Génesis 24:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca co'na' mashic qo'xoỹom so Abraham, ca' ñi qara'gaxala' ỹaatqajam 'xoic da lqouagaxa quená'ogue na re'qoochigui.

Génesis 24:1 Iomraidhean Croise

Génesis 12:2

Ca' queca qachaalaxai'pi, ca' sachigoxochichigui ca ni'ic lodegaxat; chaqai saanem qami' da iqouagaxa, chaqai so'uet quiyim qami' choxoraic ma'le, chaqai chicqochigui qami' ma'le ca la'maxa na liỹaripi.

Génesis 13:2

Ca' so Abram ỹaatqajam nesallaxanec, 'ue ana lam 'óro, plata chaqai 'xoic so laloipi.

Génesis 18:11

Qam so Abraham chaqai aso Sara mashic qo'xoiqam, ca aso Sara mashic qac da la'aaxa quena lqo'xo.

Génesis 21:5

So Abraham ỹovito'o' saua cien niñaxari co'na' ne'qaañi so Isaac.

Génesis 24:35

Ca' ñi qara'gaxala' ỹaatqajam nqouaguegue ñi ña'co', nesallaxanec nqai'en, ỹa'ue ana lalo qagreta, huaca, 'oro, plata, chaqai na lelaatqaipi chaqai na lelaataipi, chaqai na lalo nauaanaxanaxa late'ellipi chaqai na 'ashinyipi.

Génesis 25:20

So Isaac ỹovito'o' saua cuarenta ñaxari co'na' o'ñiguit aso Rebeca só'maq llaale so Betuel chaqai lqaỹa so Labán, sauá'maq arameo nera'ñi yi Padan-aram.

Génesis 26:12

Ca danaxano' na'le queso ñaaxa so Isaac queso 'laua, ca' chalego loyac na' lapoon so lanec ala, ma' ñi qara'gaxala' no'ueenaxat so lanec.

Génesis 49:25

¡ña'aachic quiñí'maq qota'olec quena qataa'i', ñí'maq rotauañi'sac ma'le; ñi qota'olec qaica ca lqalanec, ñi'maxare no'ueenaxat ma'le ca qayicyaxaqui'! ¡Quecá'maq lqouagaxanaxat chicqo'ot na piguim! ¡Queca lqouagaxanaxat chicqa'ñi ca lauajñi aca huaaxai! ¡Dá'maq nqouagaxa queca nco'oxoc chaqai quiyim qarillipegue aca nate'e!

1 Reyes 1:1

So David ỹovira'a yí'maq ỹaatqajam lqo'xo queda nachaalataxac. Ca vichiguiño' quiyim 'eno'm 'xoic nqohin na qoỹañigui looỹac, qam qaiyiita se npa'eeuec na loshicmaxa.

Mateo 6:33

Ca' vichiguiño' 'maxachi'tegue da na'xaỹaxanaxaguii queda lo'ueenataxanaxac ñi qota'olec quiyim ỹoiquentac ná'ogue najo, chaqai 'viichii cá'maq ỹahotaque ñi'maxare, ca' coñiguit ma'le qai'neeta ná'ogue najo.

Lucas 1:7

Qam saua'maxare qaica ca llaalegue', ma' aso Elisabet se co'o, chaqai saua'maxare mashic ỹaatqajam qo'xoiqa.

Gálatas 3:9

Ca vichiguiño' cá'maq huelec, ca 'ue da nqouagaxa, 'nejem so Abraham ma' huelec ñi qota'a.

Efesios 1:3

Semaqachinqatac ñi qota'a ñí'maq leta'a so qara'gaxala' Jesucristo, ma' mashic ña'daqatau'a so Cristo, ca' ñi'maxare ỹaanema qomi' ná'ogue ná'maq lqouagaxanaxat chicqo'ot nqai'en na piguim.

1 Timoteo 4:8

Ma' dá'maq lpa'ataxaric na qaroshicmaxa 'ue da 'negue, qam qailligueme'. Qam no'm ỹaatqajam qoyiquejlec ñi qota'a, ca' ỹaatqajam 'ue da 'negue. Ma' ỹaatqajam chicqaugui da 'aachicyaxac queda qanachaalataxac nagui, chaqai quecá'maq chaalataxac ñaqa naata.