Génesis 24:12 - La'qaatqa ñi qota'olec Qota'olec & Qota'olec Novita Na Qomyipi

¹² Co'na'le, ca' nqouagaxain, 'naaco': —Qami' ỹa'gaxala' ma' qami' qota'olec quiñi ña'co' Abraham, no'ueenaxachi' ca ỹicyaxac, choxochite' ca rqouagaxa'e' quiñi ña'co'.

Génesis 24:12 Iomraidhean Croise

Génesis 15:1

Ca co'na' ime dajo, ca' ñi qara'gaxala' retaxaỹa'pegue' so Abram, viichigui nqai'en so leuanaxanaxac. Ca 'naaco': —Qaica ro'chi'raque, Abram, ma' ỹim squepaqataxanteguelec qami'. Ỹaatqajam 'xoic lecaic ma'le aca nishivichi'i'.

Génesis 24:21

Ca' so nelaatec chi ỹa'ajantac, qam qaica ca 'naac, ma' ỹahotaque ỹa'den quiyim chaqaiñi ñi qara'gaxala' ñi no'ueenaxat ca llicyaxac so'maxare.

Génesis 24:27

'Naaco' so'maxare: —¡Ỹaatqajam qaimaqachin ma'le ñi qara'gaxala', ñí'maq qota'olec quiñi ña'co' Abraham! Ma' se napacalec ca la'qaatec chaqai ỹaatqajam lqouagaxat ñi ña'co'. Ca yachaxanchi'nquio' na nayic natenta'a na la'a' na lauo' laseripi ñi ña'co'.

Génesis 24:42

Ca' chaqaida 'neeta na' soviraxasom cañi ni'ỹa na' ñqouagaxaintac, ca' shinac quiñi qara'gaxala', ñí'maq qota'olec quiñi ña'co' Abraham: No'm llic quiyim no'ueenaxat ca ỹicyaxac quena ñanaigue,

Génesis 24:48

Ca na' ime, ca sa'chi'iñi naua i'cootal quiñi qara'gaxala', ca' ñqouagaxainot ñi qota'olec quiñi ña'co' Abraham, ca' semaqachintac. Ma' ỹaatqajam yachaxanchi'nquio' ná'maq nayic, qaiyi secona añi llaale ca lauo' le'ec ca ña'co', qaiyi loua ca llaalec.

Génesis 26:24

Ca' queso pe, ca qanachaxana so'maxare quiñi qara'gaxala'. Ca 'naaco': Ỹim ná'maq ỹim qota'olec queso qataa'i' Abraham. Qaica ro'chiraque; ma' qami' iỹaatac. Ma' chicqochigui nqaishin so ilaatec Abraham, ca 'xoic da iqouagaxa ma'le caqami', chaqai 'xoic nqaishin ca qachaalaxai'pi.

Génesis 27:10

Ca qami' do'ira'a ma'le quiyim ỹa'ic, qaiyi ỹaañiraxarom ma'le da lqouagaxa, tomaq saqa' ileu.

Génesis 27:20

Co'na'le, ca' qainat queso Isaac: —¿Negue' cá'maq 'neeto' ma' sqaỹalqo' naqachiriñi na'maxare, ỹaalcolec? —Ñi qara'gaxala' ñí'maq qota'olec caqami' yotauan quiyim sqaỹaloq sanata —'naaco' so Jacob.

Génesis 28:13

Qai'neeta iuano' ñi qara'gaxala' nachaatetañi reloqotalec so'maxare. Ca 'naaco' quen: —Ỹim ná'maq ỹim na'gaxala', ỹim qota'olec queso qapichi' Abraham, chaqai so qataa'i' Isaac. Qami' chaqai na qachaalaxai'pi saanem ma'le najo 'laua ná'maq vi'sa'ñi.

Génesis 31:42

Quetqai sqai sento'oto' ñi qota'olec queca Abraham, ñi qota'olec ñí'maq nqouagaxaintacot ñi ita'a Isaac, ca' peeta'a sqaca quet aca nañaañi' queta' yilachirec. Qam ñi qota'olec iuana da ỹachicoxo chaqai dá'maq ñigui da ỹo'ueenataxanaxac. Ca' squepe, ca retaxaỹa'a qami'.

Génesis 32:10

Ỹaatqajam sqa saiguit quet quiyim 'ue quet ca rqouagaxa'e' caỹim, chaqai quiyim paquiterelgoto naua ra'qaataxahi' quedá'maq 'ñi'sa'gue aỹim. Ma' ỹim na' ñapacta najo lachiugue leenaxat Jordán, qaica ca liỹa i'ỹaac, qanaata ana ỹashilete. Qam nagui sovirqata'a quiyim dos naua qalapooqote'.

Génesis 32:9

Ca na' ime, ca' nqouagaxain, 'naaco': —Qami' ỹa'gaxala', qami' qota'olec queso ỹapi' Abraham chaqai ca ita'a Isaac, ma' 'ñirapiguiỹa' quiyim yapila na ña'laua chaqai na iuo' laseripi, chaqai quiyim 'ñirac no'ueenaxachi' ca ỹicyaxac.

Génesis 43:14

Ca' ñi qota'olec ñí'maq sqaica lqalanec ỹo'uet quiyim qare'xoriñii ma'le, qaiyi qaỹosouec ca liỹa rqaỹahi chaqai ñi Benjamín. Chaqai caỹim, no'm taachigui quiyim qaica ca ỹaalec, ca' ¡chaqaida qaica ca ỹaalec!

1 Reyes 18:36

Ca co'na' ỹovita ca laloqo' quiyim qoỹaano aca nachitaxanataxanqate, ca' so qota'a letaxaỹaxaqui, leenaxat Elías, nqo'neuo. Ca' ỹaatqajam netenegue da la'qaatec, 'naaco': —¡Qami' ỹa'gaxala', qami' qota'olec queso qareta'a Abraham, Isaac chaqai so Israel: nachaxañi' nagui quiyim qami' qota'olec queso qareta'a Israel, chaqai quiyim yilachi', vichiguiño' so'uet dá'ogue dajo ma' qami' ná'maq yilachi'!

2 Reyes 2:14

Ca co'na'le, ca so'maxare ỹouaxanñigui so huaxaỹaq queso nepo'. Ca' netenegue da la'qaatec, 'naaco': —¿Hueeta'gue ca qara'gaxala', cá'maq qota'olec queso Elías? Ca na' chi ỹouaxanñigui so huaxaỹaq queso nepo', ca' shicchigui so huaxaỹaq. Ca' so Eliseo liỹa paca'ta aso lachiugue.

Nehemías 1:11

Ca ñi'xoresene'tot qami' nagui quiyim na'xaỹaxañita da nqouagaxainaxac chaqai da lashiilaxanaxac najo relaachiqui', ma' qaica ca liỹa ỹahotaque, qaidaata quiyim remaqachiñi'. Chaqai sashiila'isac quiyim seshit da sahotaque quiyim taachigui lauel nqai'ñi' ñi nashi quiyim nqouaguic. Ỹim ñaqaỹim ne'taxaqui lo'o na'le so nashi Artajerjes.

Nehemías 2:4

Ca' so nashi 'naaco': —¿Negue' cá'maq vi'saque quiyim so'uet caqami'? Ca na'le, ca' saanot da ỹa'qaatec ñi qota'olec queda piguim.

Salmos 118:25

Qouaquiroxoric, qami' qara'gaxala', ¡qarca'laxachirec! Qouaquiroxoric, qami' qara'gaxala', ¡'viichi' quiyim qaicanqaida queda qoyicyaxac!

Salmos 122:6

Raualaxahi cañi re'taxanatahi, ca 'ñiỹac: Paguec la'maxa quiyim 'ue ca no'daxa caqami', Jerusalén; qaiyi qaicanqaida i'maqajlem ná'maq nqo'ta qami'.

Salmos 127:1

No'm ñi qara'gaxala' se no'xonshiguim ca no'ueenaxanaxaqui, ca ná'maq qomyipi ro'ueenataxantac qaica quet cá'maq 'negue; no'm ñi qara'gaxala' se ro'ootaxanteguelec ca na'a' lodegaxat, ca' qaica quet cá'maq 'negue quiyim reloqota'a na neloxoỹaripi.

Éxodo 3:15

Ñi qota'olec 'naac qai'neeta queso Moisés: —Qai'neeta 'ñiraco' ma'le quiyi Israel llaalqaipi: Ñi qara'gaxala' qota'olec queso 'auaxaic qareta'allipi Abraham, Isaac chaqai so Jacob nachaxana aỹim, ca 'naapiguiỹa': 'Eda da ỹeenaxat, dajo ỹeenaxat qaica ca lqodoc.

Éxodo 3:6

Ca lotqai liỹo' 'naac: —Chaqaỹim ná'maq ỹim qota'olec quesó'maq 'auaxaic qata'i'llipi. Aỹim qota'olec quesaua qapirilli' Abraham, Isaac chaqai so Jacob. Ca' so Moisés ỹapoquio' na lashic, ma' no'cho' quiyim ra'ỹo'ot ñi qota'olec.

Mateo 22:32

“Chaqaỹim ná'maq ỹim qota'olec queso Abraham, Isaac chaqai so Jacob.” Ma' ñi qota'olec mese qota'olec quena leuaxaiquipi, ta'ta'a ná'maq nca'leetauec.

Filipenses 4:6

Chaqai qaica ca ỹachicoqochite' qamiri. Ta'ta'a quiyim ná'ogue 'ỹaañitacot ñi qota'a quena' nqouagaxaiñii. Shiilaitac, chaqai 'ỹaañitacot da na'aachiguii qai'neeta.