Génesis 25:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ So llaalqaipi naalco' yi 'laua vichiguiñiguilo yaua Havila chaqai yi Shur, naloote'oga yi Egipto queso nayic taỹa'gue da Asiria. Ca' naalec yi'maxare, 'eno'm se ỹa'maxaren so lqaỹaripi.

Génesis 25:18 Iomraidhean Croise

Génesis 10:29

Ofir, Havila chaqai so Jobab. Ná'ogue najo llaalqaipi so Joctán.

Génesis 10:7

Chaqai sauá'maq llaalqa so Cus: saua Seba, Havila, Sabta, Raama chaqai so Sabteca. Ca' saua llaalqa so Raama: so Seba chaqai so Dedán.

Génesis 13:10

Ca' so Lot ỹa'ajan sá'ogue so ca'megue quena lahi aso lachiugue leenaxat Jordán. Ca' iuana quiyim ỹovira'a yi na'aa'oqui' leenaxat Zoar. Ca' queso ca'megue ỹaatqajam 'xoic na huaxaỹaq 'nejem loyac cá'maq ỹaatqajam no'uen nanaxanqa', chaqai 'nejem na 'laua quiyi Egipto. (Ca chaqaida 'neeto' da loyac yi 'laua co'na' ñi qara'gaxala' saqa' nopoxoỹaxachiñi yaua na'aate' leta'al Sodoma chaqai yi Gomorra.)

Génesis 14:10

Chaqai quesá'ogue so ca'megue leenaxat Sidim 'xoic ana tema lahi' na 'ec qo'paq louaq. Ca co'na' saua nashil quiyi Sodoma chaqai Gomorra ỹahosaque 'eete' queso lauataq, ca taari'ñigui ana tema, ca' saua liỹa' nashil 'eete' querepegue' yi qoỹoqoshi'megue 'laua.

Génesis 16:12

Ca'maxare ỹaatqajam co'ỹaxaraic ma'le, 'ec ca isecỹac neuec; ca'maxare reloguiỹe'e' ná'ogue, chaqai ná'ogue reloguiỹe'e' ca'maxare; qam ca'maxare ỹa'yiñi ca la'a', 'eno'm na lqaỹaripi npa'guene'e'.

Génesis 16:7

Qam so lelaatec ñi qara'gaxala' piguim le'ec iuanejlec quiyi 'laua qaica qom, seeque'ta yi huaxaỹaq ne'paxantashiguim neeta'ñigui so nayic quiyi Shur.

Génesis 2:11

So 'auaxaic llic na huaxaỹaq leenaxat Pisón, só'maq lepajlec yá'ogue yi 'laua leenaxat Havila, yí'maq hua'ñi na 'oro.

Génesis 20:1

Ca' so Abraham ca'o' na'le yí'maq neeta'ñi, ca' nqo'na yi 'laua leenaxat Néguev. Ca' naugui yi na'a' leenaxat Gerar, hueetañiguilo naua lavinñi' yaua Cades chaqai yi Shur.

Génesis 21:14

Ca' queso liỹa na'xa'a na' ñaq nete'etam, ca' so Abraham ỹaanem so pan aso Agar chaqai aso liỹoxoso no'qaatagui queso huaxaỹaq. Ca' illaalgoto naua lallaaco chaqai ỹaanem so llaalec Ismael. Ca' ỹo'daauec aso'maxare. Ca' eec aso'maxare, se ỹa'den ca taigue. Ca' chi namaqategueri' quiyi 'laua qaica qom quiyi 'laua Beerseba.

2 Reyes 23:29

Ca' quesaua ñaxari, ca' so nashi Necao, lashi na Egipto laseripi, so'maxare quepegue' aso lachiugue Eufrates, ma' ỹahotaque ỹotauan so nashi quiyi Asiria. Ca' so nashi Josías naxata'guit so'maxare; ca' quiyi Meguido, qam so Necao na' iuañi'chiguit so'maxare, ca' ỹalauat.

1 Samuel 15:7

Ca' so Saúl nalauate'e' so Amalec llaalqaipi, chicqochi'ñi nqai'en yi Havila, ca' chi ỹovireta'a yi ñigo quiyi Shur, pa'aata'guit yi 'laua Egipto, ỹaatqajam nomachichiguiñi.