Génesis 24:27 - La'qaatqa ñi qota'olec Qota'olec & Qota'olec Novita Na Qomyipi

²⁷ 'Naaco' so'maxare: —¡Ỹaatqajam qaimaqachin ma'le ñi qara'gaxala', ñí'maq qota'olec quiñi ña'co' Abraham! Ma' se napacalec ca la'qaatec chaqai ỹaatqajam lqouagaxat ñi ña'co'. Ca yachaxanchi'nquio' na nayic natenta'a na la'a' na lauo' laseripi ñi ña'co'.

Génesis 24:27 Iomraidhean Croise

Génesis 13:8

Ca' 'uo' so na'xa'a, ca' so Abram 'naaco' queso Lot: —Qomi' neuo' lase'. Ca' se ỹa'maxañi quiyim 'ue quet ca se ỹa'maxañi coqomi', chaqai quenaua relaataxahi' chaqai quenaua ilaatqa.

Génesis 14:20

chaqai ỹaatqajam qaimaqachin ñí'maq qaica 'nejem qota'olec, ñí'maq ỹo'uet quiyim qadoxonqui' so npa'guenaxaua'e'. Ca' so Abram ỹaanem so Melquisedec quesá'ogue so louootaxanaxat naqata'a añi 'oono'lli' quecaua diez.

Génesis 24:12

Co'na'le, ca' nqouagaxain, 'naaco': —Qami' ỹa'gaxala' ma' qami' qota'olec quiñi ña'co' Abraham, no'ueenaxachi' ca ỹicyaxac, choxochite' ca rqouagaxa'e' quiñi ña'co'.

Génesis 24:21

Ca' so nelaatec chi ỹa'ajantac, qam qaica ca 'naac, ma' ỹahotaque ỹa'den quiyim chaqaiñi ñi qara'gaxala' ñi no'ueenaxat ca llicyaxac so'maxare.

Génesis 24:4

Ta'ta'a quiyim quirepegue' yí'maq 'laua sachicqochi'ñi. Ca' nca'a'iraque acá'maq loua ñi'maxare, chigoxochiraugui ná'maq chi iuo' laseripi.

Génesis 24:42

Ca' chaqaida 'neeta na' soviraxasom cañi ni'ỹa na' ñqouagaxaintac, ca' shinac quiñi qara'gaxala', ñí'maq qota'olec quiñi ña'co' Abraham: No'm llic quiyim no'ueenaxat ca ỹicyaxac quena ñanaigue,

Génesis 24:48

Ca na' ime, ca sa'chi'iñi naua i'cootal quiñi qara'gaxala', ca' ñqouagaxainot ñi qota'olec quiñi ña'co' Abraham, ca' semaqachintac. Ma' ỹaatqajam yachaxanchi'nquio' ná'maq nayic, qaiyi secona añi llaale ca lauo' le'ec ca ña'co', qaiyi loua ca llaalec.

Génesis 32:10

Ỹaatqajam sqa saiguit quet quiyim 'ue quet ca rqouagaxa'e' caỹim, chaqai quiyim paquiterelgoto naua ra'qaataxahi' quedá'maq 'ñi'sa'gue aỹim. Ma' ỹim na' ñapacta najo lachiugue leenaxat Jordán, qaica ca liỹa i'ỹaac, qanaata ana ỹashilete. Qam nagui sovirqata'a quiyim dos naua qalapooqote'.

Génesis 32:11

¡Ñaq qouaquiric, yca'laxachirec queca ỹaqaỹa Esaú, qaiyi se youaxan! Paguec da iqolonaxa quiyim anac, ca nalauachiñi naua 'aalo chaqai na llaalqaipioqui' chaqai quiyim yoqocac.

Génesis 9:26

Ca na' ime, ca 'naaco' qai'neeta: Ñi ỹa'gaxala' qota'olec no'ueenaxat ca llicyaxac da Sem, ca' da Canaán, ca' chi la'ac.

2 Samuel 18:28

Ca co'na' nqo'neuo so Ahimaas, ca' ỹa'dooto naua le'cootal so nashi, ca' iquin, 'naaco': —Ỹaatqajam semaqachinaq ñi qara'gaxala' ñí'maq qota'olec caqami' qarashi, ma' ñi'maxare naqata'a ná'maq npa'guenaxaua'e'ipi.

Salmos 100:5

Ma' huagaxaraic ñi qara'gaxala'; se neme da le'xorenataxanaxa, chaqai qaica lqodoc quiyim ipaquichiguilo naua la'qaatqa.

Salmos 98:3

ỹaatqajam se coua'e da le'xorenataxanaxa chaqai da laqamaxa quena llaalqaipi so Israel. ¡Qaiuana quenaua'que naua lahil na 'laua quiyim rauegaxan ñi qota'olec coqomi'!

Éxodo 2:11

Ca co'na' mashic sham qo'xoic so Moisés, ca 'uo' so na'xa'a eec, ra'piichiu'ga so lqaỹaripi chi lauo' laseripi. Ca retano' quiyim chalego lquesaxanaxa da lo'ueenataxanaxac. Co'na'le, ca iuane'to' so Egipto le'ec ỹouaxantac so chi lauo' le'ec hebreo le'ec.

Éxodo 2:13

Ca' queso liỹa nete'e, ca lotqai liỹa taauec. Ca iuane'talo' saua dos hebreo lase' nco'uaatecta'. Co'na'le, ca inato' só'maq ỹouaxantac so liỹa: —¿Chi'negue ma' huaxañi'sac dá'maq ralamaxarichi' qauochi' le'ec?

Éxodo 34:6

Ca co'na' que'tot so Moisés, ca 'uo' da 'naac, qam netenegue da la'qaatec: —¡Na na'gaxala'! ¡Na na'gaxala'! ¡Na'maxare qota'olec sotaxaraic chaqai 'xorenataxanaxaic, hualaxauaic, chaqai ỹaatqajam chalego lecaic da lqouagaxa quena qomyipi, chaqai ipacqajanchiguilo naua la'qaatqa quena' 'ue da 'naac! (34.7-27 Ñi qota'olec liỹa nadalaxashiguim da na'maqataxac)

Lucas 1:68

Ỹaatqajam qaỹo'uen ma'le ñi qara'gaxala' ñí'maq lashiilec na Israel laseripi, ma' ñi'maxare novitalo qomi' quiyim qarca'laxatec, ma' mashic qomi' lalamqateripi.

Juan 1:17

Na nelaataxanaxaquipi na' qoỹaanec chicqochigui nqohin so Moisés, qam da nqo'iichi chaqai da lliqueta chicqochirigui so Jesucristo.

Efesios 1:3

Semaqachinqatac ñi qota'a ñí'maq leta'a so qara'gaxala' Jesucristo, ma' mashic ña'daqatau'a so Cristo, ca' ñi'maxare ỹaanema qomi' ná'ogue ná'maq lqouagaxanaxat chicqo'ot nqai'en na piguim.

1 Timoteo 1:17

Ca vichiguiño' se neme quiyim semaqachinaq ñi qota'olec ñí'maq qarashi qaica lqodoc, ñí'maq tot ileu, chaqai se qaiuana, chaqai qaica 'nejem, chaqai 'deenaxanqachaqaic. Ajá'a, ca' chaqaida 'neeta dajo.

Rut 4:14

Ca' na 'aallipi 'naaco' quen caso Noemí: —¡Ỹaatqajam qaimaqachin ma'le ñi qara'gaxala' ñí'maq ỹo'uet quiyim 'ue nagui na qaualli', qaiyi reloqota'a qami' ma'le! ¡Saxanchi' na qaualli' choxoraic ma'le quena Israel llaalqaipi!

1 Samuel 25:32

Ca' so David 'naaco' caso'maxare: —Ỹaatqajam 'maqataxanaxai ñi qara'gaxala' ñí'maq qota'olec quena Israel, ma' relachi'o' quiyim ñatena'guit qami'.

1 Samuel 25:39

Ca co'na' so David 'uo' da la'xaỹaxac quiyim ileu so Nabal, ca 'naaco': —¡Ỹaatqajam 'xorenataxanaxai ñi qara'gaxala', ma' ỹa'ue ỹovi' quedá'maq 'ne'tegue aỹim na'le so Nabal! ¡Ma' ñi'maxare yquepaxat quiyim so'uet ca se no'uen, ca' chaqai tajlec nqai'en so Nabal dá'maq ỹo'ueetetac se no'uen! Ime, ca' so David ilata da la'qaatec aso Abigail quiyim ỹahotaque loua.