Génesis 23:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca' chaqaido' da 'neeto' na'le yi na'laua so Efrón hua'ñi yi Macpela pa'a'gue da lqodoigue quiyi Mamre, yijo 'laua liỹa'ogue' so lauac chaqai ná'ogue ana qo'paq pa'aataugui yi'maxare.

Génesis 23:17 Iomraidhean Croise

Génesis 23:20

Ca' quiyi, ca so Abraham ỹaatqajam lalamaxaret yijo 'laua chaqai so lauac huaugui yijo 'laua mashic imen so hitita laseripi quiyim qaỹa'ue loma' na napalyipi.

Génesis 25:10

Yijo 'laua chaqaiyo' yí'maq lishiujnaxanaxato' na'le so Abraham queso hitita laseripi. Ca hua'ño'yi na'le na' qaishinñi so Abraham, qaỹauaxaỹaxane'te' aso loua Sara.

Génesis 25:9

Ca' qaishinño' na'le quesauá'maq chaqai llaalqa Isaac chaqai so Ismael quiñi lauac na'ñi yi Macpela, pa'a'gue da lqodoigue quiyi Mamre, na'laua so Efrón, llaalec so Zohar só'maq hitita le'ec.

Génesis 47:30

Ma' ỹovita quiyim qayco'mataxanaxanec quiyim llapoo'guita saua 'auaxaqa ita'al, ca' naqachira'a aỹim quena Egipto. Ca yishiñiri'ñi aca lahite' caua'maxare. —Chaqaida shine'tegue ma'le —'naaco' so José.

Génesis 50:13

Ca' ỹodootegue da Canaán, ca' ishiñiñi queso lauac quiyi 'laua Macpela, yí'maq rishiujnaxano' na'le so Abraham queso Efrón, só'maq hitita le'ec, ỹauaaque nishinqa' na lauo' laseripi. Yijo 'laua chaqai ñi lauac pa'ỹa'gue da lqodoigue quiyi Mamre.

Job 38:20

¿'Yiiñi'o' quiyim ỹovira'a nqai'ñi' ca lqodoc na 'laua, ime, ca' lotqai rapila nqai'ñi' cá'maq chicqochi'ñi?

Mateo 10:16

¡Ñaqai 'ajñii! Ỹim selate' qamiri, 'nejme' aqamiri aca qagreta, quiichicñigui nqohin na lavinñi ca iseripi toxonaxairipi. Qam na'deenaxanqachiñii, 'ñiitari' ca nanaic, qam sqa vii ca rovirii, 'ñiitari' ca coviguiñic.

Hechos 7:16

Ca' so lpi'naqaipi, co'na' ncopa, ca qanaviguishiguim, qaỹodo'ogue da Siquem. Ca' quiyi, ca qaishinñi cañi lahi' quiyi 'laua shi'co' lishiujnaxanaxat so Abraham, ỹauaaque napal loma', ỹachigoxotaugui so llaalqaipi so leenaxat Hamor, na'ñi yi Siquem.

Efesios 5:15

Vichiguiño' ỹaatqajam ỹajñita ca 'neeta ca na'maqataxaguii. 'Neeto' lotqai 'ñiitari' ca qaica ca ỹa'den. Ta'ta'a quiyim 'ñiitari' ca 'deenaxanqachaqaic.

Colosenses 4:5

Ỹaatqajam na'deenaxanqachiñii quena' taxaiỹa'pegue' ná'maq saqa' icoñiguit da na'qaatec. Nquipichita'pegueto nauá'maq no'viiñi na'xata' quiyim 'ue ca redaaqari.