Génesis 24:2 - La'qaatqa ñi qota'olec Qota'olec & Qota'olec Novita Na Qomyipi

² Ca 'uo' so na'xa'a, ca roỹaxano' só'maq paguec qo'xoic queso lelaatqaipi, só'maq reloqota'a ná'ogue na lalamaxareteripi. Ca 'naaco' queso'maxare: —Lli'ro'ot na rqai'laxachi' na ỹoteleta'.

Génesis 24:2 Iomraidhean Croise

Génesis 15:2

Qam so Abram 'naaco': —Qami' ỹa'gaxala' qota'olec, ¿negue' quet cá'maq 'negue quiyim vite ca ñishiue'? Ma' qami' 'yiiñite' quiyim qaica ca ỹaalec. Ma' qaica ca nañaañi' ỹaalec, ca ñí'maq taalec ma'le cá'ogue ca isallaxa, ca' chaqaiñiita ñi Eliezer ñí'maq ỹaaqainatec Damasco le'ec.

Génesis 24:34

Ca' so nelaatec 'naaco': —Ỹim lelaatec ca Abraham.

Génesis 24:37

Ñi ña'co' ỹo'uet quiyim saanec da ỹa'qaatec ñallitalta'. Ca 'naapiguiỹa': Sqai 'xañitegue quiyim ñi ỹaalec ỹa'ue aca loua quena 'laua Canaán ná'maq senta'ñi nagui.

Génesis 44:1

Co'na' ime dajo, ca' so José 'naapega so neloxoỹaq quiyi la'a': —Ỹoqoiriguilo naua lloxoqui' nauajo ỹale' quecá'ogue cá'maq trigo ishite' i'xate', chaqai aca lame' lli'rañiguilo naua laapi' naua lloxoqui'.

Génesis 47:29

Ca 'uo' so na'xa'a so Israel nauata'guito' quiyim tot qaỹaloq ileu. Ca roỹaxane'oga so llaalec José, ma' ỹahotaque 'naapega: —No'm llic vi'saque qouaquiric, ca' shichitot na rqai'laxachi' na ỹoteleta'. Ca 'ỹaañitot ca ra'qaachiqui' ñi qota'olec, quiyim shichi' 'viichi' cá'maq sashiilaxanaque. ¡Qouaquiric, se yishiñiriño' ma'le quena Egipto!

Génesis 47:31

Ca' so leta'a Israel liỹo' pilalec da la'qaatec, 'naaco': —¡'Ỹaañirec, 'taxachiriñi ca ra'qaachiqui'! Ca' so José ỹaanot da la'qaatec ñi qota'olec. Co'na'le, ca' so Israel nanaqachiguiñi nqai'en na lqahic quena lo'xaiqa' so lomala'.

2 Samuel 12:17

Ca' so qo'xoiquipi quesó'maq neetaugui so 'imec lodegaxat, quepegue' quiyim ne'xoresene'tot quiyim ne'laxashiguim quiyi 'laua, qam so'maxare se na'xaỹaxan chaqai se lqui'ỹaxaua na'le so qomyipi.

1 Timoteo 5:17

Ná'maq na'gaxalateripi quiyim ỹa'den da lcochaxac quená'maq mashic icoñiguit da na'qaatec, ca'maxare ỹaatqajam qaỹauotegue chaqai qaỹotauan, pagueco' no'm quelec quiyim ỹa'xate' naua la'qaatqa ñi qota'a chaqai rapaxaguinataxanguelo.

Rut 2:6

Ca' so lashi so naqataxanyipi 'naaco': —Chicqa'gue da Moab. Ada'maxare nauegaxaua na'le aca Noemí.