Génesis 23:4 - La'qaatqa ñi qota'olec Qota'olec & Qota'olec Novita Na Qomyipi

⁴ —'Eno'm ỹoqa'a ca sachicqa'gue quiyim salequetauguilo qamiri, qam ỹim sahotaque miiñiỹot aỹim ca 'laua quiyim loma' ayi ỹasauaxana, qaiyi seshinñi ayi ỹoua tot qaca.

Génesis 23:4 Iomraidhean Croise

Génesis 17:8

Ca' qami' chaqai ca qachaalaxai'pi saanem ma'le ná'ogue najo 'laua Canaán ná'maq ñi'salec nagui. Ca' ỹaatqajam ralamaxarichii ra'aari, ca ỹim ná'maq ỹim qota'olec ma'le caqamiri.

Génesis 23:5

Ca 'naaco' so hitita laseripi:

Génesis 3:19

Ỹaatqajam nenoqoichiriñi 'ueenataxañi'sac, ca' qaigueme naviqui' ca qanoqe', chi ỹovireta'a ma' pillirougui na 'laua ná'maq chicqoiraugui na' qaro'viichi'. Ma' qami' 'laua na'le, ca' ñigui 'laua qami' ma'le.

Génesis 47:9

Ca' so Jacob 'naaco': —Mashic sovite' yaua ciento treinta ñaxari quiyim ñamaqategueri' saachi'ñalo. Sqo vite', qam se no'viiñi naua seuetauguilo ñaxari. Ma' saqa' sovite' nagui caua ñaxari ỹovite' yí'maq 'auaxaic ita'allipi.

Génesis 49:30

queda 'laua Canaán. Ñijo lauac na'ñi yi Macpela naloote'oga yi la'a' so Mamre, yí'maq lishiujnaxanaxat na'le so Abraham, liỹa'uegue' so na'laua so Efrón, ỹahotaque loma' na lasauaxanqaipi.

Génesis 50:13

Ca' ỹodootegue da Canaán, ca' ishiñiñi queso lauac quiyi 'laua Macpela, yí'maq rishiujnaxano' na'le so Abraham queso Efrón, só'maq hitita le'ec, ỹauaaque nishinqa' na lauo' laseripi. Yijo 'laua chaqai ñi lauac pa'ỹa'gue da lqodoigue quiyi Mamre.

Éxodo 2:22

Ca so'maxare 'uo' so llaalec, ca' so Moisés ỹanco' leenaxat Gersón, loqo'm ỹoqa'a ca chicqa'gue, ma' 'naaco': —Ỹim ỹoqa'a ca sachicqa'gue quenajo 'laua sentalec nagui.

Eclesiastés 12:5

ỹo'uet da nqolonaxa da lishicshi'megue, chaqai queso nayic 'ue na lichic. Ca' renohi ana qo'paq almendro, ana piñai ra'paqataxan chaqai ana qo'paq alcaparra tot rotaanaxan queca qanishiitaque. Ma' na ỹale taỹa'a ca la'a' sqaica ca lqodoc, chaqai mashic qara'qaataque quenaua nayico ná'maq noỹenteguelec da lelauaxa.

Eclesiastés 12:7

Ca ma' ime dajo, ca ná'maq chicqaugui na 'laua pilougui na 'laua, ca ñí'maq na'al pilot ñi qota'olec ñí'maq ỹañigui na'le.

Hechos 7:16

Ca' so lpi'naqaipi, co'na' ncopa, ca qanaviguishiguim, qaỹodo'ogue da Siquem. Ca' quiyi, ca qaishinñi cañi lahi' quiyi 'laua shi'co' lishiujnaxanaxat so Abraham, ỹauaaque napal loma', ỹachigoxotaugui so llaalqaipi so leenaxat Hamor, na'ñi yi Siquem.

Hechos 7:5

Qam sqaica ca qoỹaanem quenajo 'laua quiyim ỹaatqajam lalamaxaret la'a'. Se qaỹa'ue cá'maq chi nco'matqa'. Qalaxam ỹaatqajam llic quiyim qohinapega qoỹaanem najo 'laua, chaqai ma' ime ileu, ca cá'maq llaalqaipi chaqaica ma'le ca qoỹaanem. Qam quesojo na'xa'a queca na'le saqa'leca ca llaalec so Abraham.

Hebreos 11:9

Ca ma' 'uo' da lpi'ỹaxac so Abraham, ca' ỹovira'a neetalec só'maq 'laua qaỹachaxantapega quiñi qota'a, qam 'ec se lalamaxaret nqai'en ca 'laua neetalec. Ma' so'maxare neetaugui so na'daañi 'imcoqui'. Chaqai chaqaida 'neeto'o' na'le so Isaac chaqai so Jacob, ma' saua'maxare qai'neete' iconchiguit só'maq qaỹachaxantac.

1 Pedro 2:11

Qamiri ỹaqaỹarolqa, ñi'xoresentouguilo qamiri, 'ec ỹoqa'a ca chigoxoỹa'gue nqaishin, quiyim sqai quii'uegue da se no'uen lamaanaxanqachic na roshicmaxahi, ma' na'maxare nco'uaata'pegue' da nachaalataxaguii.