Génesis 22:5 - La'qaatqa ñi qota'olec Qota'olec & Qota'olec Novita Na Qomyipi

⁵ Co'na'le, ca 'naapegalo' saua lelaatqa: —Ñaq qovihe'e quenajo loxoita'a na 'ashin, ca dá'maq ỹaalec chaqaỹim qolaxapegue' yijo 'laua. So'ueetaq ca qanqouagaxainaxac quiñi qota'olec. Ca ma' ime, ca yapilaxari' quenajo.

Génesis 22:5 Iomraidhean Croise

Génesis 22:19

Ca' so Abraham pila yí'maq hueesa'ñi caua lelaatqa. Ime, ca saua'que taategue da Beerseba yí'maq na'ño' na'le so Abraham.

Génesis 22:4

Ca' na' ime'ueque saua tres na'xata' queete', ca' so Abraham ñaq qoỹoqo'ta, qa' iuane'to' só'maq qoỹicapi'ñi.

Génesis 22:6

Co'na'le, ca' so Abraham ỹaconot so qo'paripi ỹauaaque lcopatoxonaxat, ca' illaalec na lallaac so Isaac. Ime, ca' icona so lecat chaqai so lole', ca' que', niỹareta'pe.

Éxodo 24:14

Ca' queso qo'xoiquipi, ca 'naaco': —Nauaañiỹa'piguita qomi' quenajo, toco' ma' yapilaq. Najo hueeso'o' daua Aarón chaqai da Hur ro'viiñiỹa'guita. Ca no'm 'ue ca 'ue ca qalaneguelec, ca 'naapegalo daua'maxare.

Hebreos 11:19

Ma' so Abraham ỹaatqajam ỹa'deenta quiyim ñi qota'a 'ue da lquesaxanaxa quiyim liỹa nca'laxatec na leuaxaiquipi. Ca dá'maq leloxoỹaxaco' na'le dajo, 'ec quiyim so Abraham liỹa icoñiguit so llaalec chicqochiguingui yi leuaxaiquipi.

Hebreos 12:1

Ca' vichiguiño' qomi', ma' mashic 'xoic na qom seuqatañigui re'qoota da lpi'ỹaxac, ca 'maxaraic quiyim saxanaxañi ná'ogue ná'maq qara'paxat chaqai ná'maq nasauaxaset qara'peetapigui. Ca ñi'guenaxashiguim, qolaxalec da qanalliquinaxac quedá'maq seloxoiqa'gue.