Génesis 23:2 - La'qaatqa ñi qota'olec Qota'olec & Qota'olec Novita Na Qomyipi

² Ca' ileu quiyi Quiriat-arba, yí'maq nagui na'a' leenaxat Hebrón, huaugui yi 'laua Canaán. Ca' so Abraham noỹen na' ileu aso Sara, ca ỹadenaxachichigui da no'ueenataxac ná'maq 'ue ca lasauaxanec.

Génesis 23:2 Iomraidhean Croise

Génesis 13:18

Ca' so Abram napoc so lauo' na'daañi. Ime, ca' quepegue' yi 'laua hua'ñi ana qo'paq leenaxat encina, lalamaxaret so ỹale leenaxat Mamre, sqoỹoxa quiyi na'a' lodegaxat Hebrón. Ca no'xonshiguim aso lcopatoxonaxalate, ca' nqouagaxainot ñi qara'gaxala'.

Génesis 23:1

Ca' aso Sara ỹovite' ciento veintisiete ñaxari.

Génesis 23:19

Ca na' ime dajo, ca' so Abraham ishinñi aso Sara quiñi lauac na'ñi yi Macpela. Yi'maxare pa'ỹa'gue da lqodoigue quiyi Mamre. Yi'maxare qaiyiita qaỹa'den quiyim qohinac Hebrón, chaqai huaugui yi 'laua Canaán.

Génesis 24:67

Co'na'le ime, ca' so Isaac ỹauego aso Rebeca quiñi lauo' na'daañi aso shi'gue sou late'e Sara. Ca chaqa'ma' loua aso'maxare. Ca' so Isaac ỹaatqajam nqo'ta aso Rebeca. Ca' quiyi, ca' pal da lachicoxo viichigui na' sou aso late'e.

Génesis 27:41

Ca' queco'na'le, ca' so Esaú noquii'a so Jacob sauaxat da nqouagaxa qoỹaanem queso leta'a. Ca ra'deenataxantac, ca 'naaco': Mashic tot qaỹaloq ime ñi qareta'a, ca ma' ỹovita da lqodoc. Ca ma'le, ca' salauat ñi ỹaqaỹa Jacob.

Génesis 35:27

Ca' so Jacob quepegue' so leta'a Isaac ra'ajnaxana quiyi Mamre yí'maq na'a' leenaxato' quen qai'neeta da Arba, loqo'm Hebrón. Yi nera'ño' quen saua Abraham chaqai so Isaac.

Génesis 37:14

—Hua' —'naaco' so Israel—, mo'e', 'ajñi' negue' cá'maq 'neesari' caua rqaỹachi' chaqai ca 'neetari' ca qagretaipi. Ime, ca' rapilli', vite ca ỹa'xaỹaxac. Ca' so Israel ila' so José chicqochi'ñi so ca'megue quiyi 'laua Hebrón. Ca' so José co'na' ỹovita yi Siquem,

Génesis 50:1

Co'na'le, ca' so José qa'aal-lec so leta'a, ca na' noỹentac, ca' nqo'goq.

Génesis 50:10

Ca co'na' qaỹovita yi Goren-ha-atad yí'maq pa'ỹa'gue da lqodoigue caso lachiugue Jordán, ca' qaỹo'uet so nasouaxac, ca' noỹentagui so qomyipi na'le. Ca' so José ỹo'uet so lasouaxac quesaua siete na'xata' queso leta'a.

2 Samuel 1:12

Ca' noỹentagui chaqai naualqategueñi queda lelauaxa so Saúl chaqai so llaalec Jonatán, chaqai quedá'maq quiyim noxonec sá'ogue so nalliripi so Israel llaalqaipi só'maq nalliripi ñi qara'gaxala'. Ca nqopaaqachit ỹovireta'guit so avit.

2 Samuel 1:17

Ca' so David ỹo'ueenta'uegue da noỹenaxac queda lelauaxa so Saúl chaqai so llaalec Jonatán,

2 Samuel 2:11

Ca' so David ỹovi' siete ñaxari chaqai seis shiriguiri lashi so llaalqaipi so Judá. Ca' yí'maq la'a' reloqota'a so'maxare, chaqaiyi yi Hebrón. (2.12—4.12 So Abner, lashi so nalliripi so Saúl, ỹa'xat quiyim nashi queso ni'ic queda rapiguim so Is-boset só'maq llaalec so Saúl. So ni'ic queda rapiguim nco'ỹa'e' só'maq ni'ic queda 'guiñi, ca' ileue' saua Abner chaqai so Is-boset. Ca' so David renoto quiyim nashi, ca' lapoonta' so ni'ic queda rapiguim chaqai da 'guiñi.)

2 Samuel 5:3

Ca' chaqaida 'neeto' na' sá'ogue so qo'xoiquipi quena llaalqaipi so Israel quepegue' so nashi David quiyim retaxaỹa'pegue' neeta'ñi yi Hebrón. Ca so'maxare ỹa'ue quiyim na'maxate'e' so'maxare, qam ỹaatqajam ỹauanchigui nqai'en ñi qara'gaxala'. Ca' so qomyipi ỹano so David quiyim lashi so llaalqaipi so Israel.

2 Samuel 5:5

Quiyi Hebrón ỹovi' siete ñaxari chaqai seis shiriguiri quiyim nashi quiyi Judá. Ime, ca' quiyi Jerusalén, ca' nashi quiyá'ogue yi Israel chaqai yi Judá quesaua treinta y tres ñaxari.

Jeremías 22:18

Ñi qara'gaxala' qota'olec 'naac da la'qaatec quiñi Joacim, llaalec so Josías, ñí'maq nashi quiyi Judá: Qaica ca noỹen ma' ileu. Ỹaatqajam qaica ca noỹen chaqai quiyim 'naac: ¡'Xoraicolec yi ỹaqaỹa! ¡'Xoraiỹole ayi ỹaqaỹa! ¡'Xoraicolec yi ỹa'gaxala'! ¡'Xoraicolec yi ỹashi!

Números 13:22

Taaterou'a yi Néguev, ca chi ỹoviresa'a yi Hebrón. Ca' yí, nera'ño' saua Ahimán, Sesai chaqai so Talmai, saua'maxare llaalqa so Anac. Ca' sojo Hebrón qano'xonshiguimo' na' saqa'lecaua siete ñaxari quiyim 'ue yi Zoán quiyi Egipto.

Números 20:29

Ca co'na' retan so Israel llaalqaipi quiyim so Aarón ileu, ca' qanoỹenteguelec quesaua treinta na'xata'.

Juan 11:31

Ca co'na' qaiuane'tegue aso María quiyim ne'laxatashiguim, ca chaqa'ma' eec, ca só'maq hueeta'ñi yi la'a' judioipi ỹa'ñaxatetac quiyim qaica ca huapigui lauel, coỹare'tegue, ma' 'neetapigui lauel quiyim quepegue' aca lahi', ca' noỹen.

Juan 11:35

Ca' so Jesús noỹen.

Hechos 8:2

Ca 'vio' saua ỹale' ỹaatqajam 'maxataxaraqa, queesalec ñi qota'olec, chaqaisaua sauá'maq ishiñiñi so Esteban, noỹenseguelec so'maxare.

Deuteronomio 34:8

Ca' so llaalqaipi so Israel noỹenteguelec so Moisés quesaua treinta na'xata' hua'ñi yi 'laua qaica qom quiyi Moab, ca' qaipacqajanchiguilo saua na'xata' quiyim nasouaxaqui' queso'maxare.

1 Samuel 20:31

Ma' quiyim so'maxare ñaq nca'leetauec quena 'laua, ca' qami' chaqai dá'maq ro'ueenataxanaxaqui' quiyim qami' nashi qaica ca la'maqa'. Vichiguiño' nagui laataxañire'oga, ca naviquiro, ma' ca'maxare 'maxaraic quiyim ileu.

1 Samuel 25:1

Ca' so Samuel ileu. Ca' sá'ogue so llaalqaipi so Israel lapoỹata', ca' noỹenteguelec so'maxare. Ca' qaishinñi quiyí'maq lalamaxaret na'laua quiyi Ramá. Ca co'na' ime, ca' so David quepegue' yi 'laua qaica qom, leenaxat Parán.

1 Samuel 28:3

Ca' queco'na'le, ca' so Samuel shi'co' ileu, ca sá'oco' so llaalqaipi so Israel noỹenteguelco' so'maxare. Ca co'na' ime, ca' qaishinñi quiyi Ramá yí'maq na'a' chi ne'xaỹoqsoqo'. Qam so Saúl ỹo'daauco' na'le quiyi na'laua ná'maq richaauec nqai'en da 'ueenataxac chaqai na ima'guit quiyim retaxaỹa'pegue' na nqui'i.