Génesis 24:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ 'Viichi' quiyim cacá'maq nequetegaxai quiyim ỹim shinapega: Qouaquiric, ñi'riñi ana nehoma'e', qaiyi ñi'chigui, ca' ca'maxare 'naac caỹim: Ajá'a, ni'chi' chaqai ñi'taxan qai'neeta yi qalohi' nauaanaxanaxa late'ellipi, ca' chaqaca acá'maq rca'acshi'i', viraque loua ñí'maq relaachiqui' Isaac, qaiyi ỹaatqajam 'chiichiguiñi nqaishin quiyim qami' nqouaquitegue ñi ña'co'.

Génesis 24:14 Iomraidhean Croise

Génesis 15:8

Ca 'naaco' so Abram: —Qami' ỹa'gaxala' qota'olec, ¿nega'ỹo' cá'maq 'neeta quiyim ỹaatqajam sa'den quiyim nañaañirim najo 'laua?

Génesis 24:13

Ca' ỹim seu'e nagui quenajo lahi ana ni'ỹa quiyim ñaqai naquetapegaxaso'ma na huaxaỹaq na nequetegaxaipi la'a' najo 'laua.

Génesis 24:15

Ca co'na' saqa' ỹomat da nqouagaxainaxac, ca iuañi'chiguit aso nequetegaxai ỹantalec na lallaac aso nehoma 'laua. Chaqaso' aso Rebeca, llaale so Betuel, ca' so Betuel llaalegue' saua Milca chaqai so Nacor, só'maq lqaỹa so Abraham.

Génesis 24:18

—Ajá'a, ni'chi', qami' ỹa'gaxala' —'naaco' aso'maxare. Ca chaqa'ma' ỹanñi aso nehoma, nanoretashiguim, ca ne'taxan so'maxare.

Génesis 24:19

Ca co'na' so nelaatec neme so laquip, ca 'naaco' aso Rebeca: —Qai'neeta ñaqajshiguim ca laquip naua qalohi', qaiyi nemeeta ca laquip ná'ogue.

Génesis 24:43

ca' qouaquiric nagui quiyim ñaqai seuete'e ana ni'ỹa, ca 'ue dajo quiyim aca nequetegaxai nagaxaso'ma ca huaxaỹaq, chaqai quiyim shinapega: Qouaquiric, ñaqai cocho'qui' ñi'chigui ana nehoma'e',

Génesis 24:44

chaqai quiyim 'naac caỹim: Ni'chi' qami', chaqai ñavicshiguim ca huaxaỹaq, qaiyi ne'te' naua qalohi', ca' chaqaca acá'maq 'aalo lca'acse ñi qara'gaxala' ỹahotaque loua ñi llaalec ñi ña'co'.

Isaías 7:11

—Shiila'e' ñi qara'gaxala' qota'olec quiyim ỹo'uet ca se qaiuanapega, qaiyi ca' chi retanqui', no'm pa'aañi quena lauajñi na 'laua, loqo'm pa'aashiguim quena piguim.

Romanos 1:10

Ca' se yime quiyim sashiilatac ñi qota'a, sha'apiguito' quiyim 'ue ca na'xa'a, ca' seshit quiyim sovitalo qamiri.

Jueces 6:17

Co'na'le, ca 'naaco' so Gedeón: —Ca no'm chaqaida da re'xorenataxanaxa'e' caỹim, ca 'maxaraic quiyim vite ca itanec quiyim ỹaatqajam qami' qara'gaxala' ná'maq taqaisa'pegue' aỹim.

Jueces 6:37

ca' ỹim sella'ñi na hua'ñi quena' qano'ueenaxategue ana la na trigo ca qagreta loshicmaxa. Ca ma' nete'e ma' nete'eta, ca' ỹaatqajam pi'guiloxolta nqai'ñi' cana 'ỹa', qam ná'ogue na 'laua rashivita, qaiyi sa'den quiyim ỹaatqajam yoviñi' quiyim ñca'laxatec na Israel llaalqaipi, ma' chaqai 'ñirac.

1 Samuel 20:7

Ca no'm 'naac ỹa'maqachiguiñi, ca' qaica ca huapigui na iuel ma'le. Qam no'm ro'o, ca 'yiiñi' quiyim ỹahotaque se no'uen ca ỹo'uet caỹim.