Génesis 24:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca co'na' saqa' ỹomat da nqouagaxainaxac, ca iuañi'chiguit aso nequetegaxai ỹantalec na lallaac aso nehoma 'laua. Chaqaso' aso Rebeca, llaale so Betuel, ca' so Betuel llaalegue' saua Milca chaqai so Nacor, só'maq lqaỹa so Abraham.

Génesis 24:15 Iomraidhean Croise

Génesis 11:27

Ca' 'ena na llaalqaipi so Taré só'maq leta'a so Abram, Nacor chaqai so Harán. Ca' so Harán chaqaiso' so leta'a so Lot.

Génesis 11:29

Ca' so Abram o'ñiguit aso Sarai, ca' so Nacor o'ñiguit aso llaale so Harán leenaxat Milca, lqaỹa aso Isca.

Génesis 21:14

Ca' queso liỹa na'xa'a na' ñaq nete'etam, ca' so Abraham ỹaanem so pan aso Agar chaqai aso liỹoxoso no'qaatagui queso huaxaỹaq. Ca' illaalgoto naua lallaaco chaqai ỹaanem so llaalec Ismael. Ca' ỹo'daauec aso'maxare. Ca' eec aso'maxare, se ỹa'den ca taigue. Ca' chi namaqategueri' quiyi 'laua qaica qom quiyi 'laua Beerseba.

Génesis 24:14

'Viichi' quiyim cacá'maq nequetegaxai quiyim ỹim shinapega: Qouaquiric, ñi'riñi ana nehoma'e', qaiyi ñi'chigui, ca' ca'maxare 'naac caỹim: Ajá'a, ni'chi' chaqai ñi'taxan qai'neeta yi qalohi' nauaanaxanaxa late'ellipi, ca' chaqaca acá'maq rca'acshi'i', viraque loua ñí'maq relaachiqui' Isaac, qaiyi ỹaatqajam 'chiichiguiñi nqaishin quiyim qami' nqouaquitegue ñi ña'co'.

Génesis 24:24

Ca so'maxare 'naaco': —Ỹim llaale ñi Betuel, llaalec aca Milca chaqai ca Nacor.

Génesis 24:45

Ca na' saqa' somat so ñqouagaxainaxac, ca' seuañi'chiguit añi Rebeca ỹantalec na lallaac aso nehoma 'laua. Ỹanñi aso nehoma na ỹoviraxasom cañi ni'ỹa, ca' iỹoxogui queso huaxaỹaq. Ca' shinapega: Qouaquiric, vite ỹaquip.

Génesis 25:20

So Isaac ỹovito'o' saua cuarenta ñaxari co'na' o'ñiguit aso Rebeca só'maq llaale so Betuel chaqai lqaỹa so Labán, sauá'maq arameo nera'ñi yi Padan-aram.

Génesis 29:5

Ca lotqai liỹo' renataxan, 'naaco': —¿Tegue' chaqai huañiỹapega ca leenaxat Labán, llaalec ca Nacor? —Ajá'a, qareuanatec —'neraco' saua'maxare.

Génesis 29:9

Ca co'na' so Jacob ñaq retaqata'pegueto saua'maxare, ca' aso Raquel noviraxataxasom so qagretaipi laloipi so leta'a, ma' aso'maxare neloxoỹaxa.

Éxodo 2:16

Ca' so letaxaỹaxanqajnec só'maq na'ñi yi Madián quiyim retaxaỹa'pegue' na nenatqaipi, so'maxare 'vio' saua siete llaale. Ca' queso na'xa'a, ca saua'maxare querepegue' aca ni'ỹa, ỹahosaque naviquishiguim na huaxaỹaq, ca ne'taxane' aso lalo qagreta so leta'a'.

Proverbios 31:27

Ỹaatqajam ỹa'ajanta dá'maq 'neetari' ca la'a', chaqai se ỹa'ic cá'maq se laseue' cá'maq lo'ueenataxanaxac.

Isaías 58:9

Ca noma' ỹaxañiraque aỹim, ca' ỹim sasaachiguit qami'; chaqai no'm raualqe' ỹaxañisaque ca notaanaxaqui', ca' ỹim shinac ma'le: Aỹim seuete'e najo. No'm na'laañi nqai'ñi' ná'ogue na npataxasoxonaxac, no'm sqai quira'a ca liỹa chaqai se na'majñirelec,

Isaías 65:24

Ma' saqa' roỹaxanot aỹim quiyim yashiila, qa' shi'gue sasaachiguit ma'le; chaqai saqa' ime ca la'qaatec, qa' mashic ña'xaỹaxana.

Rut 2:17

Ca' aso Rut re'palaxan cana la quiyi lanaxanqa' so Booz, chi ỹovireta'a quiyim pe. Ca' so le'palec aso'maxare, co'na' qanasoolañi, paguelec veinte kilo aso cebada.

Rut 2:2

'Uo' so na'xa'a, ca' aso Rut 'naaco' caso Noemí: —'Maxariñite' quiyim se'palaxanec, sha'apiguito' quiyim 'ue cá'maq mashic raqataxan ỹa'maxarenta quiyim chi sco'uaataxanta, ñi'palatac ana ni'ỹoqote la na nanecsec. Ca' aso ni'ỹoqoro 'naaco': —Ajá'a, mo'e', ỹaalole.

1 Samuel 9:11

Ca co'na' mashic que', taasashi'ma ca na'ñi so na'a', ca 'uo' so natenda'guit nequetegaxaipi idaanaque huaxaỹaq. Ca inate'o' so 'aallipi, 'neraco': —¿Peeta'a chaqaino' najo hua'ñi quiyim ñauanaxa'e' cá'maq ra'ỹaauec nanchaqaina?