Génesis 22:3 - La'qaatqa ñi qota'olec Qota'olec & Qota'olec Novita Na Qomyipi

³ Ca' queso liỹa na'xa'a ñaq nete'etam, ca' so Abraham na' ne'laxashiguim, ca ỹo'ueejlec so lalo 'ashin, iỹoxolec queso nqo'paq ỹauaaque lcopatoxonaxat. Ca' eec quepegue' yí'maq ỹicapi'ño' ñi qota'olec, liỹaatac so llaalec Isaac chaqai saua dos lelaatqa.

Génesis 22:3 Iomraidhean Croise

Génesis 17:23

Ca' chaqaiso sojo na'xa'a, ca' so Abraham ỹa'ue so netanec na loshicmaxa so llaalec Ismael; chaqai qai'neeta ỹo'uet na netanec na loshicmaxa sá'ogue so lelaatqaipi só'maq ne'xaỹa'ñi yi la'a', chaqai ná'maq lishiujnaxanqateripi qomyipi. Chaqai sá'ogue só'maq ỹalliripi ro'ueenataxantac neeta'ñi yi la'a' qaỹa'ue na netanec na loshicmaxa, ma' chaqaido' dá'maq lelaataxanaxac na'le ñi qota'olec.

Génesis 21:14

Ca' queso liỹa na'xa'a na' ñaq nete'etam, ca' so Abraham ỹaanem so pan aso Agar chaqai aso liỹoxoso no'qaatagui queso huaxaỹaq. Ca' illaalgoto naua lallaaco chaqai ỹaanem so llaalec Ismael. Ca' ỹo'daauec aso'maxare. Ca' eec aso'maxare, se ỹa'den ca taigue. Ca' chi namaqategueri' quiyi 'laua qaica qom quiyi 'laua Beerseba.

Génesis 22:18

Chaqai ná'ogue na ỹoreta'oguit qomyipi hueetalec ana 'laua 'xoic ma'le ca la'maxa, chicqochigui nqaishin ma'le ca'maxare, ma' na'xaỹaxanchiriua'.

Génesis 22:2

Ca' ñi qota'olec 'naaco' queso'maxare: —Coñita ñí'maq 'oonoqui' qachaalqui' Isaac, ñí'maq paguec rqo'itaxachi'. Ca' quirepegue' yi 'laua leenaxat Moriah. Ca ma' vichita yi'maxare, ca 'ỹaañiro quiyim vigaxachi' vite rachitaxanataxanaxachi', lli'ralec adá'maq quemaralec ladocai sachaxanem qami' ma'le.

Génesis 22:4

Ca' na' ime'ueque saua tres na'xata' queete', ca' so Abraham ñaq qoỹoqo'ta, qa' iuane'to' só'maq qoỹicapi'ñi.

Eclesiastés 9:10

Chaqai quecá'maq ralo'isalec quiyim 'viichi', ca' ỹaatqajam qamaxachite'; ma' cañi napal lahi' añí'maq i'sa'ñigui, qaica cá'maq qaỹo'uet chaqai qaica ca na'deenataxanaxac, ca na'deenec chaqai ca na'deenaxanaxa.

Mateo 10:37

Cá'maq ỹapacqajnauec ca lqo'iichi queca leta'a, loqo'm caca late'e caỹim, ca'maxare sqa taiguit quiyim ỹalamaxaret. Chaqai cá'maq ỹapacqajnauec ca lqo'iichi queca llaalec, loqo'm caca llaale caỹim, ca ca'maxare sqa taiguit quiyim ỹalamaxaret.

Lucas 14:26

—No'm 'ue ca nacpegue' aỹim, qam no'm se ỹamaqa'gue ca leta'a, aca late'e, aca loua, llaalqa, caua lqaỹa' ỹale' chaqai caua lqaỹa' 'aalo, chaqai vire'ta dá'maq chi nachaalataxac, se ishit quiyim ỹapaxaguinatec.

Gálatas 1:16

ca ỹo'uet quiyim seuana so llaalec, qaiyi sa'xat da na'qaatec chicqaugui da nca'laxa quená'maq mesqai judioipi. Qam cana' 'ue dajo, qaica ca shicpegue' quiyim senat.

Hebreos 11:8

Ma' 'uo' da lpi'ỹaxac so Abraham, ca na'xaỹaxanto' na' qaroỹaxana quiñi qota'a, ca' eec quepegue' cá'maq shim qoỹaanem quiyim lalamaxaret quiñi qota'a. Ca'e yí'maq neetalec 'laua, qam se ỹa'den cá'maq taỹa'gue.

Josué 3:1

Ca' queso liỹa nete'e na' nete'etam, ca' so Josué chaqai sá'ogue so Israel llaalqaipi eec ca'e yi Sitim, ca' ỹovita aso lachiugue Jordán. Qam na' saqa' ỹapacta, ca' nco'matec.