Génesis 24:31 - La'qaatqa ñi qota'olec Qota'olec & Qota'olec Novita Na Qomyipi

³¹ Ca' 'naaco': —Ỹala'e', qami' lqouagaxat ñi qara'gaxala'. ¿Chi'negue queta' pa'a'isauec quenajo? Ma' shi'gue sa'maxatetañi yi ỹa'a' chaqai yi lomaate' naua qalohi'.

Génesis 24:31 Iomraidhean Croise

Génesis 18:3

Ca 'naaco': —Qami' ỹa'gaxala', sashiila'e' quiyim sqaua' qui'.

Génesis 19:2

Ca 'naaco': —Qamiri ỹa'gaxalate', ñaq qouaguiic quiyim via'ñi quena pe yi la'a' na relaachiguii. Ca' quiyi ma'le, ca quiỹohi' naua qapiaachiri. Ca' nete'e ma' nete'etam, ca lotqai liỹa quii quecá'maq 'iỹa'gue. Qam saua'maxare 'neraco': —'E', yí, qana'aachic. Chi selaxasqo' quena nayic quena pe.

Génesis 19:3

Qam so Lot ỹaatqajam 'xoic da lepagaxallic, vire'ta na' qarasaachiguit. Ca' qoyicpegue' ca la'a'. Ca co'na' ỹovirero, ca' so Lot ỹo'uet ca na'ic chaqai ca pan qaca aca lalequete. Ca' saua huoxoiqa qui'ỹe'.

Génesis 24:30

ma' iuane'ta aso nichicshaqate chaqai saua nouaqse' neetaguilo naua lqai'laqate' aso lqaỹa, chaqai 'qaatapego' na' ỹa'xatetac dá'maq 'naaco' na'le so ỹale. Ca' so Labán nqo'neu'a so lelaatec so Abraham, na' ñaqai hueete'e yi lahi aso ni'ỹa.

Génesis 26:29

quiyim qami' sqo 'viichi' ca se no'uen coqomi', ma' qomi' sqaica ca shinaxague caqami', chaqai se yilaxasqatapega qami' na' ca'e nqaishinaq qami' yi qana'laua, chaqai nagui ñi qara'gaxala' 'ue da lqouagaxa caqami'.

Génesis 29:13

Ca' so Labán co'na' 'xaỹaque qaỹa'xat so Jacob só'maq llaalec aso lqaỹa, ca' ne'guenta ca'guit, ca nqa'aalliguit, iquin, ca' nqo'goq, ca' ỹauego queca la'a'. Ca na' ime, ca' so Jacob ỹa'xat dá'ogue dá'maq 'neeto' na'le.

Rut 3:10

Ca' so Booz 'naaco': —¡Ñi qara'gaxala' ỹaanem qami' ma'le ca lqouagaxa! Nagui, ca' re'oq quiyim se napaquiralec repaquisa'pegue' só'maq roua'e' mashic tot qaica. Ma' qami' shichi' quiyim michiraque cá'maq paguec ne'necoqui' caỹim quiyim roua'e', 'eno'm 'xoraic loqo'm nesallaxanec, qam sqai 'ñitetegue dajo.