Génesis 24:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ta'ta'a quiyim quirepegue' yí'maq 'laua sachicqochi'ñi. Ca' nca'a'iraque acá'maq loua ñi'maxare, chigoxochiraugui ná'maq chi iuo' laseripi.

Génesis 24:4 Iomraidhean Croise

Génesis 11:25

Ca co'na' ime dajo, ca' so Nacor qaiyiita queuguilo quiyim nca'leetauec saua liỹa' ciento diecinueve ñaxari, ca' 'vio' saua liỹa' llaalqa chaqai saua liỹa' llaale.

Génesis 12:1

'Uo' so na'xa'a, ca 'naaco' ñi qara'gaxala' queso Abram: Lachi' na na'laua'e' chaqai na qauochi' laseripi chaqai na la'a' ñi qataa'i', ca' quirepegue' yí'maq 'laua sachaxanem qami' ma'le.

Génesis 12:7

Ca' quiyi, ca' ñi qara'gaxala' nachaxano' so'maxare. Ca 'naaco': Najo 'laua ná'maq saanem ma'le na qachaalaxai'pi. Co'na'le, ca' so Abram no'xonshiguim aso ncopatoxonaxalate, ca nqouagaxainot ñi qara'gaxala', ma' chaqaiyi hua'ño' co'na' qanachaxana.

Génesis 24:38

Ta'ta'a quiyim qui', quirepegue' cá'maq lauo' laseripi najo leta'a. Ca' daañiraque aca loua ñi'maxare quena 'aallipi quená'maq sachigoxougui.

Génesis 24:5

Ca só'maq lelaatec 'naaco' queso'maxare: —Qam no'm acá'maq 'aalo sqa naguegue aỹim, ¿negue' cá'maq shinta'co'? Ca' ¿ñanaque se'xat ma'le ñí'maq qachaalqui' quecá'maq 'laua chicqoira'a?

Génesis 28:1

Co'na'le, ca' so Isaac roỹaxane'oga so Jacob, ca' ỹaanem da no'uen llicyaxac, ca 'naapego': —Sqa vito' roua'e' quena 'aallipi na'ñi na Canaán.

Génesis 28:2

Mo'e', 'itegue da Padan-aram yí'maq na'ñi ca qapichi' Betuel. Ca' vite roua'e' quecaua llaale ca neteesqochi' Labán.

Hebreos 11:15

Ma' quetqai ñaq ỹa'deensapega cá'maq 'laua chicqora'ñi, ca ishit quet pilda'a.