Génesis 22:8 - La'qaatqa ñi qota'olec Qota'olec & Qota'olec Novita Na Qomyipi

⁸ —Ỹaalcolec, —'naaco' so leta'a—, ñi qota'olec ỹo'uet ma'le cá'maq ỹachigoxota'gue cá'maq qagreta llaalec quiyim nachitaxanataxanaxat. Ca ñaqai queete' niỹareta'pe.

Génesis 22:8 Iomraidhean Croise

Génesis 18:14

¿'Uo' ca lqalanec ñi qara'gaxala' quiyim ỹo'uet? Quena liỹa ñaaxa, ca lotqai liỹa ñovita qami', ca mashic 'ue ma'le ca llaalec añi Sara.

Génesis 22:14

Ca na' ime, ca' so Abraham ỹa'uo' da leenaxat yijo 'laua, leenaxato' nqai'en: Ñi qara'gaxala' ỹa'ue cá'maq qaỹouentaque. Vichiguiño' nagui qaiyiita qohinac: Cada quemaralec ladocai ñi qara'gaxala' ỹa'ue cá'maq qaỹouentaque.

Génesis 22:7

Ca na'le, ca' 'naaco' so Isaac queso Abraham: —¡Ita'a! —¿Negue'ca, ỹaalec? —'naaco' so Abraham. —'Ajñi' —'naaco' so Isaac—, 'ue na' qanqo'paq lasoc ca norec, qam cá'maq qagreta llaalec nachitaxanataxanaxat ¿negue' ca hueeta'gue?

Génesis 22:9

Ca co'na' ỹovijta cá'maq ỹicapi'ñi ñi qota'olec, ca' so Abraham ỹo'uet aso lcopatoxonaxalate, ỹa'maxajñi ca qo'paripi; ca na' ime, ca ỹaxat so llaalec Isaac, ca' illaalec aso lcopatoxonaxalate pa'xanashiguim queca qo'paripi.

2 Reyes 2:6

Ime, ca lotqai 'naaco' so Elías queso Eliseo: —Qovire'e quenajo, ma' ñi qara'gaxala' yilata aso lachiugue Jordán. Qam so Eliseo 'naaco' queso'maxare: —Saanec da ỹa'qaatec quiñi qara'gaxala' chaqai caqami' quiyim se ñodaqajñiterec qaqamite'. Ca co'na'le, ca que', niỹareta'pe.

Mateo 19:26

Ca' so Jesús ỹamatauguilo saua'maxare, ca 'naaco': —Na qomyipi se ishit ỹo'uet dajo. Qam ñi qota'olec ishit ỹo'uet dá'ogue.

Juan 1:29

Ca' queso liỹa na'xa'a, ca' so Juan idaana'guit so Jesús naataxaso'ma so'maxare. Ca' so'maxare 'naaco': —Ñaqa 'ajñii, najo ná'maq ỹale ỹaanec ma'le ñi qota'olec, 'neeta'gue meca qagreta llaalec, ná'maq rouootaxana'gue ná'ogue na nasauaxaseteripi quena 'laua.

Juan 1:36

Ca co'na' so Juan iuane'tegue so Jesús, ca 'naaco': —'Ajñii, chaqaiso sojo só'maq ỹale 'ec ca qagreta llaalec ma' ỹaanec ñi qota'olec.

Apocalipsis 13:8

Ca' sojo isecỹac ỹaatqajam qaimaqachin quená'ogue ná'maq hueetalec ana 'laua, quená'maq se qoỹeretañi ca leenaxat na' ñaqai chita'gue qaỹo'uet na 'laua, cacá'maq lere nca'laxalate hueeto'ot so 'ec qagreta llaalec shi'gue qaỹalauat.

Apocalipsis 5:12

Qam ỹaatqajam nelamaxaren quena' retaqa, 'naacsa': Ñí'maq qagreta llaalec qaỹalauat na'le ta'chiguit quiyim icoñiguit da nquesaxanaxa chaqai da nesallaxa, da na'deenaxanaxa chaqai da la'ñaxac, da necaic, da nauaq, chaqai quiyim qaimaqachintac.

Apocalipsis 5:6

Ca' quena lavinñi so nashi nqa'xanqa', hueetañiguilo saua cuatro ise' nca'leesauec chaqai quena lavinñi so qo'xoiquipi seuane'ta so 'ec qagreta llaalec. Nachaatetañi, qam re'qoota dá'maq 'neeto' na' qaỹalauat. Siete saua lasote, chaqai siete nqote'. Ca' saua siete nqote' chaqaisaua saua siete lo'ueenataxanaxaco se re'xoguilo ñi qota'a sauá'maq qanelarrelec ná'ogue na 'laua.

Apocalipsis 7:14

Ca' ỹim shinac na'le: —Taque', qami' ỹa'gaxala', maq 'yiiñi'. Ca' so'maxare 'naapiguiỹa': —Nauajo nauá'maq ca'laxaterauec só'maq chalego lecaic ne'xoric. Ca naua'maxare quiỹo' naua loho chaqai lalagaxaqa nqai'ne', ỹahota'ahi saua leuo' ñi qagreta llaalec.