Génesis 24:3 - La'qaatqa ñi qota'olec Qota'olec & Qota'olec Novita Na Qomyipi

³ Ca' 'ỹaañitem ca ra'qaachiqui' ñi qara'gaxala', ñí'maq qota'olec quena piguim chaqai quena 'laua, quiyim sqai ỹaxanegue ñi ỹaalec Isaac ỹa'ue aca loua na'ñi najo 'laua Canaán.

Génesis 24:3 Iomraidhean Croise

Génesis 14:19

Ime, ca' ỹaanem da no'uen llicyaxac so Abram, 'naaco': Ỹaanem qami' ca no'uen qayicyaxaqui' ñí'maq qaica 'nejem qota'olec, lo'ueenatec na piguim chaqai na 'laua;

Génesis 14:22

Qam so Abram 'naaco': —Ỹaatqajam saanot da ỹa'qaatec ñi ỹa'gaxala' ñí'maq qaica 'nejem qota'olec, lo'ueenatec na 'laua chaqai na piguim,

Génesis 21:23

Vichiguiño' nagui saanqot da qara'qaatec ñi qota'olec quena seuqate'e quiyim sqo 'viichi' ca se ỹa'maxañi caỹim, chaqai quena ỹaalqaipi, chaqai na iuaripi. 'Ỹaañirec nagui ca ra'qaachiqui' quiyim 'maxachiteteguelo qomi', 'ñitetegue dá'maq qara'maqataxanaxac caqami', chaqai quiyim chaqaida 'ñitetegue ná'ogue na qomyipi quená'maq 'laua ñi'sa'ñi nagui.

Génesis 24:7

Ñí'maq qara'gaxala', ñí'maq qota'olec quena piguim, ñí'maq naqata'a na'le aỹim quiyi la'a' ca ita'a chaqai quiyi na'laua ca iuo' laseripi na' ỹachaxañim najo 'laua quiyim nañan quiyim la'a' nqai'en na ỹaalqaipi, ca' qai'neeta ila' ca lelaatec piguim le'ec, 'aueta nqai'en caqami', qaiyi ne'xachi' chigoxochira'quera aca loua ñi ỹaalec.

Génesis 27:46

Co'na' ime, ca' aso Rebeca 'naaco' queso Isaac: —Mashic tot yalo'guit da shinta sauaxate' nauajo hitita lase quenauá'maq o'ñiguita ñi Esaú. Ca no'm ñi Jacob 'ue aca loua quena hitita lasellipi 'neete'm yauajo quená'maq na'ñi najo Canaán, ca' paguec la'maxa quiyim yileu.

Génesis 28:1

Co'na'le, ca' so Isaac roỹaxane'oga so Jacob, ca' ỹaanem da no'uen llicyaxac, ca 'naapego': —Sqa vito' roua'e' quena 'aallipi na'ñi na Canaán.

Génesis 28:8

Ca quedo' na'le, ca' so Esaú ỹa'deene' saua leta'al se nqo'deta ana 'aalo na'ñi yi Canaán.

Génesis 34:9

Ca' qaiyi qomi' neuo' lase', qaiyi seshitaq so'naxaguit na qachaalli'ipi chaqai qamiri shichii o'ñiiguit na qochaallipi.

Génesis 38:2

Hua'ño'yi, na' iuana aso llaale so ỹale Canaán le'ec leenaxat Súa, ca louo' na'le. Ca co'na' mashic loua,

Génesis 47:31

Ca' so leta'a Israel liỹo' pilalec da la'qaatec, 'naaco': —¡'Ỹaañirec, 'taxachiriñi ca ra'qaachiqui'! Ca' so José ỹaanot da la'qaatec ñi qota'olec. Co'na'le, ca' so Israel nanaqachiguiñi nqai'en na lqahic quena lo'xaiqa' so lomala'.

Génesis 50:25

Co'na'le, ca ỹo'uet quiyim so llaalqaipi so Israel ỹaanot da la'qaatec ñi qota'olec. Ca 'naaco' quesaua'maxare: —Ỹaatqajam llic ñi qota'olec rotauañii ma'le. Ca ma' ỹovirelec ipaquichigui dajo, ca 'xachii'o' ma'le na ipi'naqa.

Génesis 6:2

Ca' so llaalqaipi ñi qota'olec ỹa'ajanac quiyim lo'yaxanaipi so 'aallipi. Ca' nca'agui sá'ogue, ca' icona quiyim loua acá'maq nqo'ta.

Génesis 6:4

Na qomyipi ladocaqaipi qai'neeta re'oq na'le quena 'laua na' so llaalqaipi ñi qota'olec viguit na llaallipi na qomyipi quiyim 'ue ca llaalec cana'maxare. Ca co'na' ime, ca' chaqaiso só'maq choxoraic 'ñaaxaiquipi queso 'auaxaic qomyipi.

2 Reyes 19:15

Ca' nqouagaxain, 'naacsa': —Qami' ỹa'gaxala', qami' qota'olec quena Israel, ca nqa'xanqachi' hueeto'oto naua 'vii laua'. Chaqaqamite' 'viiquiñi'sac ná'ogue ná'maq hueetalec na 'laua, qami' ro'ueenachiqui' na piguim chaqai na 'laua.

Esdras 5:11

Qam yí'maq qomyipi 'naac quiyim nqouagaxaintacot cá'maq qota'olec lo'ueenatec na piguim chaqai na 'laua, chaqai liỹa no'xonshiguim añi no'ueenaxanaxaqui ñí'maq shi'co' no'xonshiguim na'le so 'ñaaxaic nashi quiyi Israel.

Éxodo 20:7

'Neeto' chaqai 'ñiỹa'gue quiyim 'xachii da ỹeenaxat ỹim ra'gaxalari qota'olec, ma' ỹim sqaica ma' sqaica quet ca nouaxanaxaset nqaishin cá'maq chaqai 'na'gue da ỹeenaxat.

Éxodo 23:13

Ca' pacqajñichigui dá'ogue dá'maq shinac caqamiri, chaqai quiyim sqaica ma' 'ue quet ca qara'xaỹa caqamiri ca leenaxat ca liỹa nashiilec.

Isaías 45:23

Ỹim, chaqaỹim saanec na'le da ỹa'qaatec, 'ue na'le da sachaxantac ỹauegaxanaxac, ca' dajo sachaxantac ipaquichigui ma'le: ca quecá'maq seloqota'ñi ná'ogue ỹa'chi'iñi ma'le naua le'cootal, ca ná'ogue ỹaanec da la'qaatec ma'le quiyim ỹaqamqata,

Isaías 65:16

Ñi qara'gaxala' qota'olec 'naac: Canchaqaica 'ue ca rashiilaxanaque quiyim qano'ueenaxat ca llicyaxac quenajo 'laua, ca' yashiila, ỹim qamaxaraic qota'olec; chaqai canchaqaica quenajo 'laua ỹaanec ca la'qaatec quiyim nallitalta', ca ỹaañiỹot ca la'qaatec, ỹim qamaxaraic qota'olec. Sauá'maq 'auaxaiqa ne'xoyaxaco mashic qaicoua'ahi, ma' pale', tot seuanalo.

Jeremías 29:6

O'ñiiỹata', 'viichii ca qachaalguii chaqai aca qachaallii chaqai ca'maxare qai'neeta 'on, ca' 'ue ca llaalec. Nqo'naxachiuec ca no'ueenataxaguii, totaxan nqo'naxachiỹata'.

Levítico 19:12

'Neeto' 'viichi' ca 'ñirac quiichigui nqai'ñi' da ỹeenaxat, qam sqai pacqajñirigui. Ma' 'ec hualaxaiñirari' da ỹeenaxat. Ỹim qota'olec caqami', ỹim ná'maq ỹim na'gaxala'.

1 Corintios 7:39

Aca 'aalo mashic 'on se ishit qaỹosogoñi da lo'naxac no'm ñaq nca'leetauec ca loua. Qam no'm ileu ca loua, ca aca'maxare ỹaatqajam no'uene'tegue quiyim o'ñiguit cá'maq nqo'ta. Qam no'm mashic icoñiguit da na'qaatec 'nejem aca'maxare.

Deuteronomio 6:13

Nqouagaxaiñitacot ñi na'gaxala' qota'olec caqamiri, qaiñiita 'ueenataxañitacot. Ca quiyim ỹovirelec quiyim 'ỹaañiuec ca ra'qaachiguii pacqajñichigui, qam quiichigui nqai'ñii da leenaxat ñi qara'gaxala'.

Hebreos 6:16

Na qomyipi quena' i'taxajñi da la'qaatec, ca' 'ue na ỹiguelec quená'maq paguec lecaic quena'maxare. Chaqai no'm ỹaanec ca la'qaatec, ca' qai'taxajñi ca qaipacqajanchigui. Ca' qaica quet cá'maq liỹa qaỹa'xat.

Josué 2:12

Vichiguiño' sashiilahi quiyim nallichiỹalta' quiñi ra'gaxalari quiyim 'maxachii'tegue aỹim chaqai na iuo' laseripi pacqajñichigui dá'maq shi'nteguelo qamiri. Vii ca itanec quiyim 'chiichiguiñi nqai'ñii dajo,

1 Samuel 20:17

Ca' so Jonatán, ma' se neme da lauochaxa queso David, ca' lotqai liỹa ỹaanec da la'qaatec quiyim chalego da lqo'iichi, 'ec nqai'en quiyim chi nauotalta'.