Génesis 24:44 - La'qaatqa ñi qota'olec Qota'olec & Qota'olec Novita Na Qomyipi

⁴⁴ chaqai quiyim 'naac caỹim: Ni'chi' qami', chaqai ñavicshiguim ca huaxaỹaq, qaiyi ne'te' naua qalohi', ca' chaqaca acá'maq 'aalo lca'acse ñi qara'gaxala' ỹahotaque loua ñi llaalec ñi ña'co'.

Génesis 24:44 Iomraidhean Croise

Génesis 2:22

Ca quesó'maq nemeenec naqato' na'le ñi qara'gaxala' qota'olec, ca ỹo'ueeto' na'le aso 'óna 'aalo. Ca' ỹauega'a so ỹale.

Génesis 24:14

'Viichi' quiyim cacá'maq nequetegaxai quiyim ỹim shinapega: Qouaquiric, ñi'riñi ana nehoma'e', qaiyi ñi'chigui, ca' ca'maxare 'naac caỹim: Ajá'a, ni'chi' chaqai ñi'taxan qai'neeta yi qalohi' nauaanaxanaxa late'ellipi, ca' chaqaca acá'maq rca'acshi'i', viraque loua ñí'maq relaachiqui' Isaac, qaiyi ỹaatqajam 'chiichiguiñi nqaishin quiyim qami' nqouaquitegue ñi ña'co'.

Génesis 24:43

ca' qouaquiric nagui quiyim ñaqai seuete'e ana ni'ỹa, ca 'ue dajo quiyim aca nequetegaxai nagaxaso'ma ca huaxaỹaq, chaqai quiyim shinapega: Qouaquiric, ñaqai cocho'qui' ñi'chigui ana nehoma'e',

Génesis 24:45

Ca na' saqa' somat so ñqouagaxainaxac, ca' seuañi'chiguit añi Rebeca ỹantalec na lallaac aso nehoma 'laua. Ỹanñi aso nehoma na ỹoviraxasom cañi ni'ỹa, ca' iỹoxogui queso huaxaỹaq. Ca' shinapega: Qouaquiric, vite ỹaquip.

1 Timoteo 2:10

Chaqaidaata quiyim ỹo'uet ca ỹa'maqachiguiñi, qaiyi 'ec no'ueetaxat. Ma' chaqaida da 'neetari' aca 'aalo queetalec ñi qota'a.

Hebreos 13:2

'Neeto' lotqai 'ue ca coua'e quiyim quelolqachaqaic quecá'maq qaỹovira'a ca la'a', ma' chaqaida dá'maq chicqochigui nallaaqo' quiyim 'uo' quen na se ỹa'den quiyim ỹa'ue ca loma' la'qaañi nqai'en ca nelaatec piguim le'ec.

1 Pedro 3:8

Ca' chaqaida 'ñiitari' quiyim ne'xoriñiỹata', chaqai quiñi 'óna nqouaguegue ca liỹa. Chaqai ỹaatqajam qamiri 'xorenataxanaxaiqa quecanchaqaica qom, 'ñiita'gue ca rqaỹahi. Niñiiquishiñitecta', qaica ca napacqajan.