Génesis 24:21 - La'qaatqa ñi qota'olec Qota'olec & Qota'olec Novita Na Qomyipi

²¹ Ca' so nelaatec chi ỹa'ajantac, qam qaica ca 'naac, ma' ỹahotaque ỹa'den quiyim chaqaiñi ñi qara'gaxala' ñi no'ueenaxat ca llicyaxac so'maxare.

Génesis 24:21 Iomraidhean Croise

Génesis 24:12

Co'na'le, ca' nqouagaxain, 'naaco': —Qami' ỹa'gaxala' ma' qami' qota'olec quiñi ña'co' Abraham, no'ueenaxachi' ca ỹicyaxac, choxochite' ca rqouagaxa'e' quiñi ña'co'.

Génesis 24:20

Ca chaqa'ma' co'taxachigui aso nehoma, ỹocoriñigui ca ne'taxanataxanaxaqui, chaqai netalochaxanta piltaxasom caso ni'ỹa, vire'ta na' neme laquip sá'ogue so neloipi.

Génesis 24:27

'Naaco' so'maxare: —¡Ỹaatqajam qaimaqachin ma'le ñi qara'gaxala', ñí'maq qota'olec quiñi ña'co' Abraham! Ma' se napacalec ca la'qaatec chaqai ỹaatqajam lqouagaxat ñi ña'co'. Ca yachaxanchi'nquio' na nayic natenta'a na la'a' na lauo' laseripi ñi ña'co'.

Génesis 24:56

Qam so nelaatec 'naaco' quesaua'maxare: —'E', se yolliỹañi, ma' ñi qota'olec mashic no'ueenaxat da ỹicyaxac. Ca vichiguiño' yayaxañiuec, ñaq sopil queca la'a' ca ña'co'.

Salmos 107:1

'Ỹaañiỹot da na'aachicyaxaguii ñi qara'gaxala' qota'olec, ma' ñi'maxare huagaxaraic, chaqai qaica lqodoc da le'xorenataxanaxa.

Salmos 107:15

'Ỹaañiỹot da na'aachicyaxaguii ñi qara'gaxala' queda le'xorenataxanaxa, ¡quedá'maq lqouagaxa taalec nqai'en na qomyipi!

Salmos 107:43

Ca cá'maq 'ue ca naqajñi na'deenec, ca se couaataque dajo sa'xatetac, ca ỹa'den da le'xorenataxanaxa ñi qara'gaxala'.

Salmos 107:8

'Ỹaañiỹot ca na'aachicyaxaguii ñi qara'gaxala' queda le'xorenataxanaxa, ¡quedá'maq lqouagaxa taalec nqai'en na qomyipi!

Lucas 2:19

Qam aso María ỹa'maxat cañi le'taxanata dá'ogue dajo, chaqai ỹaatqajam naloqochintac da'maxare.

Lucas 2:51

Hua'ñiyi, ca pil so'maxare, queuguilo saua leta'al, taategue da Nazaret. Ca' so'maxare queetalec quiyim na'xaỹaxane'talo saua leta'al. Qam aso late'e ỹaatqajam ỹa'maxat cañi le'taxanata dá'ogue dajo.