Génesis 23:6 - La'qaatqa ñi qota'olec Qota'olec & Qota'olec Novita Na Qomyipi

⁶ —¡Nañaañi' rqouagaxa'e', qami' qara'gaxala', na'xaỹaxañiroxoua'! Qami' lca'acsec ñi qota'olec quiyim lliquisauguilo qomi'. Nca'a'iraque acá'maq paguec no'uen napal lahi' coqomi', ca' shiñiri'ñi aca roua'e', ma' coqomi' qaica quet cá'maq ỹollitapeguem aca lahi'.

Génesis 23:6 Iomraidhean Croise

Génesis 13:2

Ca' so Abram ỹaatqajam nesallaxanec, 'ue ana lam 'óro, plata chaqai 'xoic so laloipi.

Génesis 14:14

Ca co'na' ỹa'den so Abram quiyim so leteesec qai'neeta qai'xat ncoñiiteguesec, ca' lapoonta' so llaqainatqaipi 'uo' ca trescientos dieciocho qomyipi quiyim sá'ogue. Ca liỹaaterec co'uaaterelec so nashillipi, chi ỹovireta'a yi na'a' leenaxat Dan.

Génesis 18:12

Vichiguiño' aso Sara se nalo'guit so le'naxanaxa, ca 'ñiichiquio' lauel: ¿Tegue' cá'maq la'maxa iuel ma'le, ma' ñí'maq ỹoua chaqai aỹim mashic qomi' qo'xoiqam?

Génesis 20:7

Qam nagui pilaxachireco' añi loua cajo ỹale, ma' ñi'maxare ỹa'qaataxanqajnec, qaiyi nqouagaxainlec qami' ñi'maxare, qaiyi rca'llirec. Qam no'm sqo pilaxachirec, ca qami' chaqai ná'ogue ná'maq neeta'ñi najo ileu ma'le.

Génesis 21:22

Ca' quesauajo na'xata', na' so Abimelec quepegue' ỹahotaque quiyim retaxaỹa'pegue' so Abraham, liỹaatac so Ficol, lashi so nalliripi. Ca' so Abimelec 'naaco' queso Abraham: —Qomi' seuanaxa quiyim ñi qota'olec ỹotauantac qami' quená'ogue ná'maq 'viichi'sac.

Génesis 23:5

Ca 'naaco' so hitita laseripi:

Génesis 23:7

Co'na'le, ca' nachajñi so Abraham, ca' ỹa'dooto naua le'cootal so hitita laseripi.

Génesis 24:18

—Ajá'a, ni'chi', qami' ỹa'gaxala' —'naaco' aso'maxare. Ca chaqa'ma' ỹanñi aso nehoma, nanoretashiguim, ca ne'taxan so'maxare.

Génesis 24:35

Ca' ñi qara'gaxala' ỹaatqajam nqouaguegue ñi ña'co', nesallaxanec nqai'en, ỹa'ue ana lalo qagreta, huaca, 'oro, plata, chaqai na lelaatqaipi chaqai na lelaataipi, chaqai na lalo nauaanaxanaxa late'ellipi chaqai na 'ashinyipi.

Génesis 31:35

Co'na'le, ca 'naaco' aso Raquel: —Qami' ita'a, totaxan o'iriua' quiyim se ñi'laxashiguim, qam ma' ỹim la'aaxai, vichiguiño'. Ca ma' so Labán imitetapigui caua lqolaqa, qam se ỹanatalo.

Génesis 32:18

ca' qami' 'ñiraco': Chi name caqami', qami' ỹa'gaxala' Esaú, chicqo'ot ca relaachiqui' Jacob. Ca na'maxare co'uaatetalgoto qomi'.

Génesis 42:10

Ca' saua'maxare 'neraco': —¡'E', qami' qara'gaxala'! Qomi' relaataxahi', qomi' ñanaguinaq, qam chi seshiujnaxanqataque na trigo.

Génesis 44:5

só'maq ỹaatqajam ne'taxaqui ñi ña'co', chaqai louena quena' ỹahotaque ra'iuec canchaqaica. ¡Qamiri ỹaatqajam se ỹa'maxañi dá'maq 'ñii'tegue!

Génesis 44:8

Ma' qomi' sachigoxosqota'gue da Canaán, yapilaxataq aca qodam seuanqajlec quena laapi' naua qochoxoqui'. Ca ¿chi'negue queta' socachaxa quet ca plata chaqai ca ne'óro quiyi la'a' ñi na'coochi'?

Éxodo 32:22

Ca' so Aarón 'naaco': —Qami' ỹa'gaxala', totaxan 'o'iriua'. Qami' 'yiiñite' najo qomyipi ỹaatqajam nqo'ta ỹo'uet da se no'uen.

Rut 2:13

Ca 'naaco' aso Rut: —Ỹaatqajam 'ue da re'xorenataxanaxa'e' caỹim, chaqai naua ra'qaataxahi' ya'ñaxate', ma' ỹaatqajam yichirite' quena' taxahi' caỹim, 'eno'm sqaỹim qachaaqainata'e'.