Génesis 25:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ca' so Isaac nqouagaxainot ñi qara'gaxala', rashiilaxanlec aso Rebeca, ma' aso'maxare qaica ca llaalec. Ca' ñi qara'gaxala' 'xaỹa so nqouagaxainaxac, ca' 'man nqai'en aso Rebeca.

Génesis 25:21 Iomraidhean Croise

Génesis 11:30

Ca' aso Sarai sqaica ca llaalec, ma' se co'o.

Génesis 16:2

Ca 'naapego' so loua Abram: —'Anta, ñi qara'gaxala' se ỹo'uet ca ỹaalec. Qam ñi'xoresene'tot qami' quiyim quirepegue' añi ỹa'a Agar, sha'apiguito' 'ue ma'le ca ỹaalec chicqotougui añi'maxare. Ca' so Abram saachiguit da la'qaatec aso Sarai.

Génesis 30:22

Qam ñi qota'olec ỹo'leento'o' aso Raquel, ca' 'xaỹa da nqouagaxainaxac. Ca lotqai 'uo' nqai'en so llaalqaipi.

Salmos 127:3

Na qochaalqaipi mashic ne'qaañi ỹaatqajam chalego loyac lqouagaxanaxat ñi qara'gaxala'.

Salmos 50:15

Ca ỹaxañita ỹim quiyim 'ue ca reuogoxo'e'; ca ỹim so'ootaxanlec qami', ca qami' yimaqachiñi' ma'le.

Salmos 91:15

Ma' roỹaxanaque aỹim, ca' sasaachiguit; ¡ca chaqaỹim ná'maq iỹaatac ma'le! Ñaqata'a quenaua le'xoyaxaco, ca so'uet quiyim 'xoic na imaqachin;

Isaías 45:11

Ñi na'gaxala' ñí'maq qota'olec co'teeta quiyi Israel, ñí'maq ỹa'maxajñi qami', 'naac: Qaica quet cá'maq 'neeta quiyim yinachi' negue' cá'maq ỹo'uet ca ỹaalec, loqo'm yapaxaguiñi' quecá'maq shinta'gue ca ỹo'ueenataxanaxac.

Isaías 58:9

Ca noma' ỹaxañiraque aỹim, ca' ỹim sasaachiguit qami'; chaqai no'm raualqe' ỹaxañisaque ca notaanaxaqui', ca' ỹim shinac ma'le: Aỹim seuete'e najo. No'm na'laañi nqai'ñi' ná'ogue na npataxasoxonaxac, no'm sqai quira'a ca liỹa chaqai se na'majñirelec,

Isaías 65:24

Ma' saqa' roỹaxanot aỹim quiyim yashiila, qa' shi'gue sasaachiguit ma'le; chaqai saqa' ime ca la'qaatec, qa' mashic ña'xaỹaxana.

Lucas 1:13

Qam so nelaatec 'naaco': —Zacarías, se ro'chi'i', ma' ñi qota'olec 'qaatapega da nqouagaxainaxaqui'. Ca' nagui añi roua'e' Elisabet 'uo' ma'le ca llaalec. Ca' ca'maxare ñiteco' ma'le leenaxat Juan.

Lucas 1:7

Qam saua'maxare qaica ca llaalegue', ma' aso Elisabet se co'o, chaqai saua'maxare mashic ỹaatqajam qo'xoiqa.

1 Samuel 1:11

Ca' ỹaanot da la'qaatec, 'naaco': —Qami' ỹa'gaxala', ma' qaica ca qalañirac: Ma' 'ajñisac da chalego le'xoric najo relaata'e', ca' o'lliinchira'a aỹim, ca 'viichi' ca ỹaalec. Ca ma'le, ca saanot qami' dá'ogue da nachaalataxac ca'maxare quiyim ro'ueenataxanot qami'. Ca dá'maq netanec ma'le ca'maxare quiyim saanot qami', ca' se qanepetec na lqahic laue.

1 Samuel 1:17

Ca' so Elí 'naaco': —Mo'e', riỹa'iterec da ra'maxa'e', ca' ñi qota'olec quena Israel llaalqaipi ỹaanem qami' cá'maq shiilaxañisaque.

1 Samuel 1:2

So Elcana dos saua loua'. So 'óna leenaxat Ana, chaqai aso liỹa Penina. Aso Penina 'vio' saua llaalqa, qam aso Ana, ca' qaica ca llaalec.

1 Samuel 1:27

Ma' ỹim na'le sashiilatac ñi qara'gaxala' quiyim ỹa'ue najo ỹaalec, ca ñi'maxare ỹa'ue.