sá'ogue so'maxare chigoxougui so Esaú da liỹa leenaxat Edom. Ca' chaqaiso só'maq la'gaxala' ná'maq chi lauo'.

Génesis 36:43

Magdiel chaqai Iram. Ca' so Esaú qai'neeta leenaxato' quen da Edom. Ca' najo ná'maq nashillipio' na'le quiyi Edom nachiñi'chiguita nauá'maq lalamaxarete' na'aate' neetalgoto.

Génesis 36:8

Ca' vichiguiño' so Esaú na'aamataxat da Edom quepegue' yi 'laua leenaxat Seir, ca' naalec. Quesojo 'laua 'xoic ana qa' ladocai.

Génesis 36:9

Ca' najo ná'maq llaalqaipi so Esaú só'maq chigoxougui na edomita laseripi ná'maq neetalec yi 'laua Seir, yí'maq huaalec ana quemaralec qa' ladocaipi.

Éxodo 15:15

na nashillipi quiyi Edom tot qaica ma'le ca lacat, na nashillipi quiyi Moab i'loxol ma'le quena lqolonaxa, chaqai ná'ogue na Canaán laseripi qaica ma'le ca la'ñaxac lauel.

Deuteronomio 23:7

Qam 'neeto' sqai coñiguit na llaalqaipi so Edom, ma' chi qauori laseripi na'maxare, chaqai na Egipto laseripi, ma' qamiri ñiitalec na'le yi na'laua.